Minin nimi 9:13 - LAWA A BOO SONBORE

¹³ Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.

LAWA A BOO SONBORE 2011

¹³ Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.

Minin nimi 9:13 ပူးပေါင်းရင်းမြစ်များ

Siin Giala 17:14

Sɛnɛ, giĩ *soroma, mɛn bɛ́ a soromabaa nə n bɔ á n bɔ a ganaa wa, ka doamaa nɛ, ka bɛ loo ka bɔ masɛ a minin bii. A giala, bɛa dɛnaa na á masɛ a lɛ kɔ kɔn la lɛ ziziɛ̃.»

Bɔ bɛ̀rɛbaa nɛ 12:15

Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li.

Bɔ bɛ̀rɛbaa nɛ 12:19

Lɛawaa sɔbaa lɛ gɔ́ɔ̃ nɛ, yɔ bù baran yɛ kaa kionən ne wa. Min mɛn bɛ́ re buuru yɔ bùdɛnaa soɛ̃, ta tii ni, hinlaa kɛnaa nɛ, bɛ á re n boe, a n bɔ Izirayeli nɛnyaan zaman lɛ li.

Bɔ bɛ̀rɛbaa nɛ 12:47

- Izirayeli minin tumaa doamaa nɛ, ǹ bɛa zɔ́n kɛ lɛ zɛnaa.

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Bɔ bɛ̀rɛbaa nɛ 30:38

Min mɛn bɛ́ re ǹ miã tɔrɔ zɛnaa lɛn zoɛ̃ a din wɔ lɛa, a na a gìĩ kɔ, ka tá re bɛa dɛnaa boe, ka bɔ ǹ dɔɔ̃nɔn bii.»

Ezekieli 23:49

Ǹ tá re ǹ gɛsɛbaa kɛ lɛ a saraa yii, ǹ dì guguru kɔ kɛ lɛ a sii baraa a dɔlɔ á re n diɛ ǹ mìi ni. Ǹ tá re doɛ̃ bɛa biikoo li kəni, mà masɛ din nə Dɛnaa Lawa lɛa.»

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Lawa a wúlu-bɔlen 17:4

Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Lawa a wúlu-bɔlen 20:20

Bɛ̀ min mɛn giã kun ka ǹ di n dɔɔ̃n a lɔ nɛ, a n goon ka ǹ dɛnaa na á ǹ di n dɔɔ̃n lɛ tontoro da. A din laanka lɔ lɛ nɛ, ǹ dinin paanan tá re n toɛ̃ ka ǹ sii baraa a guĩ ni. Ǹ tá re giɛ̃, nɛ wɛɛ nɛ.

Lawa a wúlu-bɔlen 22:9

Man gɔn waa ka nɛ ka boon mɛnɛn nɛ, ka kɔ bɛn lɛ, màn mɛn bɛ́ toɛ, ka baran sii baraa saa ka da ka dinin mìi ni, màn-bii sii wɔ paǹ li wa. Bɛ̀ ka masɛ a boo tii bɛa sii lɛ gɔ́ɔ̃ nɛ, ka á re giɛ̃. Masɛ Dɛnaa Lawa din ni má ka bɔ, má ka koa maa dí mìi la.

Lawa a wúlu-bɔlen 24:15

N die n kɛ pɛ Izirayeli minin lɛn manɛ: Bɛ̀ min mɛn sɔ kɔ a Lawa ganaa, mà ǹ dɛnaa din doamaa nɛ, a n toɛ̃ ka a sii baraa a guĩ ni.

Minin nimi 19:13

Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.

Minin nimi 19:20

«Sɛnɛ, bɛ̀ min mɛn gɔ̀dɛnaa baa, a ná a gɔ̀ bɔ a din-a wa, ka bɛa dɛnaa na ka bɔ Izirayeli zaman ganaa a giala a n die Dɛnaa Lawa a kion lɛ gɔgɔrɛ koe. Gɔ̀ bɔ ǹ mu bɛ́ a bie á n pɛsɛ̃ a ganaa wa, a n gɔgɔrɛ.

Minin nimi 5:31

Giĩ lɛ sii ba re goɛ̃ sã kɔn nɛ wa. Sɛnɛ, lɔ lɛ sɛ á die n toɛ̃ ka a sã nɛ.

Minin nimi 9:7

«Gɔn da gere ganaa na á wɔsɛn gɔgɔrɛ kɔ. Lɛawaa mɛn nə n koa, wàa na á baa ǹ tá wɔsɛn kurii mà wɔ baran da wɔa Lawa gɔ ǹ màn kɔ Dɛnaa Lawa la, bɛa pinaa kɛ lɛ nɛ ka Izirayeli min tumaa bɛ́ lɔn wa?»

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Ebrəə 6:6

Bɛ̀ ǹ nə́ ǹ goleemali daa kanna, ǹ ba boe la ǹ yɛ doo wa. A n ka maǹ Lawa a Nɛgiĩ lɛ dere gɔn ganaa doo, ǹ nə́ sìi diɛ a ganaa zaman tumaa yɔrɔ-a.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.