Minin nimi 25:11 - LAWA A BOO SONBORE

¹¹ «Lawa a wúlu-bɔle Pinasi ke, Eleyazaara a nɛ lɛa, Aarɔn a nɔ̀ɔn lɛa, bɛ na á ma foo da waa ganaa Izirayeli minin lɛn li. A giala, maa sii kaka kɔ a gɔn Izirayeli minin lɛn bii, ka n pɛ mà masɛ din ni. Bɛ lɛ n ke, a laanɛ masɛ tá n liɛ ǹ Lawa goon toto lɛa, ma ǹ bɔ̀n baa lenlen wa.

LAWA A BOO SONBORE 2011

¹¹ «Lawa a wúlu-bɔle Pinasi ke, Eleyazaara a nɛ lɛa, Aarɔn a nɔ̀ɔn lɛa, bɛ na á ma foo da waa ganaa Izirayeli minin lɛn li. A giala, maa sii kaka kɔ a gɔn Izirayeli minin lɛn bii, ka n pɛ mà masɛ din ni. Bɛ lɛ n ke, a laanɛ masɛ tá n liɛ ǹ Lawa goon toto lɛa, ma ǹ bɔ̀n baa lenlen wa.

Minin nimi 25:11 ပူးပေါင်းရင်းမြစ်များ

Samayeli2 21:14

ǹ nə́ ǹ kaa kun ka Sayulu laanka a nɛgiĩ Zonaatan wɔn nɛ, ǹ nə́ ǹ bĩ Sayulu ǹ di Kiisi a yala-n Selaa kiwi, Bɛnzamɛn tɔrɔn kɛn gána nɛ. Kii lɛ dí mɛn tumaa pɛ, ǹ ná a tumaa nya. Bɛ lɛ kio ne, Lawa tɔn nə n yɔrɔ bǐɛ̃ da gána lɛ la.

Kiin1 14:22

Sii mɛn bɛ́ baraa Dɛnaa Lawa yii li, Zudaa minin nə́ bɛ zɛnaa. Ǹ sii baraan mɛnɛn zɛnaa, bɛn nə́ Dɛnaa Lawa da miãgoã bɔ ganaa á la sii baraan kɛn tumaa nɛ, ǹ digolon nə́ zɛnaa.

Loen 106:23

Bɛ lɛ nɛ, Lawa pɛ mà a n die ǹ dii, a ǹ nya. Sɛnɛ, Lawa din a min boe Muizu yoo, á woo Lawa yɔrɔ-a, á ná a nyankɔ á kurəə, mà a baran ǹ dɛ, a foo-yoo lɛ gɔ́ɔ̃ nɛ, a ǹ nya wa.

Loen 106:30

Sɛnɛ, Pinaasi yoo, á sii lɛ yɔrɔ bɔ doɛ̃, bɔ̀n lɛ golee.

Loen 106:31

Dɛnaa Lawa lɛ kɔ Pinaasi ganaa min pepere lɛa, á pɛ mà a n die goɛ̃ miɛ̃ biikoo tumaa li, yǎa duduu.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 22:5

«Bɛ̀ min tɛ da don ganaa, yǎa bɛa tɛ lɛ nə n da wɔlɔ la, á woo ǹ miã kɔsɔ a wuru màn-kurii kũ, hinlaa á kũ bɛ̀ á tɔn lon, tɛ lɛ a dali doamaa nɛ, a wurudɛnaa lɛ saraa.

Bɔ bɛ̀rɛbaa nɛ 34:14

Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

Ezekieli 16:38

Lɔ naarɛn laanka ǹ mɛnɛn bɛ́ gɛ̀ dii, bɛn doamaa bɛ́ ka dɔlɔ mɛn nɛ, ma á re bɛ lɛ tɔrɔ diɛ n mìi ni. Ma á re mà boe n ganaa maa foo yoo kɛa pinaa, a giala ń ma sã.

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Minin nimi 25:10

Dɛnaa Lawa boo da Muizu ni, á pɛ:

Zaã a sɛ́wɔ 3:36

Bɛ̀ min mɛn golee a Nɛgiĩ lɛ li, nyin nyabaã n bɛa dɛnaa lon; bɛ̀ min mɛn na a bɔlɔ si wa, bɛa dɛnaa a die yiikoonaabaa yii wa, sɛnɛ, Lawa foo n goɛ̃ busii-n bɛ li.

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Korɛnti2 11:2

Lawa bɛ́ zuu boe ka la lɔn, masɛ dɔ n zuu boe ka la miɛ̃. A giala, ka n goon ka nɛniɛ mɛn bɛ́ a tɔn giĩ dɔ̃ wa, má wɔsɔ giĩ goon toto la, bɛ n ka *Krita nɛ.

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

Timəə dí-pɛn 4:24

A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

Zozoe 22:13

Ǹ nə́ Lawa a wúlu-bɔle Eleyazaara a nɛgiĩ Pineyasi dia Galaati gána nɛ Urubɛn tɔrɔn li, Gaadi tɔrɔn li, ka Manaasee tɔrɔn kɛn talɛɛ nɛ lɛ̀giala-n.

Zozoe 24:19

Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.