Minin nimi 33:53 - LAWA A BOO SONBORE

⁵³ Ka gána lɛ si ka baa kaa wɔ lɛa, ka giã a nɛ. A giala, ma din nə bɛa gána kɛ lɛ koe ka la, màn mɛn bɛ́ toɛ a kaa wɔ baa.

LAWA A BOO SONBORE 2011

⁵³ Ka gána lɛ si ka baa kaa wɔ lɛa, ka giã a nɛ. A giala, ma din nə bɛa gána kɛ lɛ koe ka la, màn mɛn bɛ́ toɛ a kaa wɔ baa.

Minin nimi 33:53 ပူးပေါင်းရင်းမြစ်များ

Siin Giala 15:7

Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»

Loen 115:16

Lon nə Dɛnaa Lawa wɔ lɛa. Sɛnɛ, tán ke, a na á bɛ kɔ minbuiin nɛn la.

Matiə 20:15

Bɛ̀ ma tá li ma sii mɛn zɛnaa ka ma din a wɔrɔ nɛ, ma a boe la ma bɛ zɛnaa-n wa? Ma nə n yii baraa boe ma li sii sonbore zɛnaa lɛ taman yii!»

Timəə dí-pɛn 11:31

Kaa Lawa, Dɛnaa Lawa bɛ́ gána mɛn lɛ koe ka la, ka á re Zurdɛ̃ tà kuri, ka kiɛ̃ ka kaa a nɛ, ka si ka baa kaa wɔ lɛa. Á re kaa wɔ biɛ, ka á re giɛ̃ a nɛ.

Timəə dí-pɛn 17:14

Bɛ̀ ká wɔ gána lɛ nɛ ǹ mɛn waáraa, kɛ lɛ kaa Lawa, Dɛnaa Lawa n koe ka la, bɛ̀ ká si ká baa kaa wɔ lɛa yǎa ka giã a nɛ, kɔntan ka á re pii ǹ kɔn pinaa mà kasɛn man giɛ li ka kii koa ka dinin mìi la, ka tɔrɔ kɔsɔn kɛn tumaa wɔ bɛ́ lɔn ka lɛnpɛnɛ.

Timəə dí-pɛn 3:18

Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

Timəə dí-pɛn 32:8

Lon a Lawa bɛ́ minbuiinin niniɛ kɔn, a bɛ́ bǎã tatalɛ koe tɔrɔn la, a n gèlè koɛ tɔrɔn bii, á n yiri koa Izirayeli minin dɔn li.

Timəə dí-pɛn 7:17

Kɔntan ka á re taasɛ ka gɔ́ɔ̃ nɛ, mà tɔrɔn kɛn lɛn tá gigiã ǹ nə́ la kasɛn manɛ, mà kasɛn man siɛ lɔn, ka boo ǹ la, ka ǹ loo?

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 21:43

Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.

Zozoe 23:5

Dɛnaa Lawa lɛ, kaa Lawa lɛa, a din tá re ǹ lui, a ǹ bɔ ka nyɛɛnɛ, a din tá re baa diɛ ǹ gòã li, ka tá re ǹ gána sii ka n kɔ lɛ, ka kaa Lawa, Dɛnaa Lawa bɛ́ á goã á pɛ ka-n lɔn.