Minin nimi 22:5 - LAWA A BOO SONBORE

⁵ Bɛ kio, Balaaki minin dia Bewɔɔrɔ a nɛgiĩ Balaamu ǹ di-piɛ Petɔrɔ kiwi, Efrati tà lɛ-a, mà ǹ wo kɛ pɛ Balaamu ni: Á ke, tɔrɔ kɔn a minin man nə́ n toa Ezipti gána nɛ, ǹ nə́ daa. Ǹ nə́ wɔlɔ gɔ̀nɔn bɔ gána lɛ nɛ. Maǹ nə́ giã kunu masɛ li.

LAWA A BOO SONBORE 2011

⁵ Bɛ kio, Balaaki minin dia Bewɔɔrɔ a nɛgiĩ Balaamu ǹ di-piɛ Petɔrɔ kiwi, Efrati tà lɛ-a, mà ǹ wo kɛ pɛ Balaamu ni: Á ke, tɔrɔ kɔn a minin man nə́ n toa Ezipti gána nɛ, ǹ nə́ daa. Ǹ nə́ wɔlɔ gɔ̀nɔn bɔ gána lɛ nɛ. Maǹ nə́ giã kunu masɛ li.

Minin nimi 22:5 ပူးပေါင်းရင်းမြစ်များ

Siin Giala 13:16

Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Loen 105:24

Lawa ná a zaman lɛ mɔnaa parsiini, á pàã kɔ ǹ la, á la ǹ zɔ́ɔ Ezipti minin kɛn wɔ nɛ.

Bɔ bɛ̀rɛbaa nɛ 10:15

Ǹ nə́ n kɔ gána lɛ a tán tumaa lɛ, bǎã tumaa tì kɔ. Ǹ nə́ gána lɛ a màn-kɔsiɛ tumaa sɔ̃, ka a da nɛn tumaa nɛ, mànan mɛnɛn nə n si la gii lɛ la ǹ nə́ goã. Da luu buruu kɔ́n goã wa, màn buruu kɔ́n dɔ goã tɔɔn gɔ buu ni ǹ bǎãn nɛ, gána lɛ paǹ kɔ́n nɛ wa.

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Minin nimi 23:7

Balaamu tɔ́n bɔ boon kɛn nɛ kɛnɛn á ǹ pɛ: Balaaki na á minin dia die ma kuĩ Siirii gána nɛ, Moabun kii na á min dia die lɛ diɛ ma la, lɛ̀giala a kelen kɛn bǎã nɛ, á pɛ ma nɛ: Da lɛn baraa bii Zakɔba tɔrɔn kɛn li, maa lɛa. Da dɔlɔ da Izirayeli minin kɛn mìi ni.

Minin nimi 31:8

Ǹ nə́ Madiã minin kii sooro kɛ dɔ dɛ: Ɛvi ni, Rekɛmu ni, Suuru ni, Uuru ni, ka Rebaa nɛ. Ǹ nə́ Bewɔɔrɔ a nɛgiĩ Balaamu kɛ dɔ dɛ.

Timəə dí-pɛn 23:4

Amɔn tɔrɔn laanka Moabu tɔrɔn doamaa bie ǹ giã kun ka Dɛnaa Lawa a zaman nɛ ka duduu wa. Haalɛ ǹ nɔ̀ɔ fulupaa a fùbaa ǹ wɔ doamaa bie a giã kun ka Dɛnaa Lawa a zaman nɛ wa.

Timəə dí-pɛn 23:5

A giala, ka bɛ́ ká soo Ezipti ká n zii la, ǹ da n da ka lɛ ka màn-bii laanka mu-n wa. Moabu tɔrɔn lɛn man nə́ Bewɔɔrɔ a nɛgiĩ Balaamu bii Pewɔɔrɔ kiwi, Mezopotamii gána-n dinin, mà a da lɛn baraa bii ka li.

Zozoe 13:22

Izirayeli minin lɛn nə min mɛnɛn dɛ bɛa biikoo lɛ li, Bewɔɔrɔ a nɛgiĩ Balaamu mɛn goã wɔ-kũli lɛa, bɛ n ka ǹ goon ne.

Zozoe 24:9

Moabun kii Sipɔɔrɔ a nɛgiĩ Balaaki dɔ́ yoo, mà a n zia biɛ Izirayeli minin lɛn ganaa. Á minin dia dinin, mà ǹ wo lɛ dia Bewɔɔrɔ a nɛgiĩ Balaamu la, mà a da lɛn baraa bíi ka li.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.