Minin nimi 8:7 - LAWA A BOO SONBORE

⁷ N die n gɔ̀ lɛ bɔ ǹ ganaa ka yɔrɔ kɛ nɛ: n die n gɔ̀ bɔmaa ǹ mu kɛ pɛsɛ̃ ǹ ganaa, ǹ die ǹ nə n gɔ̀nɔn ka tumaa kɔɔ̃, ǹ nə ǹ mɔnaan pii. Bɛ kio, ǹ tá re *yoreen koe.

LAWA A BOO SONBORE 2011

⁷ N die n gɔ̀ lɛ bɔ ǹ ganaa ka yɔrɔ kɛ nɛ: n die n gɔ̀ bɔmaa ǹ mu kɛ pɛsɛ̃ ǹ ganaa, ǹ die ǹ nə n gɔ̀nɔn ka tumaa kɔɔ̃, ǹ nə ǹ mɔnaan pii. Bɛ kio, ǹ tá re *yoreen koe.

Minin nimi 8:7 ပူးပေါင်းရင်းမြစ်များ

Siin Giala 35:2

Zakɔba tɔ́n pɛ a kion minin manɛ, min mɛnɛn bɛ́ kun ni ka bɛn dɔn nɛ: «Tɔrɔ kɔsɔn bɛ́ mànan mɛnɛn guguru koe lawan lɛa, ka bɛn waa, ka ǹ bɔ ka bii. Ka ka dinin *yoreen kɔ, ka mɔnaa kɔsɔn wɔ.

Loen 51:2

Davida naarɛbaa mɛn zɛnaa kun ka Basebaa nɛ, Lawa a boo gii-dali Natan woo a piɛ a sii-a, loe lɛ n woe kun ka bɛ nɛ.

Loen 51:7

Dinin, ma dan bɛ́ maa nɔ̀ nɛ, bɛ̀ man sii baraa-zɛnaali lɛa gɔrɔ, man má yɛ ka sii baraa nɛ.

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Izayii 52:15

Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Lawa a wúlu-bɔlen 15:27

Bɛ̀ min mɛn nə́ n gɔn da ǹ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 15:6

Busulə lɛ giã màn mɛn la, bɛ̀ min mɛn giã bɛa màn lɛ la, ǹ dɛnaa doamaa nɛ, a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 16:28

Min mɛn bɛ́ re ǹ tiɛ̃, bɛa dɛnaa doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 8:6

Bɛ kio, Muizu lɛ dia Aarɔn laanka a nɛgiĩn la, á landa a zoo kɛ wɔ ǹ ganaa.

Minin nimi 19:13

Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.

Minin nimi 31:20

Ǹ die ǹ gɔ̀ bɔ mɔnaan tumaa dɔ ganaa, ka mànan mɛnɛn tumaa nə n zɛnaa ka ki ni, ka bòe ka nɛ, hinlaa ka gɔn nɛ.

Minin nimi 8:21

Levii tɔrɔn lɛn nə́ gɔ̀ bɔ ǹ dinin ganaa, ǹ nə́ ǹ mɔnaan pii. Bɛ kio, Aarɔn nə́ ǹ kɔ Lawa la ǹ sii zɛnaa, Dɛnaa Lawa yɔrɔ-a, á gɔ̀ bɔmaa ǹ landa sii kɛ zɛnaa ǹ ganaa, á ǹ yoreen kɔ.

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

Ebrəə 9:13

Lɛlɛ, min mɛnɛn nə goã gɔ̀dɛnan lɛa, landa wɔ paǹ li, wúlu-bɔlen lɛn nə́ butumun laanka dii gɔ̀lɔ̀n mà pɛpɛsɛ̃ bɛn ganaa, ka dii tiɛ̃ ton ne, màn mɛn bɛ́ toɛ, ǹ *yoreen kɔ, ǹ gɔ̀nɔn a gɔ̀ bɔ.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.