Minin nimi 3:6 - LAWA A BOO SONBORE

⁶ «*Levii tɔrɔn lɛn bii ǹ nə n wɔlɔ kunu kɔ, n nə ǹ kɔ Lawa a wúlu-bɔle Aarɔn la, màn mɛn bɛ́ toɛ ǹ nə ǹ dɔ lɛ.

LAWA A BOO SONBORE 2011

⁶ «*Levii tɔrɔn lɛn bii ǹ nə n wɔlɔ kunu kɔ, n nə ǹ kɔ Lawa a wúlu-bɔle Aarɔn la, màn mɛn bɛ́ toɛ ǹ nə ǹ dɔ lɛ.

Minin nimi 3:6 ပူးပေါင်းရင်းမြစ်များ

KZS1 15:2

Á tɔn pɛ kəni: Bɛ̀ Lawa a goo lɛ tá n guĩ, a n die goɛ̃ *Levii tɔrɔn dininsɔɔ̃nɔn manɛ, a giala mà Dɛnaa Lawa na á ǹ bɔ mà ǹ Dɛnaa Lawa a goo lɛ gũ, ǹ na a dí nya biikoo tumaa li.

KZS1 23:28

Ǹ doamaa nɛ ǹ nə n dɔ Aarɔn a sɔmɔ minin kɛn lɛ Dɛnaa Lawa a dí a paǹ li, ǹ ga a sumun walan ka a kionən ne, ǹ *gɔ̀ bɔ màn sonboren kɛn tumaa-a ǹ ga ǹ walan, ka Lawa a kion a dí tumaa nɛ.

KZS1 23:32

Ka bɛ nɛ, maǹ kɔn yɛ ka Lawa nɛ ǹ mɔnaa kion kɛ laanka bǎã sonbore kɛa dí-nyalin lɛa, ǹ tá re n doe ǹ dɔɔ̃n Aarɔn a sumu minin kɛn lɛ ka Dɛnaa Lawa a kion kɛa dí ni.

KZS1 6:33

Dín mɛnɛn tumaa kɔsɔ bɛ́ kɔn yɛ ka Lawa nɛ ǹ mɔnaa kion lɛ wɔ paǹ li, Levii tɔrɔ gialakunun kɛn man nə́ goã bɛn nyɛɛ.

KZS2 29:11

Kasɛn, maa nɛgiĩn lɛn, ka nyan nə baa sii wɔ ma gɔn lɛbaã wolen lɛa wa. Hiĩ Dɛnaa Lawa na á ka bɔ, mà ka boo la ka gole asɛ yɔrɔ-a, ka yɔrɔ n boe ne, ka da yon gìĩ kɔɔ̃n tã asɛ tɔ bɔ ǹ wɔ lɛa.»

Ɛsidrasi 6:18

Ǹ nə́ Lawa a wúlu-bɔlen lɛn laanka Levii tɔrɔn lɛn dɔn tatala, ǹ nə́ Lawa a dí kɔ didie la Zeruzalɛmu, á kɔnpɛ ka Muizu a sɛ́wɔ kɛ gɔ́ɔ̃gɔ́ɔ̃ ǹ boo ne.

Malakii 2:4

Ka á re doɛ̃ ka bɛ-n mà masɛ Dɛnaa Lawa Pàãyiidɛnaa n má gɔn waa ǹ boon kɛn da, ma á lɛ kɔ kɔn la kɛ tamɛɛ nɛ ma bii ni ka *Levii tɔrɔn nɛ.

Minin nimi 18:21

Dɛnaa Lawa woo nyɛɛn ka boo ne: «Levii a tanlɛ bɛ́ dí mɛn nyɛɛ kɔn yɛ ka Lawa nɛ ǹ kion kɛ nɛ, bɛa saraa á ke: màn a fùbaa ǹ wɔ mɛn tumaa bɛ́ n sii Izirayeli gána nɛ, ma bɛ yii kɔ ǹ la.

Minin nimi 2:17

Bɛ kio, *Levii tɔrɔn kɛn tá re woe ka kɔn yɛ ka Lawa nɛ ǹ kion kɛ nɛ. Maǹ die goɛ̃ sɔraasi kuru gialakunun lɛn bii. Zaman lɛ n die koɛ kɔn la ǹ woo, a kɔnpɛ ka ǹ giã kɔn li ǹ gɔn nɛ ǹ giã ǹ bǎã nɛ, ǹ didie ná a bǎã nɛ, a kɔnpɛ ka a tɔrɔ a zanzan bǎã nɛ.

Minin nimi 2:33

Ka Dɛnaa Lawa goã á pɛ Muizu-n lɔn, ǹ Levii tɔrɔn lɛn nimi kun ka Izirayeli min gialakunun lɛn nɛ wa.

Minin nimi 3:5

Dɛnaa Lawa boo da ka Muizu ni á pɛ:

Timəə dí-pɛn 10:8

A saa bɛa waáraa lɛ ganaa a da kaa pelo lɛ, Dɛnaa Lawa na á *Levii tɔrɔn kɛn bɔ á ǹ koa ǹ gɔrɔn, mà ǹ na asɛ a *lɛ kɔ kɔn la ǹ goo kɛ gũ, bɛ̀ ǹ golee asɛ yɔrɔ-a, ǹ na asɛ a dí nya, bɛ̀ ǹ barka da minin ganaa ka asɛ tɔ nɛ.