Minin nimi 18:8 - LAWA A BOO SONBORE

⁸ Dɛnaa Lawa pɛ Aarɔn nɛ: «Á ke, Izirayeli minin bɛ́ mànan mɛnɛn tumaa boe, ǹ nə́ koe masɛ la, ma bɛ yii a sii wɔ n gɔn. Ma n má ǹ kɔ n din la, ka n tɔrɔn nɛ, kaa bɔ a koa lɛ barka nɛ, a zɛnaa n landa lɛa tán duduu.

LAWA A BOO SONBORE 2011

⁸ Dɛnaa Lawa pɛ Aarɔn nɛ: «Á ke, Izirayeli minin bɛ́ mànan mɛnɛn tumaa boe, ǹ nə́ koe masɛ la, ma bɛ yii a sii wɔ n gɔn. Ma n má ǹ kɔ n din la, ka n tɔrɔn nɛ, kaa bɔ a koa lɛ barka nɛ, a zɛnaa n landa lɛa tán duduu.

Minin nimi 18:8 ပူးပေါင်းရင်းမြစ်များ

Kiin2 12:16

Ǹ goã paa lɛ koe min mɛnɛn lɛn la mà ǹ dí-nyalin saraa nɛ, min goã nɔ̀n diɛ bɛn la ka paa lɛ a sii-n wa, a giala ǹ nə́ goã ǹ dí nyɛɛ ka peperebaa nɛ.

KZS2 31:4

Kii pɛ zaman tumaa nɛ, Zeruzalɛmu minin tumaa nɛ, mà màn mɛn bɛ́ Lawa a wúlu-bɔlen laanka Levii tɔrɔn gii lɛa mà ǹ bɛ kɔ ǹ la. Ka bɛa yɔrɔ lɛ nɛ, ǹ tá re koe Dɛnaa Lawa a dí-pɛn kɛn lɛ ka bɔlɔgoondɛnaabaa nɛ.

KZS2 31:5

Ǹ bɛ́ ǹ nə́ bɛa da ǹ boo kɛ ma lɔn gɔrɔ, Izirayeli minin lɛn nə́ daa ka tán kɔsiɛ̃ mànan lɛ binaa ne mɔnaa nɛ: *Belee ne, duvɛ̃ nɛ, nyɔɔ nɛ, zoo nyɔɔ nɛ ka ǹ wuru màn tɔrɔ kɔsɔn nɛ. Ǹ nə́ daa dɔn ka ǹ kaa-piɛ màn tumaa a fùbaa ǹ wɔ nɛ.

Bɔ bɛ̀rɛbaa nɛ 28:43

Aarɔn laanka a nɛgiĩn tá re bɛn we, bɛ̀ ǹ tá re we kɔn yɛ ka Lawa nɛ ǹ Kion kɛ nɛ ǹ mɛn waáraa, hinlaa bɛ̀ ǹ tá re n mɔrɛ *wúlu bɔ ǹ bǎã kɛ ganaa, ǹ wúlu bɔ kion sonbore kɛ nɛ. Maǹ die zɛnɛɛ miɛ̃, màn mɛn bɛ́ toɛ, ǹ baran sã, ǹ gã kooro wa. Kɛ n sii zɛnaa ǹ gɔn lɛa Aarɔn mìi ni, ka a kio nɛnyaanan nɛ, a ba n bɔyɛɛ doɛ̃ wa.»

Bɔ bɛ̀rɛbaa nɛ 29:21

N mà kɛ saa wúlu bɔ ǹ bǎã lɛ la, ka min koa Lawa wɔ lɛa ǹ nyɔɔ lɛ nɛ, n nə ǹ pɛpɛsɛ̃ Aarɔn ganaa, ka a mɔnaan nɛ. N pɛpɛsɛ̃ a nɛgiĩn lɛn dɔn ganaa ka ǹ mɔnaan nɛ. Bɛa yɔrɔ kɛ la, ǹ tá re masɛ wɔn biɛ: Aarɔn nɛ ka a mɔnaan nɛ, a nɛgiĩn ni ka ǹ mɔnaan nɛ.

