Minin nimi 28:2 - LAWA A BOO SONBORE

² «Boo da Izirayeli minin lɛn nɛ n pɛ ǹ nɛ, mànan mɛnɛn bɛ́ doe masɛ ganaa maa màn-bii lɛa, ǹ nə́ ǹ tiɛ̃ ǹ gìĩ kɔɔ̃n masɛ ganaa, ǹ die ǹ nə n doa ǹ da bɛn kɔ ma la a biikoo li.

LAWA A BOO SONBORE 2011

² «Boo da Izirayeli minin lɛn nɛ n pɛ ǹ nɛ, mànan mɛnɛn bɛ́ doe masɛ ganaa maa màn-bii lɛa, ǹ nə́ ǹ tiɛ̃ ǹ gìĩ kɔɔ̃n masɛ ganaa, ǹ die ǹ nə n doa ǹ da bɛn kɔ ma la a biikoo li.

Minin nimi 28:2 ပူးပေါင်းရင်းမြစ်များ

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

KZS1 23:31

ǹ *wúlu màn tiɛ̃ kɔ Lawa la *susu ǹ pii pinaa, mui a lɛawaa bibinaa nɛ hinlaa lɛawaa kɔsɔn nɛ zɔ́n pinaa lɛa, ǹ bɛa dí kɛ nya duduu Dɛnaa Lawa yɔrɔ-a, ǹ nə ǹ dí nya mɔnaa nɛ ka landa boo á ke á nyaa lɔn.

KZS2 23:18

Bɛ kio, Lawa a wúlu-bɔlen mɛnɛn bɛ́ Levii tɔrɔn lɛa Lawa a kion lɛ lɛduĩ, Zozadaa bɛn kaa Lawa a kion lɛ a dí lɛ la. Davida na á ǹ tatala kuru lɛ yii li maǹ boo la ǹ *wúlu màn lɛpiɛ̃ kɔ Lawa a kion ka á ke kiɛ̃-n Muizu a laanda sɛ́wɔ lɔn. Á pɛ ǹ nɛ mà n bɛa dí lɛ nya ka foo kɔɔ̃nbaa ǹ loen ne a kɔn pɛ ka Davida a gɔn waa-man nɛ.

KZS2 31:3

Kii nə́ n gɔn màn paǹ goon kɔ wúlu màn lɛpiɛ̃n lɛa, baayɛlɛ wɔn nɛ ka wasamiɛ̃n wɔn nɛ, *susu ǹ pii pinaa wɔn nɛ, mui dii pinaa wɔn nɛ ka zɔ́n kɔsɔn kɛn wɔ nɛ, ka Dɛnaa a landa sɛ́wɔ bɛ́ nyɛɛ lɔn.

Ɛsidrasi 3:2

Zozadaaki a nɛgiĩ Zozoe laanka ǹ miã wúlu-bɔlen ne, ka Salatieli a nɛgiĩ Zorobabeli laanka ǹ dɔɔ̃nɔn nɛ, ǹ nə́ yoo kun ǹ nə́ Izirayeli a Lawa a *wúlu bɔ ǹ bǎã lɛ dɔ, ǹ nə́ wúlu mànan tã la, ka a bɛ́ kiɛ̃ nɛ Lawa a min Muizu a dí-pɛn sɛ́wɔ kɛ-n lɔn.

Ɛsidrasi 3:3

A laanɛ, ǹ nə́ goã nyɛ́ɛ biɛ bǎã lɛ a minin manɛ, ǹ nə́ wusoo ǹ nə́ wúlu bɔ ǹ bǎã lɛ dɔ a lɛlɛ a bǎã nɛ, ǹ nə́ wúlu mànan tã la, wasamiɛ̃n wɔn laanka baayɛlɛ wɔn nɛ, ǹ nə́ ǹ kɔ Dɛnaa Lawa la.

Nehemii 10:34

buuru ke ǹ ná a pàla boe Lawa yɔrɔ-a, bɛ wɔ lɛa, *wúlu màn ke ǹ nə́ Lawa goe ne baraabaraa, bɛ wɔ lɛa, wúlu màn ke ǹ nə́ tiɛ̃ baraabaraa, bɛ wɔ lɛa, susu ǹ pii wɔ lɛa, mui dii zɔ́nɔn wɔ lɛa, zɔ́n kɔsɔn wɔ lɛa, ǹ mànan mɛnɛn kɔ Lawa la bɛn wɔ lɛa, Izirayeli a sii baraan sawaa ǹ wúlu mànan wɔ lɛa, wɔa Lawa a kion lɛ a dí tumaa wɔ lɛa.

