Minin nimi 21:7 - LAWA A BOO SONBORE

⁷ Zaman lɛ tɔ́n daa dɔ Muizu li, ǹ nə́ pɛ nɛ: «Wɔsɛn nə́ sii baraa zɛnaa, a giala, wɔ boo da n laanka Dɛnaa Lawa ganaa. Dɛnaa Lawa nyankɔ, a miɛ̃n lɛn wɔlɔ lui wɔ ganaa.» Muizu Lawa nyankɔ zaman lɛ a lɛa.

LAWA A BOO SONBORE 2011

⁷ Zaman lɛ tɔ́n daa dɔ Muizu li, ǹ nə́ pɛ nɛ: «Wɔsɛn nə́ sii baraa zɛnaa, a giala, wɔ boo da n laanka Dɛnaa Lawa ganaa. Dɛnaa Lawa nyankɔ, a miɛ̃n lɛn wɔlɔ lui wɔ ganaa.» Muizu Lawa nyankɔ zaman lɛ a lɛa.

Minin nimi 21:7 ပူးပေါင်းရင်းမြစ်များ

Siin Giala 20:17

N dɔ̃, lɔ mɛn tumaa bɛ́ á goã Abimelɛki a kion, Lawa na á goã á n tumaa baa lɔ nɛ-yele baãnaan lɛa, Abrahamu a lɔ Saaraa taman yii. Sɛnɛ, Abrahamu Lawa nyankɔ Abimelɛki a lɛa, ka a lɔ nɛ, ka a bɛ̀rɛlɔn nɛ. Bɛ kio, lɔn lɛn nə́ tɔ́n nɛnyaanan yɛ.

Siin Giala 20:7

Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

Kiin1 13:6

Kii Zeroboamu lɛ tɔ́n pɛ Lawa a boo gii-dali lɛ nɛ mà a bǐɛ̃ kɔ a na a Lawa, Dɛnaa Lawa lɛ gòã kũ asɛ a lɛa, màn mɛn bɛ́ toɛ a foo basã, asɛ gɔn lɛ boo la a n mɔrɔ asɛ ganaa doɛ̃. Lawa a boo gii-dali lɛ Dɛnaa Lawa gòã kũ, a foo basã, kii lɛ gɔn lɛ tɔ́n boo la, á n mɔrɔ a ganaa doɛ̃, a ná a lɛlɛ ǹ bǎã saa.

Kiin2 13:4

Sɛnɛ Zoakazi Dɛnaa Lawa nyankɔ, Dɛnaa Lawa ná a nyankɔ lɛ si, a giala Siirii gána a kii lɛ goã boe Izirayeli minin lɛn yii-n lɔn, Dɛnaa Lawa lɛ bɛ yɛ.

Zɔbu 42:10

Zɔbu bɛ́ á Lawa nyankɔ a giaáran lɛn lɛa, Dɛnaa Lawa wusoo á Zɔbu saa á da lon. Á gɔn màn kɔ la, bɛ́ la lɛlɛ ǹ wɔ kɛ-n gunyin paa.

Zɔbu 42:8

A bɛ́ miɛ̃, ka dii gɔ̀lɔ̀ sɔbaa kũ ka sère gɔ̀lɔ̀ sɔbaa nɛ, ka wo ǹ ne maa dí-nyali Zɔbu li, ka baa *wúlu màn tiɛ̃ lɛa. Maa dí-nyali Zɔbu á re Lawa nyankoe kaa lɛa. A Lawa nyankɔ lɛ a lɛa, a laanɛ ka boo sonbore da masɛ wɔ paǹ li ka Zɔbu wɔ bɛ́ lɔn wa, ma a re ka kuĩ bɛ li wa.»

Loen 106:23

Bɛ lɛ nɛ, Lawa pɛ mà a n die ǹ dii, a ǹ nya. Sɛnɛ, Lawa din a min boe Muizu yoo, á woo Lawa yɔrɔ-a, á ná a nyankɔ á kurəə, mà a baran ǹ dɛ, a foo-yoo lɛ gɔ́ɔ̃ nɛ, a ǹ nya wa.

