Minin nimi 19:13 - LAWA A BOO SONBORE

¹³ Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.

LAWA A BOO SONBORE 2011

¹³ Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.

Minin nimi 19:13 ပူးပေါင်းရင်းမြစ်များ

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Ezekieli 44:26

Bɛ̀ ǹ mɛn gɔ̀ da a din ganaa miɛ̃, bɛ̀ á gɔ̀ bɔ a din ganaa ǹ mɛn pinaa, a n yii da yǎa lɛawaa sɔbaa a tɔn dí nya.

Lawa a wúlu-bɔlen 15:31

Muizu laanka Aarɔn ganaa, ka pɛ Izirayeli minin lɛn manɛ: Bɛ̀ gɔ̀ tá ka mɛn ganaa, n giã tìãlɛ-a. Masɛ a giã ǹ kion mɛn bɛ́ ka bii, bɛ̀ ka gɔ̀ lɔ bɛ ganaa wa, ka a re giɛ̃ wa.

Lawa a wúlu-bɔlen 20:3

Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃.

Lawa a wúlu-bɔlen 22:3

A pɛ ǹ nɛ mà biikoo woo biikoo, bɛ̀ *gɔ̀ tá wúlu-bɔlen lɛn min mɛn ganaa, Izirayeli minin lɛn bɛ́ re die Dɛnaa Lawa guguru koe ka wúlu màn sonboren mɛnɛn nɛ, bɛ̀ ǹ dɛnaa nə́ n mɔrɔ bɛn ganaa, ǹ bɔ ǹ bɔ masɛ a dí ni. Ma din ni Dɛnaa Lawa lɛa.

Lawa a wúlu-bɔlen 22:4

Aarɔn tɔrɔn lɛn, bɛ̀ gɔ̀nɔn ki busu babaraa hinlaa kii mu a da a din li ǹ busu tá ǹ mɛn ganaa, bɛ̀ ka gɔ̀ bɔ ǹ dɛnaa-a wa, a doamaa bie a wúlu màn sonboren kɛn wɔ a lɛ-n wa. Gɔn da gere ganaa bɛ́ á gɔ̀ da min mɛn-a, bɛ̀ min mɛn nə́ n gɔn da bɛa dɛnaa ganaa, bɛa min lɛ nɛ, ka min mɛn giulun bɛ́ á pisəə, a din sii goon nə bɛn dɔn mìi ni.

Lawa a wúlu-bɔlen 5:17

Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, ta min na á bɛa goon toto dinsɔɔ̃ zɛnaa, ǹ dɛnaa na á sii baraa zɛnaa. Haalɛ ta a dɔ̃ wa, a zɛ̀rɛ nɛ, a sii baraa na a mìi ni.

Lawa a wúlu-bɔlen 5:3

Gɔ̀ mɛn tumaa bɛ́ n bɔyɛɛ min li, bɛ̀ bɛ tá minbuiin nɛ mɛn ganaa, bɛ̀ min nə́ n gɔn da bɛ ganaa a ná a dɔ̃ wa, bɛ̀ á daa á dɔ̃ ǹ mɛn pinaa, a dɔlɔ na a mìi ni.

Lawa a wúlu-bɔlen 5:6

A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.

Lawa a wúlu-bɔlen 7:20

Sɛnɛ, bɛ̀ min gɔ̀ toa a din ganaa, á barka da Lawa nɛ ǹ wúlu màn lɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Lawa a wúlu-bɔlen 7:21

Màn woo màn, gɔ̀ ná a ganaa, ta minbuiin nɛ nɛ, ta tɔɔ nɛ gɔ̀ ná a ganaa, hinlaa ta màn gɔgɔrɛ mɛn tɔrɔ nɛ, bɛ̀ min nə́ n gɔn da bɛ ganaa, á wusoo á barka da Lawa nɛ ǹ wúlu màn kɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Minin nimi 15:30

Sɛnɛ, bɛ̀ min mɛn sii baraa lɛ zɛnaa woone, kɛnaa hinlaa gùli ni, ǹ dɛnaa na á sɔ kɔ Dɛnaa Lawa ganaa. Ka bɛa min lɛ bɔ ka bɔ kun ka a tɔrɔ minin ni.

