Minin nimi 6:3 - LAWA A BOO SONBORE

³ bɛa dɛnaa lɛ doamaa bie a duvɛ̃ laanka yɔ kakaarɛn mi wa, a doamaa bie a duvɛ̃ a pipiã hinlaa yɔ kakaarɛ a pipiã mi wa. A doamaa bie a rezɛ̃ mu tɔrɔ kɔn din mi wa, a doamaa bie a rezɛ̃ nɛ buruu hinlaa rezɛ̃ nɛ laa bii wa.

LAWA A BOO SONBORE 2011

³ bɛa dɛnaa lɛ doamaa bie a duvɛ̃ laanka yɔ kakaarɛn mi wa, a doamaa bie a duvɛ̃ a pipiã hinlaa yɔ kakaarɛ a pipiã mi wa. A doamaa bie a rezɛ̃ mu tɔrɔ kɔn din mi wa, a doamaa bie a rezɛ̃ nɛ buruu hinlaa rezɛ̃ nɛ laa bii wa.

Minin nimi 6:3 ပူးပေါင်းရင်းမြစ်များ

Lawa a wúlu-bɔlen 10:9

N din laanka n nɛgiĩn lɛn nɛ, bɛ̀ ka tá re we kɔn yɛ ǹ kion kɛ nɛ, ka nyan toa ka duvɛ̃ wɔ ka lɛ-n wa, ka nyan toa yɔ kakaarɛ kɔn wɔ ka lɛ-n wa. Bɛ̀ ka zɛnaa miɛ̃, ka a re giɛ̃ wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ná a ba n bɔyɛɛ wa.

Amɔɔsi 2:11

Má kaa nɛnyaanan kɔnɔn dɔn dinin bɔ maa boo gii-dalin lɛa, má kaa tɔntɔraa tenən kɔnɔn bɔ, din-kɔlen lɛa, maa dí kɛa lɛa. A n zɛnaa miɛ̃ wa, Izirayeli minin lɛn? Masɛ Dɛnaa Lawa n nɔ̀n diɛ ka la!

Amɔɔsi 2:12

Min mɛnɛn nə n dinin kɔ maa dí taman yii ǹ nə́ duvɛ̃ mi tii, ka n ká duvɛ̃ kɔ bɛn lɛn la ǹ nə́ mi, ká maa boo gii-dalin kurəə, mà ǹ baran maa boo gii da wa!

Minin nimi 6:4

A din-kɔ biikoo lɛ tumaa gɔ́ɔ̃ nɛ, màn mɛn bɛ́ ǹ nə́ zɛnaa ka *rezɛ̃ da nɛ nɛ, a we-n hinlaa a fɔrɔ nɛ, a baran bɛ kɔn wɔ a lɛ-n wa.

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Tesaloniki1 5:22

Ka n bɔ sii baraa tɔrɔ tumaa nɛ.

Timote1 5:23

Mu kooro dinsɔɔ̃ mii lɛ da. Duvɛ̃ bɔnboɛɛn mi n nɔ̀-busii lɛ taman yii, a giala, a tá n kuĩ paapaa.

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

Sii yɔrɔ-bɔlen 13:14

Màn woo màn, ǹ tá zɛnɛɛ ka *rezɛ̃ da kɛa nɛ nɛ, a nyan toa a bɛ kɔn wɔ a lɛ-n wa. A baran duvɛ̃ mi wa, a baran yɔ kakaarɛ kɔn mi wa. A baran màn gɔgɔrɛ kɔn bii wa. Ma màn mɛn tumaa pɛ nɛ, a doamaa nɛ a kɔ bɛ lɛ lɛ.»

Sii yɔrɔ-bɔlen 13:4

A kũ sisia ganaa, n din kũ, n baran duvɛ̃ mi wa, n baran yɔ kakaarɛ kɛ kɔn mi wa. N nyan toa n màn gɔgɔrɛ kɔn wɔ n lɛ-n wa.