Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Minin nimi 28:11 - LAWA A BOO SONBORE

11 «Mui gogoonmaa a giala kɔ pinaa, ǹ dii gɔ̀lɔ̀ paa baa wúlu màn tiɛ̃ lɛa ǹ kɔ Dɛnaa Lawa la, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

အခန်းကိုကြည့်ပါ။ ကော်ပီ

LAWA A BOO SONBORE 2011

11 Mui gogoonmaa a giala kɔ pinaa, ǹ dii gɔ̀lɔ̀ paa baa wúlu màn tiɛ̃ lɛa ǹ kɔ Dɛnaa Lawa la, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

အခန်းကိုကြည့်ပါ။ ကော်ပီ




Minin nimi 28:11
32 ပူးပေါင်းရင်းမြစ်များ  

Ǹ zuũ lɛ pɛ: «Wàa na á baa n tá li n wo a li pelo? Mui dii zɔ́n hinlaa *susu ǹ pii dɔ bɛ́ a bie wa!» Lɔ lɛ nə́ n toa: «N foo baran biɛ na wa.»


ǹ *wúlu màn tiɛ̃ kɔ Lawa la *susu ǹ pii pinaa, mui a lɛawaa bibinaa nɛ hinlaa lɛawaa kɔsɔn nɛ zɔ́n pinaa lɛa, ǹ bɛa dí kɛ nya duduu Dɛnaa Lawa yɔrɔ-a, ǹ nə ǹ dí nya mɔnaa nɛ ka landa boo á ke á nyaa lɔn.


Taãn nɛ, man zoɛ̃ li máa ma kion dɔ, Dɛnaa Lawa, maa Lawa tɔ bɔ ǹ wɔ lɛa. Izirayeli minin man die bɛa kion kɛ lɛ koe a din la. Ǹ tá re *wúlu màn gìĩ kɔɔ̃n tiɛ̃ a wɔ lɛa walan, ǹ buuru sonbore kɔ la biikoo tumaa li, ǹ wúlu màn tiɛ̃ kɔ la walan babaraa, baayɛlɛ ka wɔsamiɛ̃nɛ, *susu ǹ pii pinaa nɛ ka mui dii a bɔ pinaa nɛ ka Dɛnaa Lawa, wɔa Lawa a zɔ́n pinaan nɛ. Landan manɛ, Izirayeli minin doamaa nɛ ǹ kɔ lɛ yǎa duduu.


Lawa a kion ke ma á re doe, á kɔnbɔ a goã gole, a giala wɔa Lawa lɛ á gole á la lawan kɔsɔn tumaa nɛ.


Ka Muizu bɛ́ á baraabaraa a wúlu bɔ yɔrɔ nyaa ǹ nɛ lɔn, á wúlu mànan kɔ susu ǹ piin pinaa, mui diin lɛawaa bibinaan pinaa, ka lɛ̀ a zɔ́n dadaraa sɔɔn kɛn nɛ: *yɔ bùbaã buuru zɔ́n, kaa-piɛ ǹ zɔ́n, ka *giã siã giulun zɔ́n.


Bɛ kio, wúlu mɛn doamaa bɛ́ nɛ a n bɔ baraabaraa ka wúlu màn tiɛ̃ nɛ, ǹ nə́ goã bɛ boe. Ǹ nə́ goã wúlu dɔ boe ka wúlu màn tiɛ̃n nɛ, ǹ mui dii zɔ́nɔn wɔn lɛa, ka biikoon mɛnɛn tumaa bɛ́ ǹ nə́ ǹ kɔ Dɛnaa Lawa la. Bɛ̀ á yoo bɛ la, wúlu mànan kɛn manɛ didie goã giɛ li mà a bɔ foo sii màn lɛa Dɛnaa Lawa nɛ.


Wɔ́ baa pàã lɛa wɔ ganaa, wáa didie die a wɔrɔgiala garamu sii bɔ lɛ̀ tunaa nɛ, wɔa Lawa a kion lɛ a dí wɔ lɛa,


Dɛnaa Lawa, maa Lawa, n siin mɛnɛn yɔrɔ bɔ wɔa lɛa, ń kaãbaa ǹ siin zɛnaa, ǹ tá dadara. N miã din banban. Man li ma bɛ lɛ pɛ, ma timəə la, sɛnɛ, ǹ bɛ́ ǹ nə́ mɔnaa ǹ nə́ la yii ni.


Bɛ lɛ nɛ má tɔ́n pɛ, máa màn mɛn nə n kiɛ̃ sɛ́wɔ-munii kɛ nɛ maa wɔ paǹ li,


Ka sàn kɔ, ka maà dɛ, ka tùtun wuu da li.


Ka bɛn pɛ mui a bɔ li, ka a folon kaa taãn-taãn biikoo ne, ka pɛ wɔa zɔ́n pinaa dɔ nɛ.


Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.