Bɔ bɛ̀rɛbaa nɛ 29:28

Bɛ a re sàabiɛ doo wa. Izirayeli nɛnyaanan doamaa nɛ, ǹ bɛa paǹan kɛn lɛn bɔ. Ǹ nə́ ǹ bɔ bii kɔɔ̃n kɔ kɔn ka Lawa nɛ ǹ wúlu mànan lɛa, ǹ nə́ ǹ bɔ ǹ nə́ ǹ kɔ Aarɔn laanka a nɛgiĩn la. Màn boe ne ǹ tá re koe Dɛnaa la.

Bɔ bɛ̀rɛbaa nɛ 29:29

«Aarɔn a gɛ̀ kio, a mɔnaa sonboren lɛn man doe a nɛnyaanan ganaa. Ǹ dɔn manə ǹ we, ǹ dí laanka ǹ bɔ a koa kɛ wɔn lɛa.

Bɔ bɛ̀rɛbaa nɛ 40:13

Ń die n mɔnaa sonboren kɛn wɔ Aarɔn ganaa, n nyɔɔ kaa a mìi ni, n bɔ n koa masɛ wɔ lɛa, a boo la a masɛ a wúlu bɔ.

Bɔ bɛ̀rɛbaa nɛ 40:15

n nyɔɔ kaa ǹ ganaa ka ǹ díi wɔ bɛ́ lɔn, ǹ boo la ǹ masɛ a wúlu bɔ. N nyɔɔ kaa ǹ ganaa kɛnɛn kɛ lɛ n die wúlu-bɔlebaa kɛ biɛ ǹ wɔ lɛa biikoo tumaa li yǎa duduu.»

Izayii 10:27

Bɛa pinaa kɛ nɛ, guĩ mɛn bɛ́ n kɔrɔn, á re bɛ siɛ a bɔ n la. N zǔu lɛ á re yiɛ, a giala n tá re wusii n pàã yɛ.

Lawa a wúlu-bɔlen 21:10

Wúlu-bɔlen kiã n wúlu-bɔlen mìi la. Nyɔɔ na á n kaa a din lɛ mìi ni, ǹ nə́ bɔ ǹ nə́ koa, ǹ nə́ dí wɔ a gɔn. A doamaa nɛ, a na a dí lɛ a nya ǹ mɔnaan wɔ. A doamaa bie a n mìi ka toa lɔloɛ-n kɔn ka gɛ̀ na á gã la wa, a doamaa bie a na a mɔnaan dɔn tɔtoɛ̃, a na a foo busii nyaa-n wa.

Lawa a wúlu-bɔlen 23:20

Wúlu-bɔle lɛ wúlu mànan lɛn nyaa Dɛnaa Lawa nɛ ǹ sii zɛnaa: sère nɛ màn paa lɛ laanka màn-kurii bibinaa lɛ a buuru ni. Bɛa mànan lɛn man doe Lawa a wúlu-bɔle ganaa, a giala, maǹ nə́ ǹ kɔ Dɛnaa Lawa la.

Lawa a wúlu-bɔlen 6:16

A giala, Lawa a wúlu-bɔle a wúlu màn tumu doamaa nɛ, a n tã lenlen. Ka doamaa bie ka màn kɔn bii a-n wa.

Lawa a wúlu-bɔlen 6:18

A pɛ Aarɔn laanka a nɛgiĩn manɛ: Sii baraa sawaa ǹ wúlu lɛ a bɔ ǹ gɔn nə́ ke: Ǹ doamaa nɛ ǹ sii baraa sawaa ǹ wúlu lɛ a tɔɔ dɛ kɔn yɛ ka Lawa nɛ ǹ kion kɛ yɔrɔ-a, wúlu màn tiɛ̃ kɛ a tɔɔ dɛ ǹ bǎã nɛ. Dɛnaa Lawa dinsɔɔ̃ a màn nɛ.

Lawa a wúlu-bɔlen 6:20

Bɛ̀ màn hinlaa min kɔsɔ woo a siĩ wɔlɔ li, bɛ na á n din bɔ. Bɛ̀ a mà dɔ́ parɛ á kaa mɔnaa mɛn ganaa, ǹ bǎã mɛn bɔ ǹ nə́ koa Lawa wɔ lɛa, ǹ wo a mà bǎã lɛ pii walan.

Lawa a wúlu-bɔlen 7:14

Ka n bɛa buuru tɔrɔn lɛn gogoonmaa boe Dɛnaa Lawa wɔ lɛa. Wúlu-bɔle mɛn barka da Lawa nɛ ǹ wúlu màn lɛ a mà pɛsɛ̃ wúlu bɔ ǹ bǎã lɛ wàãn ganaa, buuru lɛ n doe bɛ ganaa.

