Minin nimi 23:19 - LAWA A BOO SONBORE

¹⁹ Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

LAWA A BOO SONBORE 2011

¹⁹ Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Minin nimi 23:19 ပူးပေါင်းရင်းမြစ်များ

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Kiin1 14:11

Zeroboamu a kion minin mɛnɛn yii bɛ́ re giɛ̃ kiwi, ginin tá re bɛn soɛ̃, a kion minin mɛnɛn yii bɛ́ re giɛ̃ don, bàanan tá re ǹ gere mui, a giala Dɛnaa Lawa na á boo da.»

Kiin2 15:12

Dɛnaa Lawa goã á boo mɛn pɛ Zewu ni, bɛ lɛ na á pã kɛnɛn. Dɛnaa Lawa na á goã á pɛ nɛ mà Izirayeli gána a kiibaa lɛ á die goɛ̃ a nɛnyaanan gɔn, yǎa a woe doe a nɔ̀ɔnɔn nɔ̀ɔnɔn ganaa. A na á n zɛnaa miɛ̃.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

KZS1 17:17

Maa Lawa, bɛ dɔ din na á goã kiɛɛrɛ n yii li. Ń lɛ kɔ din wɔ ma tɔrɔn wɔ paǹ li. Á ke Dɛnaa Lawa, ń ma baa min yii guguru-a lɛa.

Loen 110:4

Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

Loen 132:11

Dɛnaa Lawa nə́ n liɛ Davida nɛ, taãn dɔ nɛ, a die n lɛ boe wa. A liɛ mɛn wɔ, á ke: N din gɔ́ɔ̃gɔ́ɔ̃ ǹ nɛ nɛ, ma á re koɛ n kii dankan lɛ la.

Loen 77:9

A kɔn-narɛɛ gole lɛ na á nya wɔa wɔ paǹ li? A re n lɛ koe wɔ la ka sii kɔn nɛ doo duduu wa?

Loen 89:34

Sɛnɛ, ma bɛ́ kɔn-narɛɛ gole mɛn zɛnɛɛ Davida nɛ, ma a re bɛ sàabiɛ a wɔ paǹ li wa. Ma a re wusii maa lɛ kɔ kɔn la kɛ dɔ kio wa.

Loen 89:35

Ma a re maa lɛ kɔ kɔn la kɛ niɛ̃, ma bɔ kɔn wa, boo mɛn bɔ ma din lɛ-n, ma a re bɛ bɔyɛɛ wa.

Izayii 21:17

A kiɛ-bɔlen zanbian mɛnɛn bɛ́ re goɛ̃ Kedaara a nɛnyaanan bii, ǹ ba re tɛ koe wa.» Dɛnaa Lawa, Izirayeli a Lawa boo mɛn pɛ, bɛ n ka kɛ nɛ.

Izayii 31:2

A da yaa, a dɔ á sii doɛ̃. Á boe la a da ka koe ne, a wusii a da ǹ boo kio wa. A n yui min baraan lɛ sɔkɔn gialaa, ka sii baraa-zɛnaalin dɔmalɛ nɛ.

Izayii 40:8

Buu n laɛ, dà buu n bɛbɛnɛ. Sɛnɛ, wɔa Lawa a boo na a tan yǎa duduu.»

Izayii 46:11

Man giĩ goon bíi we tiãlɛa, sɔsɔɔ, lɛ̀giala-n. Pàã ná a lon ka giogialatã-a bɛ́ lɔn. Ma siin mɛnɛn koa ma yɔrɔ-a, a din nə die bɛn zɛnɛɛ. Ma boo mɛn da, man bɛ zɛnɛɛ. Ma sii mɛn koa ma yɔrɔ-a, man bɛ zɛnɛɛ.

Izayii 55:11

A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Zeremii 4:28

Bɛ lɛ nɛ, tán nə gɛ̀ koɛ, lon, labara gɔ̀nɔn nə́ tii. Hiĩ! Ma màn mɛn pɛ, man bɛ lɛ zɛnɛɛ, ma a re n lɛ boe, ma wusoo maa da ǹ boo kio wa.

Ozee 11:9

Boo giala nyɔmiɛ̃ ba re goɛ̃ maa foo-yoo-n wa, ma a re wusii ma da Efrayimu ziziɛ̃ wa. A giala ma bie minbuiin lɛa wa. Lawa n ka masɛ nɛ. Nsɛ li Efrayimu, Lawa sonbore n ka ma nɛ, ma bie die maa foo-yoo nyɛɛ wa.»

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Malakii 3:6

Masɛ Dɛnaa Lawa, ma ba n bɔyɛɛ wa. Kasɛn dɔn, ka a n boe minin-sãli Zakɔba tɔrɔ taãnbaa kɛ-n doɛ̃ wa.

Minin nimi 14:35

Masɛ din Dɛnaa Lawa n má boo da. Bɛa zaman tìĩ-bɔle kɛ lɛ, ǹ nə́ n lɛ kaa kun ǹ nə́ yoo masɛ gialaa, ma n die ǹ kuĩ ka yɔrɔ kɛ tɔrɔ nɛ: Ǹ tumaa n die nyɛɛ diə gole kɛ nɛ. Maǹ die giɛ̃ kànaa lɛ nɛ.»

Minin nimi 23:18

Balaamu tɔ́n bɔ boon kɛn nɛ kɛnɛn á ǹ pɛ: Balaaki, yoo n nə n too kɔ! N too kɔ ma lon, Sipɔɔrɔ a nɛgiĩ!

Luku 21:33

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa.»

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Rɔmu minin 9:6

Ma bie giɛ li ma pɛ, mà Lawa boo mɛn da, mà bɛ giala yɛ wa. Haayii! Sɛnɛ, sonbore ne, min mɛnɛn tumaa bɛ́ Izirayeli tɔrɔ lɛa, bɛn tumaa bie Lawa a minin lɛa wa.

Timote2 2:13

Ta wɔ a bɔlɔgoondɛnan lɛa wa, asɛ á die goɛ̃ bɔlɔgoondɛnaa lɛa, a giala, a boe la a n piã ka a din bɔlɔ-n wa.»

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Ebrəə 7:21

Sɛnɛ, Yezu sɛ bɛ́ biɛ, Lawa din na á n liɛ, Lawa mɛn pɛ a wɔ gɔn la: Dɛnaa Lawa din na á n liɛ, a re n lɛ boe dɔn wa: «Ma n wúlu-bɔle lɛa yǎa duduu.»

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 4:5

Lawa a boo na á pɛ: «Lawa yiikoonaabaa ǹ fɔfoã mɛn da wɔ nɛ, a n zuũ boe bɛ la.» Ka n taasɛ mà boo kooro na á diɛ kən le?

Zozoe 21:45

Dɛnaa Lawa lɛ-kɔ Sonbore mɛn tumaa wɔ Izirayeli minin lɛn manɛ, ǹ kɔn goã kooro wa. Á ná a tumaa a sii zɛnaa.

Samayeli1 15:29

A din mɛn lɛ á ke Izirayeli pàã lɛa, a soɛ boe wa. Dɔ̃ miɛ̃ ba asɛ a sii-n wa, a giala, a ba minbuiin nɛ lɛa sɛnɛ mà a tá n gɔ́ɔ̃ dɔn bii wa.»

Samayeli1 3:12

Masɛ bɛ́ má màn mɛn tumaa pɛ Elii a kion wɔ paǹ li, man die a yii lɛ piɛ̃ tɛtɛtɛ bɛa pinaa.