Minin nimi 27:17 - LAWA A BOO SONBORE

¹⁷ min mɛn nə́ ke die boe la a zaman lɛ nyɛɛnaan bɔ ka a sii yii ni, ń giɛ zaman lɛ baran n baa ka tɔɔn mɛnɛn bɛ́ ǹ lɛduə̃ wole ná a banban wa.»

LAWA A BOO SONBORE 2011

¹⁷ min mɛn nə́ ke die boe la a zaman lɛ nyɛɛnaan bɔ ka a sii yii ni, ń giɛ zaman lɛ baran n baa ka tɔɔn mɛnɛn bɛ́ ǹ lɛduə̃ wole ná a banban wa.»

Minin nimi 27:17 ပူးပေါင်းရင်းမြစ်များ

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

Kiin1 22:17

Misee ná a lɛ si: «Má Izirayeli minin tumaa yɛ pɛsiɛ̃-n kelen la, ka n pɛ mà sèren mɛnɛn nə́ ke ǹ lɛduə̃ wole ná a banban. Dɛnaa Lawa pɛ: Dɛnaagiĩ ba minin kɛn lon wa. Didie nə n bɔyaa a wo piɛ ka là nyantoro ne!»

Kiin1 3:7

Sisia, Dɛnaa Lawa, maa Lawa ganaa, n din nə ń toa ma kii baa ma di Davida bǎã nɛ. Sɛnɛ, ma bɛ́ tɔn ten á la yii ni, ma ba pàã zɛnaa ǹ gɔn doɛ̃ wa.

Kiin2 11:8

Ka die ka kii lɛ lɛnpɛnɛ, ziabaa ǹ mànan nə́ didie gɔn, bɛ̀ min mɛn nə́ n mɔrɔ ka ganaa, ka ǹ dɛnaa dɛ a gã. Ka die ka goã kii lɛ genli a soo biikoo li ka a wɔ biikoo ne.

KZS2 1:10

Ma nə n nyankoe, sii-doɛ̃ laanka doɛ̃ kɔ ma la, màn mɛn bɛ toɛ ma boo la ma zaman kɛ nyɛɛnaan bɔ. Bɛ̀ bɛ́ bie wa, die n boe la a n zaman kɛ nyɛɛnaan bɔ, bɛa zaman gole ke?»

KZS2 18:16

Misee tɔ́n pɛ kəni: «Sii yɛ gɔ́ɔ̃ nɛ, má Izirayeli minin tumaa yɛ sawaa nɛ kele mìi ni ka tɔɔn bɛ́ lɔn lɛduə̃li ná a ba ǹ la wa. Dɛnaa Lawa pɛ: Minin kɛn nyɛɛnnaandɛnaa banban doo wa. Didie tumaa wo piɛ ka là nyantoro ne.»

Ezekieli 34:5

Bɛ lɛ na á toa tɔɔn lɛn nə́ sasawaa, a giala, ǹ lɛduəli banban. Ǹ nə́ sasawaa, ǹ nə́ don mànan màn-bii baa.

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 10:6

Izirayeli minin mɛnɛn bɛ́ ǹ nə papaã ka sèren bɛ́ lɔn, ka wo bɛn li, bɛ á sóɛ.

Matiə 15:24

Yezu tɔ́n pɛ: «Izirayeli minin mɛnɛn bɛ́ ǹ nə́ papaã ka sèren bɛ́ lɔn, Lawa na á ma dia bɛn lɛn dininsɔɔ̃nɔn li.»

Matiə 9:36

Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

Marki 6:34

Yezu bɛ́ á soo á n bɔ goo lɛ nɛ ǹ mɛn waáraa, á zaman gole yɛ. Minbuiinin lɛn makara kũ parsiini, a giala mà ǹ nə́ goã goon ka sèren mɛnɛn bɛ́ lɛduə̃li ná a ba ǹ la wa. A ná a giala kɔ á ǹ daraa sii gigiã ganaa.

Zaã a sɛ́wɔ 10:9

«Masɛ n kiɛnlɛ lɛa. Bɛ̀ min mɛn nə́ bɔ ka masɛ nɛ á tɔ́n wɔ kion, ka sèren bɛ́ boe ka kiɛnlɛ-n lɔn bɛ̀ ǹ tɔn wɔ kion, bɛa dɛnaa á die kirisibiɛ. Á die we bɛ̀ a soo, á die a too ǹ màn-bii dɔ yii.

Timəə dí-pɛn 31:2

«Masɛ lɛ̀ paabiɛ ka fuə n ke pelo. Ma a boe la ma Izirayeli minin lɛn nyɛɛnaan bɔ doɛ̃ doo wa. Dɛnaa Lawa pɛ ma-n dɔn dinin, mà ma re Zurdɛ̃ tà kɛ kuri wa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Samayeli1 18:13

Sayulu Davida baa sɔraasi duu goon a goledɛnaa lɛa, á zɔ̃, á bɔ a din ganaa. Davida na á goã miɛ zaman lɛ nyɛɛnɛ, bɛ̀ a wo zia la, a n bɔyaa.

Samayeli1 8:20

Wɔsɛn dɔn tá re ǹ biɛ ka tɔrɔn tumaa bɛ́ lɔn. Wɔa kii lɛ tá re wɔa sii yɔrɔ boe, a tá re wɔ nyɛɛnaan boe a wɔa zian baa.»