Minin nimi 8:12 - LAWA A BOO SONBORE

¹² Levii tɔrɔn lɛn die, ǹ nə n gɔn da dii gɔ̀lɔ̀n lɛn mìi ni. Muizu die a dii gɔ̀lɔ̀ lɛ goon baa sii baraa sawaa ǹ wúlu màn lɛa, a kɔsɔ kɛ tã Lawa wɔ lɛa, Levii tɔrɔn sii baraa sawaa ǹ wɔ lɛa.

LAWA A BOO SONBORE 2011

¹² Levii tɔrɔn lɛn die, ǹ nə n gɔn da dii gɔ̀lɔ̀n lɛn mìi ni. Muizu die a dii gɔ̀lɔ̀ lɛ goon baa sii baraa sawaa ǹ wúlu màn lɛa, a kɔsɔ kɛ tã Lawa wɔ lɛa, Levii tɔrɔn sii baraa sawaa ǹ wɔ lɛa.

Minin nimi 8:12 ပူးပေါင်းရင်းမြစ်များ

Bɔ bɛ̀rɛbaa nɛ 29:10

«Da ka dii gɔ̀lɔ̀ ten lɛ nɛ kɔn yɛ ka Lawa nɛ ǹ kion lɛ a kiɛnlɛ-a. Aarɔn laanka a nɛgiĩn nə n gɔn da a mìi ni.

Lawa a wúlu-bɔlen 1:4

Dɛnaa Lawa bɛ́ re lɛ koe tɔɔ mɛn lɛ ganaa wúlu màn tiɛ̃ lɛa, ǹ dɛnaa die a n gɔn da bɛ lɛ mìi ni, a sii baraa sawaa ǹ wúlu màn lɛa.

Lawa a wúlu-bɔlen 14:22

A wuruun paa hinlaa zɛ̀rɛkantoa màn paa kũ, ǹ mɛn a wɔrɔ bɛ́ boe la á yii a gɔn. A goon baa sii baraa sawaa ǹ wúlu màn lɛa, a goon baa wúlu màn tiɛ̃ lɛa.

Lawa a wúlu-bɔlen 16:11

Aarɔn dii gɔ̀lɔ̀ lɛ dɛ a din a sii baraa sawaa ǹ wúlu màn lɛa, a sii baraa sawaa ǹ wúlu bɔ nɛ, a din laanka a kion minin lɛa. Bɛ̀ á bɛa dii gɔ̀lɔ̀ lɛ dɛ a din a sii baraa a lɛa ǹ mɛn waáraa,

Lawa a wúlu-bɔlen 16:21

Aarɔn nə n gɔnɔn paanan kaa butumu yiikoonaa lɛ mìi ni, a Izirayeli minin lɛn sii baraan tumaa pɛ a lalan, ǹ sã ǹ siin tumaa laanka ǹ Lawa bɔlɔ tii ǹ siin tumaa nɛ, á bɛn kaa butumu lɛ mìi ni. Bɛ kio, ǹ min bɔ a tɔ-a, bɛ loo a wo koa don.

Lawa a wúlu-bɔlen 16:6

Aarɔn dii gɔ̀lɔ̀ lɛ dɛ a din a sii baraa sawaa ǹ wúlu màn lɛa, a sii baraa sawaa ǹ wúlu bɔ nɛ, a din laanka a kion minin lɛa.

Lawa a wúlu-bɔlen 4:15

zaman lɛ a min golen nə ǹ gɔn dada a mìi-n walan, min goon tɔn na a bɔlɔ kuru Dɛnaa Lawa yɔrɔ-a.

Lawa a wúlu-bɔlen 4:20

A dii gɔ̀lɔ̀ mɛn dɛ a din a sii baraa taman yii, a bɛ́ á bɛ baa lɔn, a kɛ lɛ dɔ baa miɛ̃. Wúlu-bɔle lɛ doamaa nɛ, a ǹ sii baraa sawaa ǹ wúlu bɔ miɛ̃, Lawa á die ǹ sii baraan toɛ ǹ nɛ.