Loen 81:3

Ka sàn kɔ, ka maà dɛ, ka tùtun wuu da li.

Bɔ bɛ̀rɛbaa nɛ 23:15

Bibinaanɛ: *Yɔ bùbaã buuru zɔ́n nɛ. Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. Bɛ nə n zɛnaa mui bibinaa kɛ nɛ, ka ma bɛ́ ma pɛ ka-n lɔn. A giala, ka n ka soo bɛa mui kɛ lɛ nɛ, ka n bɔ Ezipti gána nɛ. Ka baran da masɛ guguru kɔ ǹ bǎã dɔ nɛ ka ka gɔn kooro-n wa.

Bɔ bɛ̀rɛbaa nɛ 29:18

N sère gɔ̀lɔ̀ lɛ tumaa tã wúlu bɔ ǹ bǎã lɛ nɛ, a goã *wúlu màn tiɛ̃ lɛa Dɛnaa wɔ lɛa. Wúlu màn tiɛ̃ wole ne, a gìĩ n kɔɔ̃n masɛ Dɛnaa ganaa.

Ezekieli 16:19

Ma goã n toe ka màn-bii mɛn nɛ, wùsu tɔrɔ sonbore kɛ nɛ, nyɔɔ nɛ, ka zoo nyɔɔ nɛ, n bɛn lɛn kaa tán-a ǹ yɔrɔ-a, nyɔɔ gìĩ kɔɔ̃n lɛa, kiɛ ǹ foo la. N màn mɛn zɛnaa, a din lɛ n ka bɛ nɛ. Ma din Dɛnaa Lawa a da ǹ boo ne.

Ezekieli 20:41

Ka bɛ́ pɛsiɛ̃-n gánan mɛnɛn nɛ, bɛ̀ má ka waa má ka bɔ tɔrɔ kɔsɔn kɛn bii walan má ka sɔkɔn ǹ mɛn waáraa, ma á re n diɛ ka lɛ sɔnbɔraanɛ, ka nyɔɔ gìĩ kɔɔ̃n kɛ bɛ́ lɔn, a sii n kiɛ ma foo la. Man die bɛ zɛnɛɛ ka nɛ, ma maa Lawa taãnbaa nyaa tɔrɔ kɔsɔn lɛn manɛ.

Ezekieli 45:17

Sonbore, wúlu màn tiɛ̃n kɛn nɛ, Lawa gɔ ǹ mànan laanka a gɔ ǹ duvɛ̃ kɛ nɛ, ǹ bɛ́ ǹ mɛnɛn koe la zɔ́nɔn biikoo li, mui dii zɔ́nɔn nɛ, *susu ǹ pii pinaan nɛ, Izirayeli tɔrɔn lɛn zɔ́nɔn tumaa a biikoo li. Goledɛnaa lɛ din doamaa nɛ a sii baraa sawaa ǹ wúlu kɛ a màn bɔ, Lawa gɔ ǹ wɔ nɛ, wúlu màn tiɛ̃ wɔ nɛ, zɔ́ɔ da Lawa nɛ ǹ wúlu wɔn nɛ, a Izirayeli tɔrɔn lɛn sii baraa sawaa ǹ wúlu bɔ ǹ nɛ.

Lawa a wúlu-bɔlen 1:13

Ǹ na a nànan laanka a kèrèn pii, wúlu-bɔle lɛ goon tɔn nə ǹ nyaa Dɛnaa Lawa nɛ. Bɛ kio, a tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:17

Ǹ bàan lɛ yu kɔn paa, ǹ nə́ ǹ ba niɛ̃ ǹ bɔ kɔn wa. Bɛ kio, wúlu-bɔle lɛ da wúlu bɔ ǹ bǎã lɛ a tɛ gɔnɔn lɛn la a tã. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 1:9

Ǹ na a nànan laanka a kèrèn pii, wúlu-bɔle lɛ goon tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 21:6

Ǹ doamaa nɛ ǹ nə n dinin kɔ maa dí la, ǹ nə n nyɛnaa ma tɔ kɛ a ziziɛ̃ nɛ. Ǹ dinin lɛn man Dɛnaa Lawa a wúlu mànan koe la. Bɛ nə ǹ Lawa lɛ a màn-bii lɛa. Bɛ lɛ taman yii, ǹ doamaa nɛ ǹ goã *yoreene.

