Minin nimi 18:7 - LAWA A BOO SONBORE

⁷ Sɛnɛ, n din Aarɔn laanka n tanlɛ nɛ, kasɛn die ka Lawa a wúlu-bɔlebaa ǹ dí nya wúlu bɔ ǹ bǎã kɛ laanka bǎã sonbore sonbore kɛ nɛ, kion bii kuru kɔn-a ǹ mɔnaa kɛ kio. Ma din ni ka goe ka bɛa dí lɛ nɛ. Bɛ̀ min kooro nə́ n mɔrɔ, ǹ dɛnaa nyin nə n boe.»

LAWA A BOO SONBORE 2011

⁷ Sɛnɛ, n din Aarɔn laanka n tanlɛ nɛ, kasɛn die ka Lawa a wúlu-bɔlebaa ǹ dí nya wúlu bɔ ǹ bǎã kɛ laanka bǎã sonbore sonbore kɛ nɛ, kion bii kuru kɔn-a ǹ mɔnaa kɛ kio. Ma din ni ka goe ka bɛa dí lɛ nɛ. Bɛ̀ min kooro nə́ n mɔrɔ, ǹ dɛnaa nyin nə n boe.»

Minin nimi 18:7 ပူးပေါင်းရင်းမြစ်များ

Loen 115:10

Lawa a wúlu-bɔlen lɛn, ka n foo doa Dɛnaa Lawa ganaa. A din nə n doe ka lɛ, á n ka tamaɛ.

Bɔ bɛ̀rɛbaa nɛ 28:1

«Lawa mà Muizu ganaa: N gologiĩ Aarɔn laanka a nɛgiĩn bɔ Izirayeli minin bii, n nə ǹ koa n din li, màn mɛn bɛ́ toɛ, ǹ masɛ a dí nya. Aarɔn din laanka a nɛgiĩn kɛn nɛ: Nadaabu ni ka Abiu ni, Eleyazaara nɛ ka Itamaara nɛ.

Bɔ bɛ̀rɛbaa nɛ 29:9

N binbin yii ǹ màn yii ǹ bɔsɔ̃-n, n bafolon wɔ ǹ mìin ganaa kəni. Wúlu bɔ ǹ dí lɛ nə ǹ dinin wɔ lɛa, a kɔnpɛ ka sii yɔrɔ bɔ kɛ nɛ. Bɛ ba n bɔyɛɛ doo duduu wa. Bɛa sii kɛ lɛ n die wúlu bɔ ǹ dí lɛ koe Aarɔn laanka a nɛnyaanan la.

Ezekieli 44:15

«Lawa a wúlu-bɔle Levii tɔrɔn kɛn sɛn Sadɔki tɔrɔn lɛa, a laanɛ Izirayeli minin gialakunun kɛn nə́ wusoo ǹ nə́ n bɔ ma kio, bɛn nə́ maa kion lɛ a dí nya sɔnbɔraanɛ. Bɛn dininsɔɔ̃nɔn man die boe la ǹ nə n mɔrɔ ma ganaa, ǹ dí nya ma nɛ, ǹ wúlu mànan kɛn nyɔɔ laanka ǹ mà kɔ ma la. Ma din Dɛnaa Lawa a da ǹ boo ne.

Ezekieli 44:16

Ǹ dininsɔɔ̃nɔn man die we maa kion lɛ nɛ. Ǹ dininsɔɔ̃nɔn man die n mɔrɛ maa goo kɛ ganaa, ǹ dí nya ma nɛ, ma màn mɛn dɔ pɛ a dí lɛ wɔ paǹ li, ǹ bɛ tamaa.

Ezekieli 44:8

Ka doamaa bɛ́ nɛ ka dí mɛn nya maa màn sonboren kɛn wɔ lɛa, ka bɛ nya wa. Sɛnɛ, ka ǹ ká tɔrɔ kɔsɔn bɔ, ká ǹ kaa bɛa dí lɛ a nyɛɛ ganaa ka bǎã nɛ.»

Lawa a wúlu-bɔlen 16:2

á pɛ nɛ: a pɛ ǹ dɔɔ̃ngiĩ Aarɔn nɛ: Bǎã sonbore sonbore ke, kion bii kuru kɔn-a ǹ mɔnaa lɛ nyɛɛnɛ, Lawa a *lɛ kɔ kɔn la ǹ goo laanka a lɛpii kɛ yɔrɔ-a, a nyan toa a wɔ walan biikoo tumaa li wa, màn mɛn bɛ́ toɛ, a baran gã wa. A giala, ma á re goɛ̃ bɛ̀ man din nyaa goo lɛpii lɛ lalan tɛmaa bara bii.

Lawa a wúlu-bɔlen 7:35

Aarɔn laanka a nɛgiĩn lɛn wɔ gii n ka bɛ nɛ, Dɛnaa Lawa a wúlu mànan lɛn gɔ́ɔ̃ nɛ. Bɛ̀ ka ǹ koa Dɛnaa Lawa a wúlu-bɔlen lɛa ǹ mɛn pinaa gɔrɔ, bɛ lɛ n doe ǹ ganaa.