Lawa a wúlu-bɔlen 7:28

Dɛnaa Lawa wusoo á boo da ka Muizu ni á pɛ nɛ:

Lawa a wúlu-bɔlen 7:6

Giĩ mɛn tumaa bɛ́ Lawa a wúlu-bɔlen kion min lɛa, bɛn tá boe la, ǹ na a siĩ sɔ̃. Sɛnɛ, ǹ bǎã mɛn bɔ ǹ nə́ koa Lawa wɔ lɛa, a doamaa nɛ a n sɔ̃ walan, a giala, Lawa dinsɔɔ̃ a màn nɛ.

Lawa a wúlu-bɔlen 8:30

Bɛ kio, Muizu bɔ a koa ǹ nyɔɔ kɛ laanka mà kɔn saa màn nɛ, wúlu bɔ ǹ bǎã kɛ lalan. A ǹ pɛpɛsɛ̃ Aarɔn laanka a mɔnaan ganaa, á ǹ pɛpɛsɛ̃ a nɛgiĩn lɛn dɔn laanka ǹ mɔnaan ganaa. A na á zɛnaa miɛ̃ á Aarɔn laanka a mɔnaan baa Lawa wɔn lɛa, á ná a nɛgiĩn lɛn dɔn laanka ǹ mɔnaan baa Lawa wɔn lɛa.

Minin nimi 18:9

Màn sonbore sonboren mɛnɛn bɛ́ ǹ ba n tiɛ̃ wa, bɛn bii, kɛ n die doe n ganaa: Izirayeli minin lɛn bɛ́ die masɛ goe ka màn mɛn tumaa nɛ, wùsu kɛ nɛ, sii baraa sawaa ǹ wúlu mànan kɛn nɛ, ka zɛ̀rɛ si ǹ wúlu mànan kɛn nɛ. Bɛa màn sonbore sonboren kɛn lɛn man die doe, n din laanka n tɔrɔn ganaa.

Minin nimi 5:9

Izirayeli minin lɛn bɛ́ mànan mɛnɛn tumaa boe kiɛ ǹ gɔrɔn, Lawa gɔ ǹ wɔ lɛa, ǹ nə́ woe ǹ ne Lawa a wúlu-bɔle li, bɛn tumaa n Lawa a wúlu-bɔle lɛ wɔ lɛa.

Korɛnti1 9:13

Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:6

Ka á re die ka kaa *wúlu màn tiɛ̃n nɛ walan, kaa barka da ǹ wúlu mànan nɛ, kaa mànan fùfùbaa ǹ wɔn nɛ, kaa Lawa gɔ ǹ mànan nɛ, kaa lɛ kɔ Lawa la ǹ wɔn nɛ, foo kɔɔ̃nbaa ǹ wɔn nɛ, kaa tɔɔ dadaran laanka a bisinin nɛ bibinaan nɛ.

Timəə dí-pɛn 18:1

*Levii tɔrɔn wúlu bɔlen kɛn laanka Levii tɔrɔ gialakunun kɛn tumaa, bɛn ba re bǎã yii ǹ wɔ lɛa, ka Izirayeli minin gialakunun kɛn wɔ bɛ́ lɔn wa. Ǹ bɛ́ re wúlu mànan mɛnɛn koe Dɛnaa Lawa la ka mànan kɔsɔn mɛnɛn nɛ, bɛ á re goɛ̃ ǹ màn-bii lɛa.

Timəə dí-pɛn 26:13

Bɛ kio, ka tɔn kɛ pɛ kaa Lawa, Dɛnaa Lawa yɔrɔ-a: «Màn mɛn doamaa bɛ́ nɛ a dɔ Lawa ganaa, má bɛ waa má bɔ maa kion, má kɔ Levii tɔrɔn la, gùlin ni, nɛ-toenən ne, ka lɔ giɔɔrɔn nɛ, a kɔnpɛ ka n gɔn waa ǹ boon kɛn tumaa nɛ, ń nə́ ǹ pɛ ma nɛ. Ma bɛa gɔn waa ǹ boon kɛn lɛn kɔn la bɔ wa, ma yiri dɔ bɔ ǹ nɛ wa.

Ebrəə 1:9

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.» Bǎã kɔsɔ dɔ n pii:

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.