Minin nimi 23:22 - LAWA A BOO SONBORE

²² A din na á ǹ waa Ezipti gána nɛ á soo ǹ ne. Á pàã kɔ ǹ la, ka don a zù bɛ́ lɔn.

LAWA A BOO SONBORE 2011

²² A din na á ǹ waa Ezipti gána nɛ á soo ǹ ne. Á pàã kɔ ǹ la, ka don a zù bɛ́ lɔn.

Minin nimi 23:22 ပူးပေါင်းရင်းမြစ်များ

Loen 22:21

Ma kirisibaa gɛ̀ kakaarɛ wɔ ganaa, ma kanbaa kɛa ginin kɛn sɔ ganaa.

Loen 68:35

Ka pɛ mà pàã n Lawa wɔ lɛa. A din lɛ n kii siĩn lɛa Izirayeli mìi la. A pàã lɛ n gole, á woo lon ka labaran bɛ́ lɔn.

Loen 92:10

Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Bɔ bɛ̀rɛbaa nɛ 12:41

Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

Bɔ bɛ̀rɛbaa nɛ 12:51

Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.

Bɔ bɛ̀rɛbaa nɛ 14:18

Bɛ̀ má ma din tɔ bɔ ǹ sii zɛnaa Faarahɔn ganaa, ka a wotoron laanka a sùi lɛ-kũlin ni bɛa yɔrɔ kɛ la, Ezipti minin tá re doɛ̃, mà ma din nə Dɛnaa Lawa lɛa.»

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 34:7

Zùn tá re mɛnɛɛ kunun ǹ ni, dii gɔ̀lɔ̀n laanka diin nə mɛnaa kun. Mà á re baa sii tán, siĩ nyɔɔ tán si á n kɔ lɛ.

Minin nimi 22:5

Bɛ kio, Balaaki minin dia Bewɔɔrɔ a nɛgiĩ Balaamu ǹ di-piɛ Petɔrɔ kiwi, Efrati tà lɛ-a, mà ǹ wo kɛ pɛ Balaamu ni: Á ke, tɔrɔ kɔn a minin man nə́ n toa Ezipti gána nɛ, ǹ nə́ daa. Ǹ nə́ wɔlɔ gɔ̀nɔn bɔ gána lɛ nɛ. Maǹ nə́ giã kunu masɛ li.

Minin nimi 24:8

Lawa na á ǹ waa á soo ǹ ne Ezipti gána nɛ. Á pàã kɔ ǹ la, ka don a zũ bɛ́ lɔn. Tɔrɔn mɛnɛn bɛ́ ǹ ziadɛnan lɛa, maǹ bɛn lɔloɛ ǹ lɛ-a, Maǹ nə ǹ wen yɔyɔrɛ, ǹ kiɛ dɔdɔrɔ ǹ ganaa.

Timəə dí-pɛn 33:17

Zozɛfu nyàa á lon! A n kaka ka dii gɔ̀lɔ̀ bɛ́ lɔn, ka lɛlɛ a don a zù kɛ bɛ́ lɔn. Á bɛn gegere màn paa bɔ, goon nə ka Efrayimu tɔrɔ gigiã kɛ nɛ, goon nə ka Manaasee tɔrɔ duu damata kɛ nɛ. A n tɔrɔn dii ka a bɛnɛn lɛn nɛ, a ǹ loo a wo ǹ koa kanaa lɛ dan ganaa.»

Zozoe 2:10

A giala, ka bɛ́ soe Ezipti gána nɛ, Dɛnaa Lawa Sawɛɛ tà kɛa mu piɛ̃ á bɔ ka nyɛɛn lɔn, ka tɔ́n boo la ka kiɛ̃, wɔsɛn nə́ bɛa boo ma. Wɔ́ ma dɔn, mà Amɔɔrɔ tɔrɔn kii min paa ke Zurdɛ̃ tà kio, Sihɔn laanka Ɔgu ni, mà ka bɛn dɛ, ka ǹ gɔn màn tumaa ziziɛ̃ lenlen.