Minin nimi 32:1 - LAWA A BOO SONBORE

¹ Urubɛn tɔrɔn laanka Gaadi tɔrɔn tɔɔn man nə́ goã mɔnaa-n taãn-taãnɛ. Ǹ nə́ tɔ́n yɛ, mà Yazɛɛrɛ bǎã laanka Galaati gána tá tɔɔn sii.

LAWA A BOO SONBORE 2011

¹ Urubɛn tɔrɔn laanka Gaadi tɔrɔn tɔɔn man nə́ goã mɔnaa-n taãn-taãnɛ. Ǹ nə́ tɔ́n yɛ, mà Yazɛɛrɛ bǎã laanka Galaati gána tá tɔɔn sii.

Minin nimi 32:1 ပူးပေါင်းရင်းမြစ်များ

Siin Giala 13:2

Abramu na á goã pàãma gole lɛa: tɔɔn nə́ goã a lon, ka wɔrɔ laanka sana nɛ.

Siin Giala 13:5

Lɔti mɛn dɔ goã zii tɔ we kun ka Abramu ni, tɔɔn nə́ goã a dɔ lon: sèren laanka bòen ne ka diin ni. Zìãn nə́ goã a dinmaa lon.

Siin Giala 29:32

Leyaa nɔ̀ si, á nɛgiĩ yɛ, a ná a tɔ kɔ Urubɛn (bɛ giala mà "Ga min a sii Walan"). A giala, a na á pɛ: «Dɛnaa ga maa nɔmaa ganaa, ma zuũ lɛ á die ma narɛ kanna.»

Siin Giala 47:4

Bòo lɛ na á kaka kɔ Kanaan gána-n parsiini, buu dɔ din banban doo, wɔa tɔɔn tá soɛ̃ wa. Bɛ lɛ nɛ, wɔ́ daa gùli kɔ kànaa. Bǐɛ̃ kɔ, n bǎã kɔ wɔ la Gosɛnɛ gána nɛ, wɔ giã walan.»

Samayeli2 24:5

Ǹ nə́ Zurdɛ̃ tà kuru, ǹ nə́ golee Aroɛɛrɛ bɔrɔ, kiwi mɛn bɛ́ Gaadi a nyankɔrɔ basa kɛ bii, bɛa gusin a lɛ̀gɔn la. Bɛ kio, ǹ nə́ woo Yazɛɛrɛ.

Samayeli2 24:6

Ǹ nə́ soo walan ǹ nə́ woo Galaati gána nɛ. Ǹ nə́ n toa walan, ǹ nə́ woo Taatimu-Odosii gána nɛ. Bɛ kio, ǹ nə́ woo Dan-Yaani. Ǹ nə́ n toa Dan-Yaani, ǹ nə́ woo Sidɔn li.

KZS1 4:41

Sonbore, Zudaa gána a kii Ezekiasi a biikoo li, nyɛɛnaandɛnan mɛnɛn lɛn boo nə n da, bɛn man nə́ daa bǎã lɛ nɛ, ǹ nə́ Kaamu tɔrɔn lɛn mɔnaa kionən laanka ǹ duru ǹ bǎãn ziziɛ̃, ǹ nə́ ǹ minin tumaa dɛ lenlen, min ná a ba ǹ bǎã doɛ̃ pelo wa. Bɛ kio, ǹ nə́ giã Kaamu tɔrɔn lɛn bǎã nɛ, a giala, ǹ tɔɔ bisinin buu sɔ̃ ǹ bǎãn nə́ goã ǹ tan.

Bɔ bɛ̀rɛbaa nɛ 12:38

Tɔrɔ kɔsɔ minin nə́ goã kunun ǹ ni giãgiã, tɔɔ giãgiã nɛ, sèren ne, bòen ne, ka diin ni.

Zeremii 22:6

Dɛnaa Lawa bɛ boo mɛn diɛ Zudaan kii a kion a paǹ li, á ke: N siĩnbaa n ka Galaati a daã kɛ wɔ bɛ́ lɔn, ka Liban a kele mìin kɛn nɛ. A da yaa, sàabaa ba la wa, man die n biɛ diə gole lɛa, kɛbɔlɔ lɛa.

Zeremii 48:32

Sibumaa a zaman, man wuu pii n la, á la Zazɛɛrɛ minin wɔ nɛ. Ma nə́ n kɔn bɔ ka *rezɛ̃ da nɛ. N nə́ n gùrùn nyɔmaa ń yìsi mu la bɔ nɛ, yǎa ń Zazɛɛrɛ yìsi mu la bɔ nɛ. Sɛnɛ, basaã-kɔle lɛ daa kɔ n rezɛ̃ lɛ, n kaa-piɛ mànan kɛn.

