Minin nimi 27:3 - LAWA A BOO SONBORE

³ «Wɔsɛn di na á gã diə gole ne. A goã kun ka gòãn dii wolen kɛn nɛ wa, min mɛnɛn lɛn nə kaa Koree kio ǹ nə́ n gòãn dii Dɛnaa Lawa ganaa. A na á gã a dinmaa a sã taman yii. A nɛginin dɔ yɛ wa.

LAWA A BOO SONBORE 2011

³ «Wɔsɛn di na á gã diə gole ne. A goã kun ka gòãn dii wolen kɛn nɛ wa, min mɛnɛn lɛn nə kaa Koree kio ǹ nə́ n gòãn dii Dɛnaa Lawa ganaa. A na á gã a dinmaa a sã taman yii. A nɛginin dɔ yɛ wa.

Minin nimi 27:3 ပူးပေါင်းရင်းမြစ်များ

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Minin nimi 14:35

Masɛ din Dɛnaa Lawa n má boo da. Bɛa zaman tìĩ-bɔle kɛ lɛ, ǹ nə́ n lɛ kaa kun ǹ nə́ yoo masɛ gialaa, ma n die ǹ kuĩ ka yɔrɔ kɛ tɔrɔ nɛ: Ǹ tumaa n die nyɛɛ diə gole kɛ nɛ. Maǹ die giɛ̃ kànaa lɛ nɛ.»

Minin nimi 16:19

Koree lɛ ná a kiodɛnan lɛn tumaa mìi sɔkɔn Muizu laanka Aarɔn li, kɔn yɛ ka Lawa nɛ ǹ kion lɛ a kiɛnlɛ-a. Dɛnaa Lawa a gugurubaa daa n din nyaa zaman lɛ tumaa nɛ.

Minin nimi 26:33

Hefɛɛrɛ a nɛgiĩ Selofaadi ke, bɛ nɛginin yɛ wa, yǎa nɛlɔn dininsɔɔ̃nɔn. A nɛlɔn lɛn tɔn nə́ ke: Malaa nɛ, Noa nɛ, Milkaa nɛ, ka Tirsaa nɛ.

Minin nimi 27:2

Ka ǹ kɔn nɛ, Selofadi a nɛlɔ sooro lɛ daa golee Muizu laanka Lawa a wúlu-bɔle Eleyazaara yɔrɔ-a, ka nyɛɛnaandɛnan laanka zaman lɛ tumaa yɔrɔ-a, kɔn yɛ ka Lawa nɛ ǹ kion kɛ a kiɛnlɛ-a, ǹ nə́ pɛ:

Minin nimi 27:4

Wàa na á baa wɔsɛn di lɛ tɔ n die papaɛ̃ a n bɔ a tanlɛ minin bii, a nɛginin yɛ baã kɛ taman yii? Ka bǎã kɔ wɔsɛn dɔn la, wɔ di ǹ dɔɔ̃nɔn lɛn li.»

Zaã a sɛ́wɔ 8:21

Yezu wusoo á pɛ ǹ nɛ: «Man die woe. Ka tá re giɛ ma li, sɛnɛ, ka tá re giɛ̃ ka kaa sii baraa nɛ ka mìi ni. Ma bɛ́ woe bǎã mɛn nɛ, ka a boe la ka wo walan wa.»

Zaã a sɛ́wɔ 8:24

Bɛ lɛ na á toa, má pɛ ka nɛ, máa ka tá re giɛ̃ ka kaa sii baraan nɛ ka mìi ni. Masɛ bɛ́ min mɛn lɛa, bɛ̀ ka a ma doɛ̃ bɛ lɛa wa, ka á re giɛ̃ ka kaa sii baraan nɛ ka mìi ni.»

Rɔmu minin 5:12

Sii baraa na á wɔ kanaa, min goon toto a sii zɛnaa a lɛa. Bɛa yɔrɔ kɛ lɛ la, minin si sii baraa la dɔ na á daa, ka min goon toto barka nɛ. Min goon toto a sii baraa na á daa ka gɛ̀ nɛ, gɛ̀ n min tumaa dɔ mìi ni. A giala, min tumaa sii baraa zɛnaa, min tumaa ka lenlen.

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.