Minin nimi 32:14 - LAWA A BOO SONBORE

¹⁴ Á ke, ka dɔn man ka yoo tán ka digolon lɛn bǎã nɛ, sii baraa-zɛnaali tɔrɔn lɛa, ka n màn diɛ Dɛnaa Lawa a foo-yoo li, Izirayeli minin wɔ paǹ li.

LAWA A BOO SONBORE 2011

¹⁴ Á ke, ka dɔn man ka yoo tán ka digolon lɛn bǎã nɛ, sii baraa-zɛnaali tɔrɔn lɛa, ka n màn diɛ Dɛnaa Lawa a foo-yoo li, Izirayeli minin wɔ paǹ li.

Minin nimi 32:14 ပူးပေါင်းရင်းမြစ်များ

Siin Giala 5:3

Aadã bɛ́ á lɛ̀ paabiɛ ka pɔsɔɔ (130) zɛnaa kanaa ǹ mɛn waáraa, á nɛgiĩ yɛ a din a kɔnboe lɛa, ka a din bɛ́ lɔn. A ná a tɔ kɔ Sɛɛti.

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

KZS2 28:13

Ǹ nə́ pɛ ǹ nɛ: «Ka baran da ka kòso nɛn kɛn nɛ kànaa wa. Ka n die wɔ biɛ zɛ̀rɛ gole dɛnan lɛa Dɛnaa Lawa yɔrɔ-a. Ka ǹ li mà ka màn da wɔa sii baraan laanka wɔa sãn li? A da yaa dɔn, wɔ zɛ̀rɛ nɛ, Dɛnaa Lawa foo n yoo wɔ li parasii ni wɔsɛn Izirayeli minin.»

Ɛsidrasi 10:10

Lawa a wúlu-bɔle Ɛsidrasi lɛ yoo á pɛ ǹ nɛ: «Ka goã bɔlɔgoondɛnan lɛa wa. Tɔrɔ kɔsɔn wɔ lɔ lɛa kɛ na á wusoo á màn da Izirayeli minin zɛ̀rɛ li.

Nehemii 13:18

Tá a ka digolon lɛn dɔn man nə́ goã ǹ nə́ zɛnaa kɛnɛn, wɔa Lawa lɛ tɔ́n koe kɛ tumaa dia wɔ laanka kiwi kɛ la. Sɛnɛ, kasɛn, bɛ̀ ka tá susu ǹ pii lɛ ziziɛ̃, ka n Lawa a foo-yoo lɛn baraa koe Izirayeli wɔ paǹ li.»

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Loen 78:57

Ka ǹ digolon bɛ́ lɔn, ǹ nə́ n boɛ̃ ǹ nə n bɔ Lawa li, ǹ nə́ wusoo ka ǹ kio ne, min ba n foo doɛ ǹ ganaa wa. Maǹ ka sa biɛ bubunii bɛ́ lɔn.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 57:4

Ka ǹ yaa we die ganaa, ka nə n lɛ buĩ banabana die li? Ka ǹ ka lɛwɔn boe die li? Ka ǹ nɛnyaan bɔlɔ tii wolen lɛa, ka ǹ soɛ-bɔlen dɔn lɛa.

Ezekieli 20:21

Sɛnɛ, ǹ nɛnyaanan lɛn dɔn nə́ n gòãn dii ma ganaa. Ǹ tɔ wɔ á kɔnpɛ ka maa landa boon kɛn nɛ wa, ǹ nə́ maa sii yɔrɔ bɔ ǹ boon kɛn tamaa, ǹ nə́ kɔ ǹ lɛ wa. Bɛn lɛn kɔmalɛ dɔ n toɛ min yii goã koo. Ǹ nə́ maa susu ǹ piin kɛn dɔn ziziɛ̃. Bɛ lɛ na á toa má tɔ́n pɛ máa ma foo mɛn yoo ke, man die dɔlɔ diɛ ǹ mìi ni, yǎa man foo nyɛɛ ǹ la diə gole kɛ lɛ nɛ.

Minin nimi 32:15

Sonbore, bɛ̀ ka kanaa ka n bɔ Dɛnaa Lawa kio, a n die wusii a toa Izirayeli minin nə belebɔ diə gole lɛ nɛ. Bɛa yɔrɔ lɛ la, ka n die zaman kɛ lɛ tumaa bɔ̀n biɛ.

Luku 11:48

Ka n nyɛɛ kɛnɛn, mà ka digolon nya ǹ dí lɛ á kɔɔ̃n ka ganaa. Bɛn nə́ Lawa a boo gii-dalin dɛ, kasɛn manə ǹ yalan zɛnɛɛ.

Timəə dí-pɛn 9:24

Masɛ din ka dɔ̃ ǹ mɛn pinaa, ka n Dɛnaa Lawa bɔlɔ-tiilin lɛa miɛ̃.