Minin nimi 24:6 - LAWA A BOO SONBORE

⁶ Ǹ nə́ n da wɔlɔ la, ka tà mu bɛ́ lɔn. Maǹ ka dù gɔrɔ bɛ́ lɔn tà lɛ-a, ka aloɛsi da bɛ́ lɔn, Dɛnaa Lawa nə́ ǹ zumu. Maǹ ka *sɛdrə da bɛ́ lɔn mu lɛ-a.

LAWA A BOO SONBORE 2011

⁶ Ǹ nə́ n da wɔlɔ la, ka tà mu bɛ́ lɔn. Maǹ ka dù gɔrɔ bɛ́ lɔn tà lɛ-a, ka aloɛsi da bɛ́ lɔn, Dɛnaa Lawa nə́ ǹ zumu. Maǹ ka *sɛdrə da bɛ́ lɔn mu lɛ-a.

Minin nimi 24:6 ပူးပေါင်းရင်းမြစ်များ

Siin Giala 13:10

Lɔti nə́ n yii saa á ga Zurdɛ̃ bǎã tumaa ganaa. Á yɛ mà mu á bɛa bǎã lɛ boe parsiini, á goã ka Dɛnaa a lɛlɛ a dù gɔrɔ kɛ bɛ́ lɔn, ka Ezipti gána bɛ́ lɔn, bɛ̀ Dɛnaa bɛ́ a tɔn Sodɔmu laanka Gomɔɔrɔ kiwi bɔ̀n baa ǹ mɛn waáraa wa.

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 104:16

N din dan mɛnɛn zumu, Liban da dadaran kɛn, bɛn dɔn man kiɛ̃ ka mu ni.

Loen 45:8

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.

Loe kɔɔ̃n kɔɔ̃n 6:11

Dù gɔrɔ ke, da nɛ-kɔlen ná a nɛ, man má woo walan, ma ń giɛ, dan bɔ tán ganaa nyankɔrɔ lɛ kɛ nɛ. Ma ń giɛ, bɛ̀ *rezɛ̃ da fɔ̃, bɛ̀ grenadie da dɔ buũ kɔ.

Izayii 41:19

Diə gole ne, man die *sɛdrə da zumi, ka kasia da nɛ, mirti da nɛ, ka *olivie da nɛ. Gánan mɛnɛn bɛ́ mu ba ǹ nɛ wa, ma á re da tɔrɔ gigiã kiɛ kun ma zumu walan.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Zeremii 17:18

Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Ezekieli 47:12

Mu gole lɛ lɛkoro-a, a wàãn paanan li, da nɛ-kɔle tɔrɔ tumaa bɔ. Ǹ luu á re bɛbɛnɛ wa, ǹ nɛ dɔ a re nyɛɛ a n bɔ ǹ la wa. Mui woo mui, maǹ die nɛ mərə niɛ̃ ǹ la. A giala, mu gole lɛ n soe Lawa a kion. Dan lɛn nɛ á re màn-bii biɛ, ǹ luu tá re dagòã biɛ.»

Minin nimi 24:5

Ee Zakɔba tɔrɔn lɛn, asɛ-n kaa mɔnaa zìãn kɛn tá siĩni! Izirayeli minin lɛn, kaa giã ǹ bǎãn kɛn tá siĩni!