Minin nimi 19:11 - LAWA A BOO SONBORE

¹¹ «Bɛ̀ min mɛn nə́ n gɔn da gere woo gere ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

LAWA A BOO SONBORE 2011

¹¹ Bɛ̀ min mɛn nə́ n gɔn da gere woo gere ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 19:11 ပူးပေါင်းရင်းမြစ်များ

Izayii 52:11

Kasɛn mɛnɛn bɛ́ Dɛnaa Lawa a wúlu bɔ ǹ mànan guĩ, ka woo, ka wo fufuu! Ka soo ka n bɔ *Baabilonii, ka nyan nə n gɔn da màn gɔ̀dɛnaa kɔn ganaa wa. Ka soo kiwi lɛ nɛ ka n dinin *yoreen kɔ.

Busii pɛ 4:14

Kanna kəni, maǹ nə n binbirin boe ka yii tere-a bɛ́ lɔn ziin la. Ǹ mɔnaan man mà lɛa, min kɔn doamaa bie a n gɔn da ǹ ganaa wa.

Ezekieli 39:12

Izirayeli tɔrɔn lɛn tá re ǹ gere biĩ mui sɔbaa gɔ́ɔ̃ nɛ, màn mɛn bɛ́ toɛ, ǹ *gɔ̀ bɔ ǹ bɔ gána lɛ ganaa.

Ezekieli 44:26

Bɛ̀ ǹ mɛn gɔ̀ da a din ganaa miɛ̃, bɛ̀ á gɔ̀ bɔ a din ganaa ǹ mɛn pinaa, a n yii da yǎa lɛawaa sɔbaa a tɔn dí nya.

Lawa a wúlu-bɔlen 11:31

Màn baaran tumaa bii, ka ga bɛn lɛn ganaa màn gɔgɔrɛn lɛa. Bɛ̀ ǹ mɛn gã, yǎa min nə n gɔn da a ganaa, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 21:1

Dɛnaa Lawa pɛ Muizu ni: Boo da ka wúlu-bɔle Aarɔn tɔrɔn kɛn nɛ, n pɛ ǹ nɛ: Lawa a wúlu-bɔle kɔn doamaa bie a n mɔrɔ ǹ dɔɔ̃n gere ganaa, a *gɔ̀ da a din-a wa,

Lawa a wúlu-bɔlen 21:11

A doamaa bie a wo min kɔn gere la wa. Haalɛ ǹ di laanka ǹ dan a gɛ̀ li, a doamaa bie a gɔ̀ da a din ganaa wa.

Lawa a wúlu-bɔlen 22:4

Aarɔn tɔrɔn lɛn, bɛ̀ gɔ̀nɔn ki busu babaraa hinlaa kii mu a da a din li ǹ busu tá ǹ mɛn ganaa, bɛ̀ ka gɔ̀ bɔ ǹ dɛnaa-a wa, a doamaa bie a wúlu màn sonboren kɛn wɔ a lɛ-n wa. Gɔn da gere ganaa bɛ́ á gɔ̀ da min mɛn-a, bɛ̀ min mɛn nə́ n gɔn da bɛa dɛnaa ganaa, bɛa min lɛ nɛ, ka min mɛn giulun bɛ́ á pisəə, a din sii goon nə bɛn dɔn mìi ni.

Lawa a wúlu-bɔlen 5:2

Màn woo màn tá gɔgɔrɛ, bɛ̀ min nə́ n gɔn da bɛ ganaa a ná a dɔ̃ wa, ta don màn gɔgɔrɛ gere ne, ta tɔɔ màn hinlaa màn baaran gɔgɔrɛ gere ne, bɛa dɛnaa na á *gɔ̀ da a din ganaa, á dɔlɔ da a din mìi ni.

Azee 2:13

Azee tɔ́n wusoo á nɔ̀n da: «Bɛ̀ min nə́ n gɔn da màn gere ganaa á n din gɔgɔrɛ kɔ nɛ, bɛ á n gɔn da bɛa man-biin kɛn lɛn ganaa, á boe la a ǹ baa gɔgɔrɛ?» Lawa a wúlu-bɔlen lɛn ná a lɛ si mà hiĩ ma á boe la a ǹ baa gɔgɔrɛ.

