Minin nimi 31:2 - LAWA A BOO SONBORE

² «Madiã minin nə baraa mɛn zɛnaa Izirayeli minin lɛn manɛ, Muizu bɛa dòo bɔ ǹ ganaa. Bɛ kio, a din tɔn kanaa toa.»

LAWA A BOO SONBORE 2011

² «Madiã minin nə baraa mɛn zɛnaa Izirayeli minin lɛn manɛ, Muizu bɛa dòo bɔ ǹ ganaa. Bɛ kio, a din tɔn kanaa toa.»

Minin nimi 31:2 ပူးပေါင်းရင်းမြစ်များ

Siin Giala 15:15

Sɛnɛ, nsɛ Abramu á re zizi koe, n gã ka yii-nyɛɛ nɛ, ǹ nə n gere bĩ.

Siin Giala 25:17

Isimayeli lɛ̀ paabiɛ ka pɔsɔɔwensɔbaa (137) nɛ, á tɔ́n gã, ǹ ná a gere bĩ ǹ minin geren bĩ ǹ bǎã nɛ.

Siin Giala 25:8

bɛ kio, á tɔ́n gã. Á zizi kɔ parsiini, á gã bɛ̀ a yii n nyɛɛ nɛ a zizi kɔ lɛ gɔ́ɔ̃ nɛ. Ǹ ná a gere bĩ ǹ minin geren bĩ ǹ bǎã nɛ.

Bɔ bɛ̀rɛbaa nɛ 2:16

Madiã gána a wúlu-bɔlen kiã a nɛlɔn man nə́ goã sɔbaa. Ǹ nə́ daa mu si tù lɛ-a, ǹ nə́ kiɛ goon ne ǹ díi a tɔɔn wɔ lɛa.

Izayii 1:24

Bɛ lɛ nɛ, Pàãyiidɛnaa Lawa, Izirayeli a Lawa Kaka a daǹ boo á ke: Koe n ka kɛ nɛ! Ma á re yui gòãn dii wolen kɛn gialaa, ma maa gɛ̀ dòo bɔ maa zɔ́ɔn ganaa!

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Minin nimi 20:24

«Aarɔn nyin nə die nyɛɛ. Sonbore, ma bɛ́ gána mɛn koe Izirayeli minin lɛn la, Aarɔn ba re we bɛ-n wa. A giala, ǹ nə́ masɛ bɔlɔ tii Meribaa mu bǎã nɛ.

Minin nimi 20:26

N die n Aarɔn a mɔnaan sɔlɔ, n nə ǹ wɔ Eleyazaara ganaa. Bɛ kio, Aarɔn nyin tá re nyɛɛ, a gã walan.»

Minin nimi 25:1

Izirayeli minin lɛn nə́ giã Sitimu. Ǹ ná a giala kɔ walan ǹ nə́ narɛbaa zɛnɛɛ kun ka Moabu gána lɔn nɛ.

Minin nimi 25:6

Bɛa biikoo kɛ lɛ nɛ, bɛ̀ Izirayeli minin lɛn goon nə́ ke á daa n dɔ ǹ dɔɔ̃nɔn lɛn bii, Madiã gána lɔ goon nə́ kun ni. A Muizu laanka Izirayeli zaman lɛ tumaa toa wuu pii kɔn yɛ ka Lawa nɛ ǹ kion kɛa kiɛnlɛ-a, ǹ yii bɛa min paa lɛ yɛ.

Minin nimi 27:13

N yii á die gána lɛ yii, bɛ kio, n dɔ n die giɛ̃ ka n dɔɔ̃n Aarɔn bɛ́ lɔn.

Minin nimi 31:1

Dɛnaa Lawa boo da Muizu ni, á pɛ:

Minin nimi 31:3

Muizu tɔ́n pɛ zaman lɛ nɛ: «Kaa min gialakunun nə ǹ ziabaa ǹ mànan goa ǹ wo zia la. Maǹ die woe Madiã minin gialaa, ǹ Dɛnaa Lawa a dòo kɛ bɔ ǹ ganaa.

Luku 21:22

A giala, bɛa biikoo lɛ n die goɛ̃ Lawa a gɛ̀ dòo bɔ ǹ lɛawaan lɛa. Màn mɛn tumaa nə n kiɛ̃ sɛ́wɔ nɛ, bɛ doamaa nɛ a n zɛnaa bɛa lɛawaan kɛn lɛn nɛ.

Nya ǹ dín 13:36

Dí goã Davida gɔn a din a biikoo kɛ li, a bɛ́ á bɛ nya Lawa nɛ á nya, á gã, ǹ ná a gere bĩ kunun ǹ digolon ne, a gere bɔɔ̃.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 13:4

Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Timəə dí-pɛn 4:22

Sonbore ne, masɛ a re Zurdɛ̃ tà kuri wa. Man die giɛ̃ gána kɛ-n kànaa. Sɛnɛ, kasɛn tá re tà lɛ kuri, ka wo gána sonbore kɛ lɛ si, ka baa kaa wɔ lɛa.»

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Ebrəə 10:30

Sonbore, Lawa mɛn boo kɛ da, wɔ á bɛ doɛ̃: «Ma din nə gɛ̀ dòo boe, ma din nə dòo sarɛɛ.» Á pɛ doo: «Ma din Dɛnaa á re kiri kuri maa zaman la.»

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»

Sii yɔrɔ-bɔlen 16:24

Zaman lɛ bɛ́ á Sansɔn yɛ, ǹ nə́ loe lɔ, ǹ nə́ ǹ lawa lɛ tɔ bɔ nɛ, bɛ̀ ǹ tá pii: Wɔa lawa na á wɔa zɔ́ɔ lɛ wɔ wɔ gɔn, min mɛn bɛ́ á goã wɔa gána lɛ ziziɛ̃, á goã wɔa min gigiã dii.

Sii yɔrɔ-bɔlen 2:10

Bɛa biikoo kɛ lɛ a minin tumaa daa ǹ nə́ gã. Ǹsɛn kio, min kɔsɔn nə́ yoo. Sɛnɛ, bɛn nə goã Dɛnaa Lawa doɛ̃ wa, a dí mɛn tumaa nya Izirayeli minin wɔ paǹ li, ǹ goã bɛ dɔ doɛ̃ wa.