Minin nimi 7:1 - LAWA A BOO SONBORE

¹ Muizu bɛ́ á Lawa a kion lɛ doa á nya ǹ mɛn pinaa, á nyɔɔ sonbore lɔ a ganaa, á baa Lawa wɔ lɛa, kɔnlɛ ka a gɔ́ɔ̃ mànan tumaa nɛ. Á nyɔɔ sonbore kaa *wúlu bɔ ǹ bǎã kɛ dɔ ganaa, á baa Lawa wɔ lɛa, kɔnlɛ ka a màn bisinin tumaa nɛ.

LAWA A BOO SONBORE 2011

¹ Muizu bɛ́ á Lawa a kion lɛ doa á nya ǹ mɛn pinaa, á nyɔɔ sonbore lɔ a ganaa, á baa Lawa wɔ lɛa, kɔnlɛ ka a gɔ́ɔ̃ mànan tumaa nɛ. Á nyɔɔ sonbore kaa *wúlu bɔ ǹ bǎã kɛ dɔ ganaa, á baa Lawa wɔ lɛa, kɔnlɛ ka a màn bisinin tumaa nɛ.

Minin nimi 7:1 ပူးပေါင်းရင်းမြစ်များ

Siin Giala 2:3

Lawa barka wɔ bɛa lɛawaa sɔbaabaa ǹ wɔ pinaa lɛ nɛ, á bɔ á koa a gɔrɔn a din wɔ lɛa. A giala, a bɛ́ á màn tumaa zɛnaa á nya, a na á n susu bɛ lɛ a pinaa.

Kiin1 8:64

Bɛa pinaa kɛ lɛ dɔ nɛ, bǎã mɛn lɛ bɛ́ Dɛnaa Lawa a kion lɛ nyɛɛnɛ, a sumu fúlu bii, kii Salomɔn bɛ dɔ yoreen kɔ wúlu bɔ ǹ bǎã lɛa. Bɛa bǎã lɛ nɛ á wúlu mànan tã a nɛ, á wúlu mànan kɔ Lawa la, ka zɔ́ɔ da Lawa nɛ ǹ wúlu mànan nyɔɔ nɛ; a na á bɛ zɛnaa miɛ̃ a giala wúlu bɔ ǹ bǎã mɛn goã zan lɛa Dɛnaa Lawa yɔrɔ-a, bɛ́ goã kiɛɛrɛ á la yii ni, *wúlu màn tiɛ̃n lɛn laanka Lawa gɔ ǹ mànan lɛn ganaa ka zɔ́ɔ da Lawa nɛ ǹ wúlu mànan lɛn nyɔɔ nɛ.

Bɔ bɛ̀rɛbaa nɛ 13:2

– Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.

Bɔ bɛ̀rɛbaa nɛ 29:36

Baraabaraa, dii gɔ̀lɔ̀ dɛ ga sii baraan toa li ǹ wúlu màn lɛa. N *gɔ̀ bɔ wúlu bɔ ǹ bǎã lɛ ganaa miɛ̃. Bɛ kio, n nyɔɔ kaa a ganaa, n kɔ Lawa la.

Bɔ bɛ̀rɛbaa nɛ 40:11

Ń die n nyɔɔ kaa doo kaaraa kɛ laanka a koamala ǹ màn kɛ ganaa n baa masɛ wɔ lɛa.

Minin nimi 17:2

«Lawa a wúlu-bɔle Eleyazaara ke, Aarɔn a nɛgiĩ lɛa, a pɛ bɛ nɛ, a da yon gìĩ kɔɔ̃n kaa ǹ mànan kɛn waa, a ǹ bɔ tɛ lɛ nɛ, a ǹ tɛ nàn pɛsɛ̃ tán tìãlɛ-a. A giala, maǹ nə́ n baa masɛ wɔn lɛa.

Minin nimi 7:10

Ǹ bɛ́ ǹ nə́ nyɔɔ sonbore lɔ wúlu bɔ ǹ bǎã kɛ ganaa ǹ mɛn pinaa, nyɛɛnaandɛnan lɛn nə́ daa ka Lawa gɔ ǹ mànan nɛ, wúlu bɔ ǹ bǎã lɛ a kɔ Lawa la ǹ wɔ lɛa. Nyɛɛnaandɛnan lɛn man nə́ daa ka ǹ Lawa gɔ ǹ mànan lɛn nɛ, wúlu bɔ ǹ bǎã lɛ yɔrɔ-a.

Minin nimi 7:84

Izirayeli minin nyɛɛnaandɛnan lɛn nə da ka Lawa gɔ ǹ mànan mɛnɛn nɛ, wúlu bɔ ǹ bǎã lɛ a kɔ Lawa la lɛ li, bɛn kaa kun nə́ ke: wɔrɔ tasa fulupaa, wɔrɔ kaaran fulupaa, sana kaaran fulupaa.

Minin nimi 7:88

Tɔɔn mɛnɛn bɛ́ barka da ǹ wúlu mànan wɔ lɛa, bɛn tumaa a kaa kun na á goã dii fuəwensii, sère gɔ̀lɔ̀ pɔsɔrɔ, butumu pɔsɔrɔ, ka lɛ̀ goon sère nɛ pɔsɔrɔ nɛ. Ǹ Lawa gɔ ka mànan mɛnɛn nɛ, wúlu bɔ ǹ bǎã lɛ a kɔ Lawa la wɔ lɛa, wúlu bɔ ǹ bǎã lɛ a nyɔɔ sonbore lɔma-a kio, ǹ dinin lɛn man ka kɛn nɛ.

Matiə 23:19

Yii tere-an lɛn! Ǹ mɛn a sii n kaka? Wúlu màn lɛ sɛ-n hinlaa, a bɔ ǹ bǎã mɛn bɛ́ biɛ Lawa a màn lɛa a gɔrɔn?