Minin nimi 19:14

«Bɛ̀ min gã mɔnaa zìã nɛ, bɛa dí-pɛ á ke: bɛ̀ min woo min wɔ mɔnaa zìã lɛ nɛ, hinlaa bɛ̀ min woo min tá a gɔ́ɔ̃-n lɛlɛndun, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 19:18

Min mɛn nə́ ke yoreene, bɛ izopi gùrù saa a sã màn gɔ́ɔ̃ mu lɛ li, min gã mɔnaa zìã mɛn lɛ gɔ́ɔ̃ nɛ a pɛsɛ̃ bɛ ganaa kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka min mɛnɛn dɔn nə goã a gɔ́ɔ̃ nɛ. Bɛ̀ min mɛn dɔ nə n gɔn da gere wen ganaa, hinlaa zia kana gere ganaa, hinlaa gɛ̀ kooro wole ganaa, hinlaa gere yala ganaa, ka pɛsɛ̃ bɛ dɔ ganaa.

Minin nimi 19:19

Min mɛn lɛ á ke yoreene, bɛ lɛ die a mu lɛ pɛsɛ̃ gɔ̀dɛnaa lɛ-a, sii lɛ a zɛnaa a lɛawaa sɔɔbaa ǹ wɔ pinaa, ka a lɛawaa sɔbaabaa ǹ wɔ pinaa nɛ. Min yoreen lɛ die a gɔ̀ bɔ gɔ̀dɛnaa lɛ-a, a lɛawaa sɔbaabaa ǹ wɔ pinaa, bɛ kio, gɔ̀dɛnaa lɛ na a mɔnaan pii, a n zoo mu li, á die yoreen koe wasamiɛ̃nɛ.

Minin nimi 19:20

«Sɛnɛ, bɛ̀ min mɛn gɔ̀dɛnaa baa, a ná a gɔ̀ bɔ a din-a wa, ka bɛa dɛnaa na ka bɔ Izirayeli zaman ganaa a giala a n die Dɛnaa Lawa a kion lɛ gɔgɔrɛ koe. Gɔ̀ bɔ ǹ mu bɛ́ a bie á n pɛsɛ̃ a ganaa wa, a n gɔgɔrɛ.

Minin nimi 19:9

Min mɛn nə́ ke *yoreene landa wɔ paǹ li, bɛa dɛnaa n die dii dan lɛ a ton goɛ, a kaa bǎã sonbore ne giã ǹ bǎã lɛ kio. Bɛa ton lɛ n die goɛ̃ koa-n Izirayeli minin lɛn gɔn li, ǹ *gɔ̀ bɔ ǹ mu zɛnaa nɛ. Sii baraa sawaa ǹ *wúlu màn nɛ.

Minin nimi 8:7

N die n gɔ̀ lɛ bɔ ǹ ganaa ka yɔrɔ kɛ nɛ: n die n gɔ̀ bɔmaa ǹ mu kɛ pɛsɛ̃ ǹ ganaa, ǹ die ǹ nə n gɔ̀nɔn ka tumaa kɔɔ̃, ǹ nə ǹ mɔnaan pii. Bɛ kio, ǹ tá re *yoreen koe.

Minin nimi 9:13

Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.

Zaã a sɛ́wɔ 8:24

Bɛ lɛ na á toa, má pɛ ka nɛ, máa ka tá re giɛ̃ ka kaa sii baraan nɛ ka mìi ni. Masɛ bɛ́ min mɛn lɛa, bɛ̀ ka a ma doɛ̃ bɛ lɛa wa, ka á re giɛ̃ ka kaa sii baraan nɛ ka mìi ni.»

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:11

Bɛ̀ min mɛn tá kɔkɔrɔ, bɛ goã kɔkɔrɔ, min mɛn bɛ́ gɔgɔrɛ, bɛ dɔ goã gɔgɔrɛ. Sɛnɛ, min mɛn bɛ́ pepere, bɛ goã pepere, min mɛn dɔ bɛ́ min sonbore lɛa, bɛ dɔ goã min sonbore lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.