Minin nimi 21:26 - LAWA A BOO SONBORE

²⁶ A giala, Ɛsibɔn lɛ na á goã Amɔɔrɔn kii Sihɔn lɛ a kiwi gole lɛa. Sihɔn lɛ na á goã á zia da Moabu gána a kii bibinaa kɛ ganaa, á ná a gána tumaa si la, yǎa Arnɔn tà li.

LAWA A BOO SONBORE 2011

²⁶ A giala, Ɛsibɔn lɛ na á goã Amɔɔrɔn kii Sihɔn lɛ a kiwi gole lɛa. Sihɔn lɛ na á goã á zia da Moabu gána a kii bibinaa kɛ ganaa, á ná a gána tumaa si la, yǎa Arnɔn tà li.

Minin nimi 21:26 ပူးပေါင်းရင်းမြစ်များ

Loe kɔɔ̃n kɔɔ̃n 7:4

N nyɔ màn paa ke, bɛn maǹ ka yuùn nɛ màn paa bɛ́ lɔn, ǹ dan nə́ ǹ yɛ bɛlɛmanan lɛa.

Loe kɔɔ̃n kɔɔ̃n 7:5

N wìi n paraa nɛ, pepere, ka sanabolo siĩn bɛ́ lɔn. N yii nànan man ka Ɛsibɔn a pɛrɛn kɛn mu bɛ́ lɔn, kunu Bati-Rabimu a wɔ ǹ kiɛnlɛ ganaa. N nyin gòã n pɔrɔɔ nɛ, ka Liban a sanabolo kɛ bɛ́ lɔn, a yɔrɔ ń dia-n Damaasi kiwi la.

Zeremii 48:2

Màn mɛn bɛ́ Moabu diɛ din koa ganaa, bɛ́ papaã. Minin man koe yɔrɔ boe Ɛsibɔn ganaa, ǹ nə́ pii: «Ka daa wɔ kiwi kɛ yu, wɔ bɔ tɔrɔn bii!» Nsɛ dɔ Madmɛn, ǹ tá re n diɛ lɛ tã ganaa, ǹ tá re n bɔ̀n biɛ ka zia nɛ.

Zeremii 48:20

Ǹ tá re n lɛ sii kɛnɛn: «Moabu yɔyɔrɛ! Sìi nə́ n kɔ lɛ!» Ka n lɛ dɛ, ka gú da! Ka n lɛ dɛ Arnɔn tà lɛ-a ka pɛ: «Moabu ziziɛ̃!»

Zeremii 48:45

Min mɛnɛn bɛ́ baa sii, pàã ba bɛn lon wa. Ǹ nə́ golee Ɛsibɔn. Sɛnɛ, tɛ kũ kiwi lɛ nɛ, kii Sihɔn a kion. Tɔrɔn mɛnɛn bɛ́ ǹ ba giɛ̃ kiĩn wa, tɛ lɛ bɛn gána kũ, a saa a gèlè ganaa, yǎa gána lɛ bii.

Minin nimi 21:25

Izirayeli minin lɛn nə́ Amɔɔrɔ tɔrɔn kiwin tumaa si, ǹ nə́ giã ǹ nɛ. Ǹ nə́ giã Ɛsibɔn kiwi dɔ nɛ, ka a kiwi bisinin tumaa nɛ.

Minin nimi 21:27

Bɛ lɛ n ke loe-lɔlin tá pii mà: Ka da Ɛsibɔn! Ka wusoo ka Sihɔn a kiwi lɛ da a giala la!

Timəə dí-pɛn 1:4

Bɛ á zɛnɛɛ bɛ̀ Muizu boo Amɔɔrɔ tɔrɔn kii Sihɔn kɛ la, ǹ mɛn lɛ goã giã-n Ɛsibɔn kiwi. Basanan kii Ɔgu mɛn dɔ goã giã-n Astarɔti kiwi, á boo bɛ dɔ la Edreyii kiwi.

Zozoe 13:16

Ǹ bǎã lɛ n siɛ Aroɛɛrɛ kiwi ganaa Arnɔn tà lɛ-a, ka kiwi kɛ nɛ nyankɔrɔ basa kɛ bii, diə bǎã kɛ tumaa nɛ, kunu Medebaa kiwi ganaa.

Zozoe 13:17

Ɛsibɔnɔn gána laanka a kiwi mɛn tumaa goã diə bǎã lɛ nɛ, bɛn dɔn tá a nɛ: Dibɔn laanka Bamɔti-Baali ni, Bɛti-Baali-Mewɔn nɛ,

Zozoe 13:25

Ǹ bǎã lɛ na á goã siɛ Zazɛɛrɛ kiwi ganaa, a Galaati gána a kiwin kɛn tumaa kaa a nɛ, ka Amɔn tɔrɔn kɛn gána a talɛɛ nɛ, a wo yǎa Aroɛɛrɛ kiwi, Rabaa kiwi yɔrɔ-a.

Zozoe 21:39

Ɛsibɔn laanka a lɛkoro lɛ-a bǎãn nɛ, Yazɛɛrɛ laanka a lɛkoro lɛ-a bǎãn nɛ. Bɛa kiwin lɛn kaa kun nə kiwi sii.

Sii yɔrɔ-bɔlen 11:26

A lɛ̀ biɛsɔɔ (300) n ke, Izirayeli minin lɛn nə́ giã-n Ɛsibɔn ka a lɛ-a ǹ kiwin ni, kɛn nə́ giã-n Aroɛɛrɛ ka a lɛ-a ǹ kiwin ni, kɛn nə́ giã-n kiwi dadaran kɛn tumaa nɛ, Arnɔn tà lɛkoro-a. Wàa na á baa, ǹ kiwin lɛn si ǹ la bɛa waáraa kɛ lɛ-n wa?