Lawa a wúlu-bɔlen 21:8

Ka Lawa a wúlu-bɔlen lɛn kũ masɛ din wɔn lɛa. A giala, ka bɛ́ die wúlu mànan mɛnɛn koe masɛ la, ǹ dinin lɛn man a sii yɔrɔ boe. Ka ga ǹ ganaa masɛ a minin lɛa. Masɛ Dɛnaa Lawa dinmaa n yoreene. Man má ka dinin Izirayeli minin lɛn dɔn bɔ ma din wɔn lɛa, màn mɛn bɛ́ toɛ, ka goã yoreene.

Lawa a wúlu-bɔlen 3:11

Wúlu-bɔle lɛ die a bɛ tumaa tã wúlu bɔ ǹ bǎã lɛ lalan, Dɛnaa Lawa wɔ lɛa.

Malakii 1:12

Sɛnɛ kasɛn, ka n ma tɔ kuĩ ka n taasɛ ka yiri ni mà maa wúlu bɔ ǹ bǎã lɛ a gɔgɔrɛ mà ǹ tá boe la ǹ da màn tɔrɔ tumaa kɔ ma la.

Malakii 1:7

Man-biin mɛnɛn bɛ ǹ kɔnbɔ ka masɛ-n wa, ka n die ka bɛ nɛ maa *wúlu bɔ ǹ bǎã kɛ nɛ ka n pii: «Wɔ n wɔ́ sã n yii gugurubaa ganaa ka wàa nɛ? Asɛ n ka a maa wúlu bɔ ǹ bǎã lɛ yii puusə koe!»

Minin nimi 15:24

bɛ̀ zaman lɛ bɔ a zɛnaa siére-a wa, zaman lɛ tumaa doamaa nɛ a dii gɔ̀lɔ̀ baa wúlu màn tiɛ̃ gìĩ kɔɔ̃n lɛa a kɔ Dɛnaa Lawa la. A kɔnpɛ ka a zɛnaa ǹ gɔn nɛ, ǹ doamaa nɛ ǹ wùsu laanka duvɛ̃ ti a ganaa Lawa gɔ ǹ wɔ lɛa, ǹ butumu goon dɔ bɔ sii baraa sawaa ǹ wúlu màn lɛa.

Minin nimi 15:3

ka die ka *wúlu màn tiɛ̃n hinlaa barka da ǹ wúlu mànan bɔ bɛ̀ ka ǹ kɔ masɛ la. Ka ǹ bɔ lɛ-kɔ lɛ pã wɔ lɛa, hinlaa ka dinin nə bɔ ka foo-a ka kɔ, hinlaa ka ǹ bɔ kaa zɔ́nɔn wɔ lɛa. Ka die ka dii bɔ, hinlaa ka sère bɔ, hinlaa bòe, bɛa wúlu màn kɛ lɛ miã wɔ lɛa, a gìĩ ń kɔɔ̃n Dɛnaa Lawa ganaa.

Minin nimi 15:7

ka duvɛ̃ litiri paa dɔ ti a ganaa, Lawa gɔ ǹ màn lɛa, a gìĩ ń kɔɔ̃n Dɛnaa Lawa ganaa.

Minin nimi 28:1

Dɛnaa Lawa boo da Muizu ni á pɛ:

Minin nimi 29:39

Ka die ka bɛa mànan kɛn lɛn kɔ Dɛnaa Lawa la, kaa lɛawaa dadaran pinaa, ka ǹ kaa kaa lɛ kɔ ǹ wúlu mànan kɛn la, ka ka bɛ́ wúlu mànan mɛnɛn boe ka dinin li, wúlu màn tiɛ̃n nɛ, Lawa gɔ ǹ wùsu ni, Lawa gɔ ǹ duvɛ̃ nɛ, ka barka da ǹ wúlu mànan nɛ.»

Minin nimi 9:13

Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.

Minin nimi 9:7

«Gɔn da gere ganaa na á wɔsɛn gɔgɔrɛ kɔ. Lɛawaa mɛn nə n koa, wàa na á baa ǹ tá wɔsɛn kurii mà wɔ baran da wɔa Lawa gɔ ǹ màn kɔ Dɛnaa Lawa la, bɛa pinaa kɛ lɛ nɛ ka Izirayeli min tumaa bɛ́ lɔn wa?»

Korɛnti2 2:15

A bɛ́ miɛ̃, wɔ ǹ ka nyɔɔ gìĩ kɔɔ̃n bɛ́ lɔn, Krita n koe Lawa la *wúlu màn lɛa. Wɔ ǹ bɛ lɛ lɛa kirisibaalin laanka papaã wolen dɔn yii li.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.