Minin nimi 22:32 - LAWA A BOO SONBORE

³² Dɛnaa Lawa a lon a dia dí-a wole lɛ tɔ́n nɔ̀n da la kɛnɛn: «Wàa na á baa ń koa kɔn la gunyin sɔɔ, n nə́ n dundun dan lɛ dɛ? Á ke, ma din ni má soo má daa zii tã n ganaa, a giala zii-tɔ lɛ nyɛɛn ba re bǐɛ̃ biɛ n ganaa wa.

LAWA A BOO SONBORE 2011

³² Dɛnaa Lawa a lon a dia dí-a wole lɛ tɔ́n nɔ̀n da la kɛnɛn: «Wàa na á baa ń koa kɔn la gunyin sɔɔ, n nə́ n dundun dan lɛ dɛ? Á ke, ma din ni má soo má daa zii tã n ganaa, a giala zii-tɔ lɛ nyɛɛn ba re bǐɛ̃ biɛ n ganaa wa.

Minin nimi 22:32 ပူးပေါင်းရင်းမြစ်များ

Loen 145:9

Dɛnaa Lawa n bǐɛ̃ koe min tumaa ganaa, a na a màn-zɛnaan tumaa narɛ.

Loen 147:9

A n màn-bii koe tɔɔn kɛn la, a n koe zankoo nɛn kɛn dɔn la, n lɛ dii li.

Loen 36:6

Dɛnaa Lawa, n kɔn-narɛɛ gole lɛ n woe yǎa lon, n bǐɛ̃ duduu lɛ n woe yǎa labaran ganaa.

Suusun 14:2

Min mɛn a yiikoonaabaa bɛ́ pepere, bɛ n nyɛ́ɛbiɛ Dɛnaa Lawa yii ni. Sɛnɛ, min mɛn a giã ǹ gɔn bɛ́ kɔkɔrɔ, bɛ n pɔpɔsɛ.

Suusun 16:2

Minbuiin nɛ n taasɛ mà asɛ n sii sonbore zɛnɛɛ biikoo tumaa li. Sɛnɛ, Dɛnaa Lawa n kiri we foo ganaa.

Suusun 28:18

Min mɛn a giã ǹ gɔn bɛ́ pepere, á re yiikoonaabaa yii. Sɛnɛ, min mɛn a giã ǹ gɔn bɛ́ yɔrɔ paa la, a nyin nə die goɛ̃ a goon ne.

Suusun 28:6

Doobaa mɛn a giã ǹ gɔn bɛ́ pepere, á soɛ pàãma mɛn bɛ́ koe zii kɔkɔrɔ lɛ nɛ.

Zonaasi 4:11

Sanparɛ Ninivu kiwi gole ke, masɛ á re makara boe bɛ ganaa wa! A giala, min duu paabiɛ ka fuə (120 000) tá yii a nɛ, min mɛnɛn nə́ ke ǹ nə́ ǹ ba ǹ gusin laanka ǹ gɔsɛ a bɔkɔnlɛ doɛ̃ wa. Tɔɔ damata dɔ tá a nɛ.»

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Minin nimi 22:20

Lawa daa Balaamu li tèlò-n á pɛ nɛ: «Bɛ̀ bɛa minin kɛn lɛn man nə́ daa lɛ dia n la, yoo n dɔ ǹ ganaa n woo. Sɛnɛ, bɛ̀ ma boo mɛn pɛ n nɛ, n doamaa nɛ n bɛ lɛ dinsɔɔ̃ zɛnaa.»

Minin nimi 22:22

Sɛnɛ, Lawa bɛ́ á Balaamu yɛ woe, a foo yoo li. Dɛnaa Lawa a lon a dia dí-a wole goon tɔ́n woo n doa zii la, á n die zii tiɛ̃ a ganaa. Balaamu lɛ na á goã a dundun dan la, a dí-nyali min paa ń kun ni.

Minin nimi 22:28

Dɛnaa Lawa tɔ́n dundun dan lɛ da boo diɛ ganaa, á n lɛ da Balaamu lɛ: «Ma n má wàa pɛ n ganaa, ń tá koɛ kɔn la gunyin sɔɔ masɛ dii?»

Minin nimi 22:33

Dundun dan lɛ sɛ ma yɛ gunyin sɔɔ, á kanaa á n bɔ ma li. Bɛ̀ a bie á kanaa á n bɔ ma nyɛɛn wa, bɛ̀ má n dɛ a din bǎã nɛ ń gã, ma dundun dan lɛ sɛ yii toa koo.»

Minin nimi 22:35

Sɛnɛ, Dɛnaa Lawa a lon a dia dí-a wole lɛ pɛ nɛ: «Wo kũ ka bɛa minin kɛn lɛn nɛ, sɛnɛ bɛ̀ masɛ boo mɛn pɛ n nɛ, n bɛ lɛ dinsɔɔ̃ pɛ.» Bɛ kio, Balaamu woo kũ ka Balaaki a min dadaran lɛn nɛ.

Nya ǹ dín 13:10

á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?

Timəə dí-pɛn 23:4

Amɔn tɔrɔn laanka Moabu tɔrɔn doamaa bie ǹ giã kun ka Dɛnaa Lawa a zaman nɛ ka duduu wa. Haalɛ ǹ nɔ̀ɔ fulupaa a fùbaa ǹ wɔ doamaa bie a giã kun ka Dɛnaa Lawa a zaman nɛ wa.

Timəə dí-pɛn 25:4

Tɔɔ mɛn bɛ́ wii goɛ, n nyan bɛ kurəə wii lɛ a soɛ̃ ganaa wa.