Minin nimi 5:18 - LAWA A BOO SONBORE

¹⁸ A die a da ka lɔ lɛ nɛ Dɛnaa Lawa yɔrɔ-a, a pii bɔ a mìi lɛ, a yiri gisĩ sii ni ǹ màn kɛ da a gɔn, zu-bɔ ǹ Lawa gɔ ǹ màn ke. Bɛa biikoo lɛ gɔ́ɔ̃ nɛ, mu kɔɔsɛ ke die ka koe ne, bɛ die a goã Lawa a wúlu-bɔle lɛ dinmaa gɔn.

LAWA A BOO SONBORE 2011

¹⁸ A die a da ka lɔ lɛ nɛ Dɛnaa Lawa yɔrɔ-a, a pii bɔ a mìi lɛ, a yiri gisĩ sii ni ǹ màn kɛ da a gɔn, zu-bɔ ǹ Lawa gɔ ǹ màn ke. Bɛa biikoo lɛ gɔ́ɔ̃ nɛ, mu kɔɔsɛ ke die ka koe ne, bɛ die a goã Lawa a wúlu-bɔle lɛ dinmaa gɔn.

Minin nimi 5:18 ပူးပေါင်းရင်းမြစ်များ

Suusun 5:4

Sɛnɛ, a nə n gɔn nyɔmiɛ̃ kɔɔsɛ ka sèwò bɛ́ lɔn. A n baraa ka gɔya sa lɛ bɔle bɛ́ lɔn.

Boo-laakalaali 7:26

Má yɛ dɔn, lɔ mɛn nə́ ke ka kan bɛ́ lɔn, bɛ á kɔɔsɛ á la gɛ̀ nɛ. Bɛa lɔ lɛ a kɔn-narɛɛ n ka zɔ̀ɔ bɛ́ lɔn, a gɔnɔn man ka zɔrɔkan bɛ́ lɔn. Min mɛn a sii bɛ́ kiɛ Lawa foo la, bɛ tá kanbiɛ a ganaa. Sɛnɛ, a gɔn nə doe sii baraa-zɛnaali ganaa.

Izayii 38:17

Á ke, maa foo-ziziɛ̃ gole nə́ n bɔyaa á là nyantoro baa. Hiĩ, n maa yiikoonaabaa narɛɛ á la yii ni yǎa n ma kanbaa gɛ̀ ganaa, n maa sii baraan tumaa zũ n kio sɔsɔɔ.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Lawa a wúlu-bɔlen 13:45

Gɔ̀nɔn ki busu babaraa lɛ bɛ́ min mɛn ganaa, ǹ dɛnaa doamaa nɛ, a na a mɔnaan tɔtoɛ̃ ka gɛ̀ na á gã la, a n mìi ka toa lɔloɛn kɔn, a pii kɔ a lɛ lɛ, a n lɛ dɛ a pɛ: Man gɔ̀dɛnaa lɛa! Man gɔ̀dɛnaa lɛa!

Minin nimi 5:15

bɛa giĩ lɛ wo ka a lɔ lɛ nɛ Lawa a wúlu-bɔle li, ka lɔ lɛ a Lawa gɔ ǹ màn nɛ, *ɔrzi wùsu nɔnɔɔ kilo sɔɔ. A baran nyɔɔ kaa li wa, a baran da yon gìĩ kɔɔ̃n da la wa, a giala zu-bɔ ǹ màn nɛ, yiri gisĩ sii ni ǹ màn nɛ, a n yiri gisĩ ka sii baraa nɛ.

Minin nimi 5:17

A die a mu sonbore kaa tii donkolon ne, a kion sonbore kɛa tán tii bɔ a kaa mu lɛ li.

Minin nimi 5:19

Lawa a wúlu-bɔle lɛ die a lɔ lɛ da liɛ ganaa, a pɛ nɛ: «Bɛ̀ giĩ kɔsɔ giã kunun ni duduu wa, bɛ̀ n giã ǹ gɔn nə talaa wa, bɛ̀ n nə n zuũ sã, n nə n din gɔgɔrɛ kɔ wa, mu kɔɔsɛ ke die ka koe ne, n die n kanbaa bɛ ganaa.

Minin nimi 5:22

Mu kɔɔsɛ ke die ka koe ne, bɛ á die we n gɔ́ɔ̃ nɛ, a n nɔ̀ yii, a n kurəə nɛ yɛ ganaa.» Lɔ lɛ die a pɛ: «A n miɛ̃, a n miɛ̃.»

Korɛnti1 11:15

A da yaa, mìi ka a sɔsɔrɔbaa n lɔ tɔ golebaa ǹ sii lɛa. A giala, lɔ bɛ́ kɔnboe a màn mɛn kuməə a mìi ganaa, maǹ nə́ mìi ka sɔsɔrɔ kɔ la bɛ lɛ taman yii gɔrɔ.

Korɛnti1 11:6

Bɛ̀ lɔ mɛn ba tapara kumii a mìi ganaa wa, a n mìi ka dɔ kukuru goon lɛa! Sɛnɛ, mìi ka kukurii, hinlaa a kɔɔ̃ bɛ́ sìi diɛ lɔ ganaa, a doamaa nɛ a màn kuməə a mìi ganaa.

Timəə dí-pɛn 29:18

Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Samayeli1 15:32

Samayeli pɛ: «Ka da ka Agaagi ni masɛ li, Amalɛki tɔrɔn kii lɛ.» Agaagi daa Samayeli li. A yɔrɔ goã kɔsiɛ-n wa, a giala, a na á goã taasɛ mà asɛ kanbaa gɛ̀ kɔɔsɛ ganaa.