Loen 78:34

Bɛ̀ Lawa nə́ ǹ goon nyin bɔ ǹ mɛn pinaa, gialakunun kɛn man doe ǹ dinin ganaa, ǹ wusoo ǹ wo Lawa li.

Bɔ bɛ̀rɛbaa nɛ 10:17

Kanna kəni, man ka nyankoe, máa ka maa sã toa ma-n doo. Ka kaa Dɛnaa Lawa lɛ nyankɔ, a bǐɛ̃ kɔ a dɔlɔ baraa kɛ saa a bɔ ma mìi ni.»

Bɔ bɛ̀rɛbaa nɛ 32:11

Sɛnɛ, Muizu Dɛnaa Lawa nyankɔ, mà a n foo basã. Á pɛ nɛ: – Dɛnaa, wàa na á baa, n foo-yoo gɔ́ɔ̃ nɛ, n nə yui n din a zaman kɛ gialaa, n din bɛ́ ń zaman mɛn bɔ Ezipti gána nɛ, ń soo ne ka n din pàã gole kɛ nɛ?

Bɔ bɛ̀rɛbaa nɛ 32:30

A lɛawaa, Muizu pɛ zaman lɛ nɛ: «Ka n ka sii baraa gole taãn-taãn zɛnaa. Sɛnɛ, man die dii kele lɛ la, ma wo Dɛnaa li kanna, kɔntan á re masɛ a nyankɔ sii, a kaa sã toa ka nɛ.»

Bɔ bɛ̀rɛbaa nɛ 8:28

Haalɛ ka bɛ lɛ dɔ nɛ, Faarahɔn nə́ n too kaka kɔ, a toa zaman lɛ soo á woo wa.

Bɔ bɛ̀rɛbaa nɛ 8:4

*Faarahɔn lɛ dia Muizu laanka Aarɔn la, á pɛ: «Ka Dɛnaa lɛ nyankɔ, a sɔmɔnɔn kɛn wɔlɔ lui, á ǹ bɔ ma laanka maa gána minin ganaa, ma á re toɛ zaman lɛ soo a wo *wúlu màn bɔ a kɔ Dɛnaa la.»

Bɔ bɛ̀rɛbaa nɛ 8:8

Muizu laanka Aarɔn soo ǹ nə́ n bɔ Faarahɔn li, Muizu Dɛnaa nyankɔ sɔmɔnɔn lɛn sii ganaa, a sɔmɔnɔn mɛnɛn kaa Faarahɔn ganaa, ǹ nə́ nɔmaa.

Izayii 26:16

Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 37:3

A da yaa, kii Sedekiasi na á Selemia a nɛgiĩ Yukaali laanka Maseya a nɛgiĩ Lawa a wúlu-bɔle Sefania dia Zeremii li. Ǹ nə́ pɛ-n kɛnɛn: «Dɛnaa Lawa, wɔa Lawa nyankɔ wɔa lɛa!»

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Minin nimi 11:2

Zaman lɛ nə́ n lɛ dɛ Muizu ganaa. Muizu goã-kũ da Dɛnaa Lawa ganaa, tɛ lɛ nimi.

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Nya ǹ dín 8:24

Simɔn pɛ: «Ka dininmaan nə Dɛnaa lɛ nyankɔ masɛ a lɛa, màn mɛn bɛ́ toɛ, ka sii mɛn boo da masɛ wɔ gɔn la, bɛ kɔ́n baran n zɛnaa masɛ-n wa.»

Rɔmu minin 10:1

Dɔɔ̃nɔn lɛn, ma bɛ́ giɛ màn mɛn li taãn-taãnɛ, ma ná a nyan dɔ koe Lawa lon Zuifun lɛa, bɛ n ka kɛ nɛ, ǹ kirisibaa yɛ.

Timəə dí-pɛn 9:20

A foo yoo Aarɔn din li á là da. A na á baa re dii. Sɛnɛ, má gòã-kũ da a ganaa Aarɔn dɔ a lɛa, bɛa pinaa kɛ lɛ nɛ.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 15:30

Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»