Dɛnaa Lawa a boo n ka kɛ dɔ nɛ: «Sumu gɔ́ɔ̃ a kiɛnlɛ ke a yɔrɔ n dia-n lɛ̀giala la, bɛ doamaa nɛ a goã tiɛ̃ nɛ dí nya ǹ lɛawaa sɔrɔ kɛ tumaa gɔ́ɔ̃ nɛ. Sɛnɛ, *susu ǹ pii laanka mui dii zɔ́n pinaa, ka doamaa nɛ, ka bũ ka da koo.


Mui dii zɔ́n pinaa, ǹ doamaa nɛ ǹ dii gɔ̀lɔ̀ goon dɛ, sère nɛ sɔrɔ laanka sère gɔ̀lɔ̀ goon ne, wɔ̀lɔ̀ ná a ba ǹ kɔn ganaa wa.


Goledɛnaa lɛ die a belee kilo pɔsɔɔ ti dii gɔ̀lɔ̀ gogoonmaa laanka sère gɔ̀lɔ̀ gogoonmaa ganaa, Lawa gɔ ǹ wɔ lɛa. Sère nɛn kɛn wɔ paǹ li, bɛ̀ a gɔn kaa belee mɛn lɛ, a bɛ ti ǹ ganaa. A die a nyɔɔ litiri sɔrɔ kaa belee kilo pɔpɔsɔɔ li.


Bɛ lɛ na á toa, ma á re maa belee kuĩ ma si la, a kurii biikoo li, ma á re maa rezɛ̃ kuĩ ma si la, a ma biikoo li. Sère ka mɔnaa laanka gɛ̀sɛ sonbore mɔnaa ke, ǹ mɛnɛn lɛn bɛ́ a sìi duri, ma á re bɛn wɛɛ, ma ǹ bɔ a ganaa.


Ǹ na a nànan laanka a kèrèn pii, wúlu-bɔle lɛ goon tɔn nə ǹ nyaa Dɛnaa Lawa nɛ. Bɛ kio, a tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.


Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.


Ǹ na a nànan laanka a kèrèn pii, wúlu-bɔle lɛ goon tɔn na a tumaa tã wúlu bɔ ǹ bǎã lɛ lalan. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.


Bɛ̀ ń kan yaa á bàan kũ, bàan lɛ a mui ǹ màn nə la. Bɛ̀ ń kan yaa á puru, a na á màn kũ.


Ka dinin lɛn man pii: – Mui dii zɔ́n kɛ n die nyɛɛ biĩ, wɔ tɔn wɔa dɔǹɔn lɛ bũ? *Susu ǹ pii kɛ n die kiɛ̃ biĩ, wɔ tɔn wɔa màn nàn sã? Wɔ n die màn boe a zɔɔ̃ ǹ màn lɛ, wɔ màn da a giɔ̀mɔ li, wɔ a zɔɔ̃ ǹ gɔn bɔyaa wɔ minin koã nɛ.


Kaa nyɛnyɛɛ lɛawaan li, kaa lɛawaa dadaran li, kaa mui dii zɔ́nɔn li, ka die ka bɛa bɛnɛn kɛn lɛn pɛ ka *wúlu màn tiɛ̃n laanka kaa barka da ǹ wúlu mànan bɔ biikoo li. Bɛ dɔ á re toɛ masɛ nə n yiri kɔ ka li. Ma din ni kaa Lawa, Dɛnaa Lawa lɛ lɛa.»


Ka dii gɔ̀lɔ̀ paa kɔ Dɛnaa Lawa la wúlu màn tiɛ̃ lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.


Ka ǹ tɔn zín koe lɛawaan tɛnɛn la, ka muin tɛnɛn nɛ, waáraan tɛnɛn nɛ ka lɛ̀n tɛnɛn nɛ.


Bɛ lɛ tɔ ganaa, ka baran toa min kɔ́n ka zɛ̀rɛ baa màn-bii hinlaa màn-mii sii ganaa wa, hinlaa a ka zɛ̀rɛ baa zɔ́n pinaan koa ganaa, ka mui diin ni, ka susu ǹ piin ni wa.


Ka bɛ́ ká lɛ kɔ Yezu Krita lɛ ganaa kaa Mìinaa lɛa ke, ka goã kaa-n kun a din lɛ nɛ.


Davida pɛ Zonaatan nɛ: – Mui dii zɔ́n lɛ á ke biɛ̃, ma doamaa nɛ ma giã tán kii lɛ genli wɔ màn bii. Toa ma wo n duru don yǎa biɛ̃ a làan wasamiɛ̃nɛ.


Nɛnɛn lɛn nə́ ǹ lɛ si: «Hiĩ. A tá ka nyɛɛnɛ. Ka n nanaa kɛnɛn kɛnɛn, á daa kiwi gɔ́ɔ̃-n pelo, a giala wúlu bɔ tan zaman lɛ wɔ lɛa wúlu bɔ ǹ tenten la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