Minin nimi 21:34 - LAWA A BOO SONBORE

³⁴ Dɛnaa Lawa pɛ Muizu ni: «N baran nyɛ́ɛ baa-n wa. Masɛ á die we n gɔn, kɔnlɛ ka a zaman tumaa laanka a gána nɛ. Amɔɔrɔ tɔrɔn kii Sihɔn kɛ lɛ á goã pàã la Ɛsibɔn kiwi, a goã á sii mɛn zɛnaa bɛ nɛ, bɛ lɛ miã zɛnaa Ɔgu dɔ nɛ.»

LAWA A BOO SONBORE 2011

³⁴ Dɛnaa Lawa pɛ Muizu ni: «N baran nyɛ́ɛ baa-n wa. Masɛ á die we n gɔn, kɔnlɛ ka a zaman tumaa laanka a gána nɛ. Amɔɔrɔ tɔrɔn kii Sihɔn kɛ lɛ á goã pàã la Ɛsibɔn kiwi, a goã á sii mɛn zɛnaa bɛ nɛ, bɛ lɛ miã zɛnaa Ɔgu dɔ nɛ.»

Minin nimi 21:34 ပူးပေါင်းရင်းမြစ်များ

Samayeli2 5:19

Davida nɔ̀n da Dɛnaa Lawa la kɛnɛn: «Ma á boe la ma wo Filisiti minin lɛn gialaa? N tá re ǹ we ma gɔn?» Dɛnaa Lawa Davida lɛ si: «Hiĩ, woo, ma á re Filisiti minin lɛn we n gɔn.»

Kiin1 20:13

Sɛnɛ Lawa a boo gii-dali goon daa n mɔrɔ Izirayeli gána a kii Akaabu lɛ ganaa, á pɛ nɛ: – Á ke, Dɛnaa Lawa n kɛ pii: «Ń sɔraasi damata kɛ yɛ? Ga! Man die ǹ we n gɔn pelo, n tá re doɛ̃ sonbore, mà masɛ n Dɛnaa Lawa lɛa.»

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Kiin2 3:18

Sɛnɛ, bɛ din ba màn kɔn lɛa Dɛnaa Lawa yii li wa, a tá re Moabu minin lɛn dɔn we ka gɔn.

Izayii 41:13

A giala, masɛ Dɛnaa Lawa nə n Lawa lɛa. Má n gusin-a gɔn kũ kaka. Man wusii pii n ni: «Nyɛ́ɛ nyan nə n kũ wa, man die n gú ganaa.»

Minin nimi 14:9

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

Minin nimi 32:4

bɛa bǎãn kɛn lɛn Izirayeli minin nə́ boo ǹ la ǹ nə́ ǹ si ka Dɛnaa Lawa a dɔmalɛ nɛ, ǹ tá tɔɔn sii. Á ke, tɔɔn man wɔsɛn lon.»

Timəə dí-pɛn 2:30

Sɛnɛ, Ɛsibɔnɔn kii Sihɔn lɛ kɔ, mà wɔ bɔ asɛ a bǎã-n wa. A giala, kaa Lawa, Dɛnaa Lawa lɛ na á goã á ná a foo laa, á ná a too kaka kɔ, màn mɛn bɛ́ toɛ, a na a gána lɛ wɔ ka gɔn. A din gána lɛ n ke ka tá a-n pelo.

Timəə dí-pɛn 20:3

A pɛ ǹ nɛ: «Izirayeli minin lɛn, ka n too kɔ! Ka á ke ká n yɔrɔ bɔ pelo, ka n die zia biɛ kaa zɔ́ɔn ganaa. Ka foo baran biɛ na wa, ka baran nyɛ́ɛ baa wa, ka nyin baran soo wa, ka gɔ̀nɔn baran bìn da ǹ nyɛɛn wa.

Timəə dí-pɛn 3:1

Bɛ kio, wɔ́ n bɔyaa wɔ́ Basan gána zii saa. Basanan kii Ɔgu soo kun ka a zaman tumaa nɛ, á daa n da wɔ lɛ Edreyii kiwi, á zia baa wɔ ganaa.

Timəə dí-pɛn 3:11

Basanan kii Ɔgu dinsɔɔ̃ na á goã Refayimu tɔrɔn lɛn min giala-nyɔmiɛ̃ lɛa. Ǹ na a gere da goo mɛn nɛ, fɔlɔ goo ne. A din lɛ n ke tɔn Amɔn tɔrɔn kɛn kiwi Rabaa. A sasabaa n mɛtərə sii ka talɛɛ, a gɔ́ɔ̃ a golebaa n mɛtərə paa.

Timəə dí-pɛn 31:6

Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

Timəə dí-pɛn 7:17

Kɔntan ka á re taasɛ ka gɔ́ɔ̃ nɛ, mà tɔrɔn kɛn lɛn tá gigiã ǹ nə́ la kasɛn manɛ, mà kasɛn man siɛ lɔn, ka boo ǹ la, ka ǹ loo?

Timəə dí-pɛn 7:18

Ka baran nyɛ́ɛ baa ǹ nɛ wa. Dɛnaa Lawa sii mɛn zɛnaa Eziptin kii laanka a gána minin manɛ, ka n yiri kɔa bɛ li.

Timəə dí-pɛn 7:21

Ka nyan nyɛ́ɛ baa ǹ nɛ wa. A giala, kaa Lawa, Dɛnaa Lawa tá ka bii. Lawa gole ne, a sii á nyɛ́ɛ diɛ.

Timəə dí-pɛn 7:24

Á re ǹ kiin we ka gɔn. Ka die ka bɛn dɛ, ka ǹ bɔ kanaa. Ǹ kɔn din ba re boe la a golee ka nyɛɛn wa. Ka á re ǹ tumaa dii ka ǹ nya.

Zozoe 10:25

Zozoe tɔ́n pɛ ǹ nɛ: «Ka baran nyɛ́ɛ baa wa, ka foo baran biɛ na wa. Ka n foo taã, ka n gù we yii. A giala, kaa zɔ́ɔn mɛnɛn tumaa á ke ǹ nə́ die zia biɛ ka ganaa, Dɛnaa Lawa n die zɛnɛɛ ǹ tumaa-n kɛnɛn.»

Zozoe 10:8

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, má ǹ wɔ n gɔn. Min goon din ba re golee n nyɛɛn wa.»

Zozoe 8:7

Sɛnɛ, bɛa biikoo li, kasɛn kɛn die ka soo kaa duru ǹ bǎã nɛ, ka kiwi lɛ kũ. A giala, Dɛnaa Lawa lɛ, kaa Lawa lɛa, bɛ lɛ á die kiwi lɛ we ka gɔn.

Sii yɔrɔ-bɔlen 11:30

Zɛftee nə́ n lɛ kɔ Dɛnaa Lawa la á pɛ: «Bɛ̀ ń Amɔn tɔrɔn kɛn wɔ ma gɔn sonbore,

Samayeli1 23:4

Davida tɔ́n nɔ̀n da Dɛnaa Lawa la doo; Dɛnaa Lawa pɛ nɛ: «Yoo n zii saa, n wo Kelaa, a giala, ma á re Filisiti minin lɛn we n gɔn.»