Lawa a wúlu-bɔlen 4:35

Á tɔɔ lɛ a nyɔɔ tumaa waa, ka ǹ bɛ́ ǹ nə́ barka da Lawa nɛ ǹ sère nɛ lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, kun ka Dɛnaa Lawa gɔ ǹ wɔ kɛ nɛ, bɛ̀ ǹ tã. Wúlu-bɔle lɛ doamaa nɛ a sii baraa zɛnaali a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 4:4

A wo ka dii gɔ̀lɔ̀ lɛ-n kɔn yɛ ǹ kion kɛa kiɛnlɛ-a bɔrɔ, Dɛnaa Lawa yɔrɔ-a. A n gɔn da dii gɔ̀lɔ̀ lɛ mìi ni, a tɔn na a bɔlɔ kuru walan Dɛnaa Lawa yɔrɔ-a.

Lawa a wúlu-bɔlen 5:7

Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

Lawa a wúlu-bɔlen 8:14

Bɛ kio, ǹ bɛ́ re dii gɔ̀lɔ̀ mɛn biɛ sii baraa sawaa ǹ wúlu màn lɛa, Muizu pɛ, mà ǹ bɛ baã ǹ da nɛ. Aarɔn laanka a nɛgiĩn lɛn nə́ n gɔn dada bɛa dii gɔ̀lɔ̀ lɛ mìi ni.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Lawa a wúlu-bɔlen 8:18

Bɛ kio, ǹ bɛ́ re sère gɔ̀lɔ̀ mɛn biɛ wúlu màn tiɛ̃ lɛa, Muizu pɛ mà ǹ bɛ baã ǹ da nɛ. Aarɔn laanka a nɛgiĩn nə́ n gɔn dada sère gɔ̀lɔ̀ lɛ mìi ni,

Lawa a wúlu-bɔlen 8:34

Wɔ zɛnaa lɔn pelo ke lɛn, Dɛnaa Lawa na á pɛ mà a n zɛnaa miɛ̃, màn mɛn bɛ́ toɛ, a kaa sii baraan toa ka nɛ.

Lawa a wúlu-bɔlen 9:7

Bɛ kio, Muizu tɔ́n pɛ Aarɔn nɛ: N zɔ̃ n dɔ *wúlu bɔ ǹ bǎã lɛ nɛ, n sii baraa sawaa ǹ wúlu màn laanka wúlu màn tiɛ̃ kɛ a tɔɔ dɛ, n nə n din laanka n zaman lɛ a sii baraan sawaa nɛ. Bɛ kio, n zaman lɛ a sii baraa sawaa ǹ wúlu bɔ ka zaman lɛ a Lawa gɔ ǹ màn kɛ nɛ, ka Dɛnaa Lawa bɛ́ á pɛ lɔn.

Minin nimi 6:14

A da ka a Lawa gɔ ǹ màn nɛ a kɔ Lawa la: lɛ̀ goon sère nɛ gɔ̀lɔ̀n mɛn nə́ ke wɔ̀lɔ̀ ná a ba a ganaa wa, wúlu màn tiɛ̃ lɛa, lɛ̀ goon sère nɛ luun mɛn nə́ ke wɔ̀lɔ̀ ná a ba a ganaa wa, sii baraa sawaa ǹ wúlu màn lɛa, ka sère gɔ̀lɔ̀ mɛn nə́ ke wɔ̀lɔ̀ ná a ba a ganaa wa, barka da ǹ wúlu màn lɛa.

Minin nimi 6:16

Lawa a wúlu-bɔle lɛ die a wo ka bɛa Lawa gɔ ǹ mànan lɛn nɛ Lawa yɔrɔ-a, bɛ kio, a sii baraa sawaa ǹ wúlu bɔ, a wúlu màn tã.

Minin nimi 8:13

A die a Levii tɔrɔn lɛn kaa bii-a, Aarɔn laanka a nɛgiĩn yɔrɔ-a, a ǹ kɔ Lawa la ǹ sii zɛnaa.

Minin nimi 8:8

Ǹ die ǹ dii gɔ̀lɔ̀ ten goon bɔ, ka Lawa gɔ ǹ *wùsu sonbore ne, yia-n ka nyɔɔ nɛ. Bɛ kio, Muizu, n die n dii gɔ̀lɔ̀ ten kɔsɔ bɔ, sii baraa sawaa ǹ *wúlu màn lɛa.

Ebrəə 9:22

A kɔnpɛ ka Dí-pɛ nɛ, a n goon ka màn din tumaa n yoreen koe, ka mà nɛ. Bɛ̀ mà kaa wa, sii baraa toa ba yii wa.