Minin nimi 25:2 - LAWA A BOO SONBORE

² Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

LAWA A BOO SONBORE 2011

² Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Minin nimi 25:2 ပူးပေါင်းရင်းမြစ်များ

Kiin1 19:18

Sɛnɛ man die min duu sɔbaa (7 000) yii toɛ koo Izirayeli gána nɛ, ǹ mɛnɛn lɛn tumaa á ke, ǹ lɛ kɔ, ǹ nə́ ǹ musin kuruməə tán Baali yɔrɔ-a, ǹ ná a guguru kɔ wa.»

Loen 106:28

Ǹ bɛ́ ǹ nə́ dɔ Pewɔrɔ gána dɔ nɛ, ǹ nə́ woo ǹ dinin kɔ bɛ dɔ a dì kɛ la, a tɔ n *Baali. Ǹ nə́ geren zɔ́n wúlu mànan sɔ̃ walan.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 22:20

«Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Bɔ bɛ̀rɛbaa nɛ 23:24

Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Bɔ bɛ̀rɛbaa nɛ 32:6

A lɛawaa sonbore, ǹ yoo tán maa-n gɔrɔ, ǹ nə́ *wúlu màn tiɛ̃n bɔ, ǹ nə́ bii kɔɔ̃n kɔ kɔn wúlu mànan bɔ. Zaman lɛ giã tán á màn bii, á màn mi, bɛ kio, á yoo á sàn kɔ.

Zeremii 40:11

Baabiloniin kii zaman lɛ gialakun toa Zudaa gána nɛ, á ǹ sii wɔ Safan a nɔɔn, Ayikaamu a nɛgiĩ Gedalia gɔn. Zudaa minin mɛnɛn bɛ́ giã-n Moabu minin bii, Amɔn tɔrɔn nɛ, Edɔmu minin ni ka gána kɔsɔn nɛ, ǹ tumaa bɛ ma.

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Korɛnti1 10:20

Haayii! Sɛnɛ, man pii ka nɛ, máa min kooron bɛ́ wúlu boe ka mànan mɛnɛn nɛ, máa maǹ nə ǹ koe yiri baraan la, ǹ bie ǹ koe Lawa la wa. Ma ba li máa ka goã kun ka yiri baraan nɛ wa.

Timəə dí-pɛn 32:38

Ǹ dinin lɛn man nə́ goã kaa wúlu mànan lɛn nyɔɔ soɛ̃, ka goã die wúlu boe ka duvɛ̃ mɛn nɛ, bɛ̀ ǹ bɛ mi. Ǹ yoo kanna kəni, ǹ nə n dɔ ka lɛ, ǹ bǎã yɛ kəni, ǹ ka duru a nɛ!

Zozoe 22:17

Wɔ sii baraa mɛn zɛnaa Pewɔɔrɔ kele la, bɛ n sii kiɛɛrɛ lɛa? Haalɛ pelo, wɔ tɔn nə n bɔ bɛ din ni wa. A da yǎa Dɛnaa Lawa ná a dɔlɔ bɔ a zaman tumaa ganaa.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»

Zozoe 23:7

Tɔrɔn mɛnɛn bɛ́ tɔn giã nɛ ka li ke, ka nyan toa ka n lɔlɔkɔn ka bɛn nɛ wa. Ka nyan toa ka bɛn dìn kɛn tɔ bíi wa, ka baran n liɛ ka ǹ tɔ-n wa, ka baran kaa tán ǹ giulun ka ǹ gugurukɔ wa.

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.