Minin nimi 21:29 - LAWA A BOO SONBORE

²⁹ Moabu gána, koe bɔ n ganaa! Dì Kemɔɔsi guguru-kɔlen, kaa wɔ nya! Ǹ nə́ baa da kaa nɛgiĩn gòã li. Ǹ nə́ kaa nɛlɔn baa kii Sihɔn, Amɔɔrɔ tɔrɔ kɛa bɛ̀rɛn lɛa.

LAWA A BOO SONBORE 2011

²⁹ Moabu gána, koe bɔ n ganaa! Dì Kemɔɔsi guguru-kɔlen, kaa wɔ nya! Ǹ nə́ baa da kaa nɛgiĩn gòã li. Ǹ nə́ kaa nɛlɔn baa kii Sihɔn, Amɔɔrɔ tɔrɔ kɛa bɛ̀rɛn lɛa.

Minin nimi 21:29 ပူးပေါင်းရင်းမြစ်များ

Kiin1 11:33

Man die bɛ zɛnɛɛ, a giala Izirayeli minin lɛn nə́ ma toa walan, ǹ nə́ Sidɔn minin dì Asitartee guguru kɔ, ka Moabu minin dì Kemɔɔsi laanka Amɔn tɔrɔn dì Molɛki kɛ nɛ. Ka bɛ dɔ nɛ, ma zii mɛn nyaa ǹ nɛ, ǹ kɔ bɛ lɛ wa, sii mɛn bɛ́ pepere masɛ gɔn ǹ bɛ zɛnaa wa. Landa boon laanka sii yɔrɔ bɔ ǹ boon mɛnɛn bɛ́ má kɔ ǹ la, ǹ kɔ bɛn lɛ ka Salomɔn ǹ di Davida wɔ bɛ́ lɔn wa.

Kiin1 11:7

Bɛ lɛ n ke, kele mɛn bɛ́ Zeruzalɛmu yɔrɔ-a, Salomɔn guguru kɔ ǹ bǎã dɔ walan, Moabu tɔrɔn dì bɔbɔnɛɛ Kemɔɔsi wɔ lɛa. Á kɔsɔ dɔ dɔ, Amɔn tɔrɔn dì bɔbɔnɛɛ Molɛki wɔ lɛa.

Kiin2 23:13

Wúlu bɔ ǹ bǎãn mɛnɛn nə goã Zeruzalɛmu yɔrɔ-a, *olivie kele a gusin a lɛ̀gɔn la, ke ǹ nə́ bii basaã kɔ ǹ bǎã, kii lɛ bɛn soɛ̃ yiɛ. Izirayeli gána a kii Salomɔn na á goã á bɛa wúlu bɔ ǹ bǎãn kɛn lɛn dɔ, Sidɔn minin dì bɔbɔnɛɛ Astartee kɛ wɔ lɛa, ka Moabu gána a dì bɔbɔnɛɛ Kemɔɔsi kɛ nɛ, ka Amɔn tɔrɔn dì bɔbɔnɛɛ Milkɔmu kɛ nɛ.

Izayii 15:5

Man gú diɛ Moabu minin lɛa. A zaman nə baa sii yǎa Sowara, yǎa Eglati-Selesia. Maǹ wuu pii bɛ̀ ǹ tá dii Luhiti kele kɛ la. Oronayimu zii la, maǹ foo ziziɛ̃ ǹ lɛ dɛ we!

Izayii 16:2

Moabu gána lɔn man golee-n Arnɔn tà lɛ-a. Maǹ ka bàan baa-silin bɛ́ lɔn, ǹ nə́ ǹ loo ǹ nə́ ǹ bɔ ǹ kii ni.

Zeremii 48:13

Ka bɛ-n kəni, Moabu á re sìi koe dì Kemɔɔsi ganaa ka Izirayeli zaman bɛ́ á sìi kɔ Betɛli ganaa lɔn, a n foo doa ǹ mɛn lɛ la.

Zeremii 48:45

Min mɛnɛn bɛ́ baa sii, pàã ba bɛn lon wa. Ǹ nə́ golee Ɛsibɔn. Sɛnɛ, tɛ kũ kiwi lɛ nɛ, kii Sihɔn a kion. Tɔrɔn mɛnɛn bɛ́ ǹ ba giɛ̃ kiĩn wa, tɛ lɛ bɛn gána kũ, a saa a gèlè ganaa, yǎa gána lɛ bii.

Zeremii 48:46

Wàa koe n ka kɛ nɛ n ganaa Moabu! Dì Kemɔɔsi minin, á ke ka papaã! Ǹ nə́ n nɛgiĩn laanka n nɛlɔn kũ kòso nɛn lɛa.

Zeremii 48:7

Moabu, ma nə́ ń goã n foo doɛ n sii zɛnaan laanka n naforon ganaa. Sɛnɛ, ǹ tá re n dɔ kuĩ, ǹ wo n ne. N dì Kemɔɔsi kɛ á re woe gùli kɔ ǹ bǎã nɛ kun ka n wúlu-bɔlen laanka n kiãn tumaa nɛ.

Minin nimi 24:17

Sii mɛn bɛ́ die, ma yii tá-a, sɛnɛ, pelo sii bie wa. Sii mɛn bɛ́ re n zɛnɛɛ, má n yiin doa la, sɛnɛ, a ba foɛɛ̃n wa. Leere á re boe Zakɔba tɔrɔn bii, kii á re yui tán Izirayeli minin bii, a n die Moabu gána minin para giala wurii, a Sɛɛti tɔrɔn tumaa dɛ.

Sii yɔrɔ-bɔlen 11:24

N lawa Kemɔɔsi kɛ bɛ́ á màn mɛn kɔ n la, bɛ ba n gɔn wa? Dɛnaa Lawa mɛn bɛ́ wɔsɛn Lawa lɛa, bɛ̀ bɛ́ màn mɛn tumaa kɔ wɔsɛn la, bɛa goɛ̃ wɔsɛn gɔn wa?