Minin nimi 6:23 - LAWA A BOO SONBORE

²³ – Boo da Aarɔn laanka a nɛgiĩn ni, n pɛ ǹ nɛ mà ǹ doamaa bɛ́ nɛ ǹ barka da Izirayeli minin lɛn ganaa ka boon mɛnɛn nɛ, mà bɛn nə́ ke:

LAWA A BOO SONBORE 2011

²³ – Boo da Aarɔn laanka a nɛgiĩn ni, n pɛ ǹ nɛ mà ǹ doamaa bɛ́ nɛ ǹ barka da Izirayeli minin lɛn ganaa ka boon mɛnɛn nɛ, mà bɛn nə́ ke:

Minin nimi 6:23 ပူးပေါင်းရင်းမြစ်များ

Siin Giala 24:60

Ǹ nə́ lɛn bǐɛ̃ bíi li, bɛ̀ ǹ tá pii: «Miãnɛn, Lawa die a toa n minbuiin duu damata a náa baa. Min mɛnɛn bɛ́ n tɔrɔn biɛ zɔ́ɔ, Lawa die a toa, n tɔrɔn nə bɛn giã ǹ bǎã a dɛnan baa.»

Siin Giala 47:10

Bɛ kio, á barka da Faarahɔn ganaa doo, á tɔ́n soo á n bɔ a li.

Siin Giala 47:7

Zozɛfu daa ka ǹ di Zakɔba dɔ nɛ, á nyaa Faarahɔn nɛ. Zakɔba barka da Faarahɔn ganaa.

Siin Giala 48:20

Bɛa pinaa lɛ nɛ, á barka da ǹ ganaa, bɛ̀ á pii: – Izirayeli nɛnyaanan tá re lɛn bǐɛ̃ bíi kɔn li, ka ǹ dinin lɛn tɔ nɛ, bɛ̀ ǹ pɛ kɛnɛn: «Lawa die a n dɔ n lɛ, ka a bɛ́ á n dɔ Efrayimu laanka Manaasee lɛ lɔn!» Zakɔba Efrayimu da Manaasee nyɛɛn ka bɛa yɔrɔ lɛ nɛ.

Kiin1 8:55

A bɛ́ á yoo, á golee lon, á n lɛn saa lon á barka da Izirayeli zaman lɛ tumaa ganaa á pɛ:

KZS1 23:13

Amuramu a nɛn: Aarɔn nɛ ka Muizu ni. Ǹ nə́ Aarɔn bɔ a kion minin bii ǹ nə́ da a gɔrɔn, màn mɛn bɛ́ toɛ a goã bǎã sonbore sonbore kɛ a dí-nyali lɛa, a din laanka a nɛnyaanan nɛ yǎa duduu, ǹ da yon gìĩ kɔɔ̃n kɔ Dɛnaa Lawa la, ǹ dí nya nɛ, ǹ barka da a zaman ganaa yǎa duduu.

KZS2 30:27

Lawa a wúlu-bɔlen mɛnɛn bɛ́ Levii tɔrɔn lɛa bɛn nə́ tɔn yoo kəni, ǹ nə́ barka da zaman lɛ-a. Ǹ Lawa nyankɔ dii lon, Lawa sonbore bɛ́ giã bǎã mɛn nɛ, á ǹ lɛ si.

Bɔ bɛ̀rɛbaa nɛ 39:43

Muizu nə́ ǹ dí lɛ tumaa yɛ. Á yɛ mà ǹ nə́ nya á kɔnpɛ taãn-taãnɛ ka Dɛnaa a boo pɛ nɛ. Bɛ lɛ taman yii, á Lawa bǐɛ̃ bíi ǹ li.

Minin nimi 6:22

Dɛnaa Lawa boo da Muizu ni, á pɛ:

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Korɛnti1 1:3

Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Timəə dí-pɛn 10:8

A saa bɛa waáraa lɛ ganaa a da kaa pelo lɛ, Dɛnaa Lawa na á *Levii tɔrɔn kɛn bɔ á ǹ koa ǹ gɔrɔn, mà ǹ na asɛ a *lɛ kɔ kɔn la ǹ goo kɛ gũ, bɛ̀ ǹ golee asɛ yɔrɔ-a, ǹ na asɛ a dí nya, bɛ̀ ǹ barka da minin ganaa ka asɛ tɔ nɛ.

Timəə dí-pɛn 21:5

Bɛa biikoo li, Levii tɔrɔ wúlu-bɔlen kɛn nə n zɔ̃ ǹ dɔ. A giala, kaa Lawa, Dɛnaa Lawa lɛ na á ǹ dinin lɛn bɔ mà ǹ dí nya asɛ nɛ, ǹ barka da minin ganaa ka asɛ tɔ nɛ. Minin bii gɔ́ɔ̃ ǹ sii tumaa laanka kɔn-dɛ a mà bɔ kɔn ganaa ǹ sii tumaa nɛ, ǹ dinin man bɛ yɔrɔ boe.

Timəə dí-pɛn 33:1

Lawa a boo gii-dali Muizu barka mɛn da Izirayeli minin lɛn ganaa á tɔ́n gã, bɛ n ka kɛ nɛ.

Ebrəə 7:1

Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

Ebrəə 7:7

Wɔ á doɛ̃ dɔn, liere ná a ba a-n wa, wáa min mɛn bɛ́ Lawa bǐɛ̃ bíi min li, bɛ á gole á la min kɛ lɛ sɛ nɛ, ǹ nə́ Lawa bǐɛ̃ lɛ bíi li.

Zozoe 8:33

Bɛa biikoo li, Izirayeli minin lɛn tumaa, ǹ min golen ne, ǹ landa sii-daraalin laanka ǹ sii yɔrɔ bɔlen ne ka tɔrɔ kɔsɔn mɛnɛn bɛ́ ǹ bii, ǹ tumaa woo golee Lawa a *lɛ kɔ kɔn la ǹ goo lɛ wàãn paanan li, Levii tɔrɔ wúlu-bɔlen kɛn yɔrɔ-a, ǹsɛn mɛnɛn bɛ́ lɛ kɔ kɔn la ǹ goo lɛ guĩ. Zaman lɛ a talɛɛ na á giã Garizimu kele kɛ yɔrɔ-a, a talɛɛ dɔ́ giã Ebaali kele kɛ yɔrɔ-a. Dɛnaa Lawa a dí-nyali Muizu na á goã á pɛ ǹ nɛ mà ǹ zɛnaa miɛ̃, ǹ barka da Izirayeli zaman lɛ ganaa bɔrɔ.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.

Zaã2 1:3

Díi Lawa nɛ, ka Yezu *Krita mɛn bɛ́ Díi lɛ a Nɛgiĩ lɛa, ǹ bǐɛ̃ die a dɔ wɔ ganaa, ka makara-doɛ̃ nɛ, ka là nyantoro ne. Bǐɛ̃n kɛn die ǹ goã wɔ li, sonbore laanka kɔn-narɛɛ gɔ́ɔ̃ nɛ.