Minin nimi 6:27 - LAWA A BOO SONBORE

²⁷ Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

LAWA A BOO SONBORE 2011

²⁷ Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

Minin nimi 6:27 ပူးပေါင်းရင်းမြစ်များ

Siin Giala 32:26

Ǹ bɛ́ kɔn ǹ mɛn waáraa, a kɔn-kũli lɛ bɛ́ á dɔ̃, mà a die boe la wa, á nɔmaa á Zakɔba dɛ a kiɛnpɛrɛ ganaa, a ná a gìĩ bɔ.

Siin Giala 32:29

Giĩ lɛ tɔ́n pɛ nɛ: «Ǹ ba re n bíi Zakɔba doo wa, maǹ die n bíi Izirayeli sisia (bɛ giala mà "Yɔ Bɔ Lawa Ganaa Wole"). A giala, ń yɔ bɔ kɔn ka Lawa laanka minbuiinin ni, ń gɔ̀lɔ̀baa yɛ.»

Samayeli2 7:23

Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

KZS1 4:10

Zaabɛsi lɛ Lawa nyankɔ á pɛ: «Izirayeli a Lawa, bǐɛ̃ kɔ n barka da ma ganaa, màn da maa bǎã li a gole kɔ, ma tamaa, n koe laanka fuu wɔlɔ lui ma ganaa.» A màn mɛn lɛ nyankɔ, Lawa bɛ kɔ la.

KZS2 7:14

Maa zaman lɛ, ǹ mɛn lɛ bɛ́ má n tɔ da la, bɛ̀ á n din gisĩ má yɔrɔ-a, á ma nyankɔ, bɛ̀ á n gɔn bɔ a sii bɔbɔnɛɛ kɛ ganaa á ga ma li, ka bɛ nɛ, masɛ, lon sɔsɔɔ kɛ nɛ, ma á re n too koe a lon, ma a sii baraan toa nɛ, ma a gána a kɛbɔlɔn kɛn zɛnaa.

Loen 5:12

Sɛnɛ, min mɛn tumaa bɛ́ kiɛ n yele, bɛn foo á re kɔɔ̃n koe. Ǹ tá re n nyɛnyɛɛ biikoo tumaa li. N din tá re ǹ tamaɛ. N tɔ kɛ bɛ́ kɔɔ̃n min mɛnɛn ganaa, n tá re nyɛnyɛɛ koe bɛn la.

Loen 67:7

Tán nə́ màn-kɔsiɛn bǐɛ̃ kɔ. N din lɛ n wɔa Lawa lɛa, ń barka da wɔ-a.

Bɔ bɛ̀rɛbaa nɛ 6:3

Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Minin nimi 23:20

Masɛ n má lɛ kɔ, má barka da zaman kɛ lɛ-a, a giala, Lawa din na á barka da ǹ ganaa. Ma bie re wusii man bɔlɔ baa wa.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Timəə dí-pɛn 28:10

Tɔrɔn mɛnɛn bɛ́ gána lɛ nɛ, ǹ tumaa á re doɛ̃, mà ka n Dɛnaa Lawa wɔn lɛa, ǹ tá re nyɛ́ɛ biɛ ka nɛ.