Minin nimi 19:16

Don gɔ́ɔ̃ nɛ, bɛ̀ min mɛn nə́ n gɔn da min gere ganaa, kana gere mɛn nə́ ke zia wɔ lɛa hinlaa min mɛn bɛ́ á gã kooro, hinlaa bɛ̀ min mɛn nə́ n gɔn da min wen ganaa, hinlaa gere yala ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 31:19

Min mɛnɛn tumaa bɛ́ ǹ bii, ǹ nə́ gɛ̀ dɛ hinlaa ǹ nə́ n gɔn da gere-a, bɛn doamaa nɛ ǹ goã giã ǹ bǎã lɛ kio, lɛawaa sɔbaa. Ǹ doamaa nɛ ǹ *gɔ̀ bɔ ǹ dinin-a a lɛawaa sɔɔbaa ǹ wɔ laanka a lɛawaa sɔbaabaa ǹ wɔ pinaa. Bɛa boo kɛ lɛ yɔrɔ n dia nɛ ǹ bɛ̀rɛnɛn lɛn dɔn la.

Minin nimi 5:2

«A pɛ Izirayeli minin lɛn manɛ, ǹ gɔ̀nɔn ki busu babaraadɛnaa din tumaa kaa para-a ǹ bɔ giã ǹ bǎã lɛ nɛ, ka min mɛn tumaa bɛ́ kii mu a da a din li ǹ busu ná a ganaa, hinlaa min mɛn tumaa bɛ́ gere *gɔ̀ da a ganaa.

Minin nimi 6:6

A din-kɔ Dɛnaa Lawa la biikoo lɛ tumaa gɔ́ɔ̃ nɛ, a baran n mɔrɔ min kɔn gere ganaa wa.

Minin nimi 9:10

– Boo da Izirayeli minin lɛn nɛ n pɛ: «Ka dinin bii, hinlaa kaa nɛnyaanan mɛnɛn bɛ́ die ka kio, bɛn bii, bɛ̀ gere min mɛn gɔgɔrɛ kɔ, hinlaa bɛ̀ min mɛn woo zii sɔsɔɔ nɛ, ǹ dɛnaa die a kiɛ̃mala ǹ zɔ́n lɛ zɛnaa Dɛnaa Lawa nɛ.

Minin nimi 9:6

Sɛnɛ, gɔn da min gere ganaa taman yii, *gɔ̀ goã min tɛnɛn ganaa, ǹ nə́ ǹ goã boe la ǹ nə́ kiɛ̃mala ǹ zɔ́n lɛ zɛnɛɛ bɛa pinaa lɛ-n wa. Bɛa minin lɛn nə́ tɔ́n woo Muizu laanka Aarɔn li a din pinaa lɛ nɛ, ǹ nə́ pɛ ǹ nɛ:

Nya ǹ dín 21:26

A lɛawaa, Pooli bɛa minin kɛn lɛn kũ kun ka a din ni, ǹ nə́ gɔ̀ bɔ min ganaa ǹ landa sii lɛ giala kɔ kun. Á woo Lawa a kion, á woo ǹ gogoonmaa a lɛawaa kɔ, ǹ bɛ́ re ǹ *wúlu mànan boe lɛawaan mɛnɛn li, gɔ̀ bɔ min ganaa ǹ sii lɛ a zɛnaa kio.

Nya ǹ dín 21:27

Lɛawaa sɔbaa lɛ lɛ bɛ́ re piɛ̃, Zuifun mɛnɛn nə bɔ Azii gána nɛ, bɛn nə́ Pooli yɛ Lawa a kion. Ǹ nə́ zaman lɛ yiri lɔlɔkɔn yǎa ǹ Pooli kũ.

Rɔmu minin 5:12

Sii baraa na á wɔ kanaa, min goon toto a sii zɛnaa a lɛa. Bɛa yɔrɔ kɛ lɛ la, minin si sii baraa la dɔ na á daa, ka min goon toto barka nɛ. Min goon toto a sii baraa na á daa ka gɛ̀ nɛ, gɛ̀ n min tumaa dɔ mìi ni. A giala, min tumaa sii baraa zɛnaa, min tumaa ka lenlen.

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Efɛɛzi minin 2:1

Lɛlɛ, ka ǹ ká goã geren lɛa Lawa wɔ paǹ li, kaa sã ǹ siin lɛa, ka kaa sii baraan nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.