Minin nimi 22:1 - LAWA A BOO SONBORE

¹ Izirayeli minin lɛn nə́ yoo doo, ǹ nə́ woo golee Moabu gána a nyankɔrɔ lɛ kɛ nɛ, Zurdɛ̃ tà kio, Zerikoo yɔrɔ-a.

LAWA A BOO SONBORE 2011

¹ Izirayeli minin lɛn nə́ yoo doo, ǹ nə́ woo golee Moabu gána a nyankɔrɔ lɛ kɛ nɛ, Zurdɛ̃ tà kio, Zerikoo yɔrɔ-a.

Minin nimi 22:1 ပူးပေါင်းရင်းမြစ်များ

Zeremii 40:11

Baabiloniin kii zaman lɛ gialakun toa Zudaa gána nɛ, á ǹ sii wɔ Safan a nɔɔn, Ayikaamu a nɛgiĩ Gedalia gɔn. Zudaa minin mɛnɛn bɛ́ giã-n Moabu minin bii, Amɔn tɔrɔn nɛ, Edɔmu minin ni ka gána kɔsɔn nɛ, ǹ tumaa bɛ ma.

Minin nimi 21:20

Ǹ nə́ tɔ́n nə n toa Bamɔti, ǹ nə́ woo nyankɔrɔ lɛ kɛ nɛ kiɛ̃ Moabu gána nɛ, dia-n woe kele kɛ ganaa, ǹ nə́ bíi Pisigaa. Bɛa kele lɛ baã n zuməə-n diə gole kɛ la.

Minin nimi 26:3

Muizu laanka Lawa a wúlu-bɔle Eleyazaara lɛ tɔ́n boo da zaman lɛ nɛ, Moabu gána a nyankɔrɔ lɛ kɛ nɛ, Zurdɛ̃ tà lɛ-a, Zerikoo kiwi yɔrɔ-a, ǹ nə́ pɛ:

Minin nimi 31:12

Maǹ nə́ woo ǹ ne Muizu laanka Lawa a wúlu-bɔle Eleyazaara li, ka Izirayeli zaman lɛ tumaa nɛ, giã ǹ bǎã kɛ nɛ Moabu a nyankɔrɔ lɛ nɛ, Zurdɛ̃ tà lɛ-a, Zerikoo kiwi yɔrɔ-a.

Minin nimi 32:19

Sɛnɛ, bǎã ba re doe wɔ ganaa ǹ li, Zurdɛ̃ tà kio lɛ-n wa, a giala wɔsɛn bǎã tá paǹ kɛ ganaa, Zurdɛ̃ tà a lɛ̀ giala gɔn la.»

Minin nimi 34:15

Bɛa tɔrɔ paa ka talɛɛ kɛ lɛ ná a bǎã yɛ Zurdɛ̃ tà kio, Zerikoo kiwi yɔrɔ-a, dia-n woe lɛ̀giala li.»

Minin nimi 35:1

Dɛnaa Lawa boo da ka Muizu ni, Moabu gána a nyankɔrɔ lɛ kɛ nɛ, kunu Zurdɛ̃ tà li, Zerikoo kiwi yɔrɔ-a, á pɛ:

Minin nimi 36:13

Dɛnaa Lawa gɔn waa ǹ boon laanka sii yɔrɔ bɔ ǹ boon mɛnɛn kɔ Muizu la á ǹ kɔ Izirayeli minin lɛn la, Moabu gána a nyankɔrɔ lɛ nɛ, kunu Zurdɛ̃ tà li, Zerikoo kiwi yɔrɔ-a, ǹ dinin lɛn man ka kɛn nɛ.

Timəə dí-pɛn 1:5

Bɛ lɛ kio ne, ǹ bɛ́ Zurdɛ̃ tà kio Moabu gána nɛ, Muizu ná a giala kɔ, á dí-pɛ kɛa sii yɔrɔ nyaa, á pɛ:

Timəə dí-pɛn 3:8

Bɛa waáraa lɛ nɛ, gána mɛn lɛ goã Zurdɛ̃ tà a lɛ̀giala gɔn la, wɔ́ bɛ kũ wɔ́ si Amɔɔrɔ tɔrɔn kii min paa kɛ la. A n siɛ Arnɔn tà gòã kɛ ganaa, a wo n doa Ɛrmɔn kele ganaa.

Timəə dí-pɛn 34:1

Muizu nə́ n toa Moabu a diə bǎã kɛ nɛ, á woo dii Neboo kele la, Pisigaa kele kɛ mìi ni, Zerikoo kiwi yɔrɔ-a. Dɛnaa Lawa gána lɛ tumaa nyaa nɛ: A saa Galaati gána ganaa a wo Dan gána yaa,

Timəə dí-pɛn 34:8

Izirayeli minin lɛn nə́ Muizu a gɛ̀ wuu pɛ Moabu gána a diə bǎã kɛ nɛ lɛawaa pɔsɔɔ, a gɛ̀-koa tɔ́n nya.

Zozoe 3:16

mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.