Zeremii 50:19

Man die wusii ma wo ka Izirayeli ni a lɛduə̃ ǹ bǎã nɛ. Karmɛli kele la, Basan a wuru bǎãn nɛ, Efrayimu a kele yiin ni, ka Galaati gána nɛ, á re màn-bii yii a bii, a kã.

Zeremii 8:22

Da banban Galaati a n la paparɛɛ nyɛɛ wa? Dɔɔtɔrɔ ba walan doo wa? Wàa na á baa maa zaman lɛ a baayɛrɛ a nyɛɛ wa?

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Minin nimi 21:32

Muizu minin dia woe giɛ Zazɛɛrɛ kiwi ganaa ka durii ni. Bɛ kio, Izirayeli minin lɛn nə́ Zazɛɛrɛ kiwi lɛ a kiwi bisinin si ǹ nə́ nɔmɔ ǹ ganaa. Amɔɔrɔ tɔrɔ mɛnɛn nə goã giã-n bɛa kiwin kɛn lɛn nɛ, Muizu bɛn loo.

Minin nimi 32:2

Bɛ lɛ n ke, ǹ nə́ woo Muizu laanka Lawa a wúlu-bɔle Eleyazaara li, ka zaman lɛ a nyɛɛnaandɛnan nɛ, ǹ nə́ pɛ ǹ nɛ:

Minin nimi 32:26

Wɔa lɔn nɛ, wɔa nɛnyaanan nɛ, wɔa tɔɔn nɛ, ka wɔa dí nya ǹ tɔɔn nɛ, wɔ n die bɛn toɛ kànaa, Galaati kiwin ni.

Minin nimi 32:3

«Atarɔti kiwi ni, Dibɔn kiwi ni, Yazɛɛrɛ kiwi ni, Nimura kiwi ni, Ɛsibɔn kiwi ni, Eleyale kiwi ni, Sebamu kiwi ni, Neboo kiwi ni, ka Bewɔn kiwi ni,

Minin nimi 32:35

Atrɔti-Sofan kiwi ni, Yazɛɛrɛ kiwi ni, Zogbaa kiwi ni,

Timəə dí-pɛn 33:21

Gaadi tɔrɔn man nə́ gána lɛ a bǎã sonbore bɔ. Gána lɛ a mìilandɛnaa wɔ gii na á goã walan. Bɛ kio, ǹ nə́ woo dɔ tɔrɔn lɛn goledɛnan li, Dɛnaa Lawa bɛ́ giɛ màn mɛn li, ǹ nə́ bɛ zɛnaa, a màn mɛn pɛ Izirayeli wɔ paǹ li, ǹ nə́ bɛ zɛnaa.»

Zozoe 13:25

Ǹ bǎã lɛ na á goã siɛ Zazɛɛrɛ kiwi ganaa, a Galaati gána a kiwin kɛn tumaa kaa a nɛ, ka Amɔn tɔrɔn kɛn gána a talɛɛ nɛ, a wo yǎa Aroɛɛrɛ kiwi, Rabaa kiwi yɔrɔ-a.

Zozoe 22:13

Ǹ nə́ Lawa a wúlu-bɔle Eleyazaara a nɛgiĩ Pineyasi dia Galaati gána nɛ Urubɛn tɔrɔn li, Gaadi tɔrɔn li, ka Manaasee tɔrɔn kɛn talɛɛ nɛ lɛ̀giala-n.

Zozoe 22:9

Urubɛn tɔrɔn nɛ, Gaadi tɔrɔn nɛ, Manaasee tɔrɔn lɛn talɛɛ nɛ, bɛn nə́ kiɛ̃ ǹ nə́ n bɔ Izirayeli minin gialakunun lɛn li Siiloo, Kanaan gána nɛ, mà maǹ wusii woe Galaati gána nɛ. Muizu na á goã á bɛa bǎã lɛ kɔ ǹ dɔn la ǹ wɔ gii lɛa, ka Dɛnaa Lawa bɛ́ á goã á pɛ-n lɔn.

Zaã1 2:16

A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

Sii yɔrɔ-bɔlen 5:16

Wàa na á baa ká woo golee tɔɔn zàã li, ka tá n too koe tɔɔn-lɛduə̃lin lɛn li, ǹ tɔɔn bíi we. Urubɛn a tanlɛ minin kɛn man nə́ goã boo mɔnɛɛ kooro.