Minin nimi 1:51

Bɛ̀ bɛa mɔnaa zìã lɛ tá re n siɛ ǹ mɛn waáraa, Levii tɔrɔn lɛn nə bɔbɔkɔnlɛ. Bɛ̀ mɔnaa zìã lɛ tá n doɛ giã ǹ bǎã kɔsɔ-n doo, Levii tɔrɔn lɛn die ǹ wɔkɔnlɛ. Bɛ̀ min kɔsɔ tɔrɔ nə́ n mɔrɔ mɔnaa zìã lɛ ganaa, ǹ dɛnaa nyin nə n boe.

Minin nimi 18:20

Dɛnaa Lawa wusoo á pɛ Aarɔn nɛ: «Masɛ bɛ́ re gána mɛn koe Izirayeli minin la ǹ gii kɔn, màn kɔn ba re n wɔ biɛ bɛ gɔ́ɔ̃-n wa. Màn kɔn ba re doe n ganaa n kuru lɛa, Izirayeli minin lɛn bii wa. Masɛ din lɛ nə n kuru lɛa, n màn lɛa, Izirayeli minin lɛn bii.»

Minin nimi 18:3

Levii a tanlɛ minin lɛn tá re dí nyɛɛ n giulun, ǹ mɔnaa zìã tumu lɛ a dí nya, sɛnɛ ǹ nə́ ǹ ba n mɔrɛ kion lɛ a màn sonboren kɛn laanka *wúlu bɔ ǹ bǎã kɛ ganaa wa. Bɛa yɔrɔ lɛ la, ǹ ba re gɛ̀ siɛ, ǹ min kɔn gɔ-n wa, ǹ dininmaan hinlaa kasɛn.

Minin nimi 3:10

N die n Aarɔn laanka a minin kaa ǹ dí lɛ la, màn mɛn bɛ́ toɛ ǹ nə ǹ wúlu bɔ ǹ dí lɛ nya. Min kooro mɛn bɛ́ re n mɔrɛ, ǹ dɛnaa nyin nə n boe.»

Minin nimi 3:38

Muizu ni, ka Aarɔn laanka a nɛgiĩn ni, bɛn man nə́ goã giã-n kɔn yɛ ka Lawa nɛ ǹ kion lɛ yɔrɔ-a, a lɛ̀giala gɔn la. Maǹ nə́ goã kion lɛ a sii yɔrɔ boe, Izirayeli minin lɛn tɔ la. Bɛ̀ min kooro ná a dí nyɛɛ lɛn zɔɔ̃ ǹ dɛnaa ná a ba Lawa a wúlu-bɔle lɛa wa, n dɛnaa nyin nə n bɔ.

Matiə 10:8

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Zaã a sɛ́wɔ 3:27

ZAÃ tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Timəə dí-pɛn 18:2

Bǎã ba Levii tɔrɔn lɛn gɔn ǹ dɔɔ̃n Izirayeli minin lɛn bii wa. A giala, Dɛnaa Lawa a dí kɛ lɛ nə ǹ wɔ gii lɛa, ka a din goã á pɛ ǹ nɛ lɔn.

Ebrəə 5:4

Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.

Zozoe 18:7

Sɛnɛ, *Levii tɔrɔn mɛnɛn bɛ́ ka bii, bǎã banban bɛn wɔ lɛa wa. A giala, ǹ wɔ gii n ka Dɛnaa Lawa a wúlu bɔ kɛ nɛ. Gaadi tɔrɔn kɛn sɛn, Urubɛn tɔrɔn nɛ ka Manaasee tɔrɔn kɛn talɛɛ nɛ, bɛn nə́ bǎã yɛ Zurdɛ̃ tà kio lɛ̀giala-n. Dɛnaa Lawa a dí-nyali Muizu na á bɛa bǎã lɛ kɔ ǹ la.»

Piɛrɛ1 5:2

Lawa ka bɔ á ka koa a zaman mɛn nyɛɛn ke, ka ga bɛa zaman lɛ walan, ka tɔɔn-lɛduə̃li bɛ́ giɛ a tɔɔn walan lɔn. Ka ga zaman lɛ walan ka foo kɔɔ̃n nɛ, a kɔnpɛ Lawa dùũ ni, a baran n baa ka n pɛ mà pàã sii-n wa. Ka baran zɛnaa ga màn li ǹ dí dɔ lɛa wa, ka toa a goã din-kɔ ǹ dí lɛa.

Piɛrɛ1 5:3

Lawa min mɛnɛn kɔ ka la mà ka ǹ nyɛɛnaan bɔ, ka baran pàã nyaa bɛn man wa, sɛnɛ, ka n baa tɔ wɔ ǹ gɔn sonbore nyaa ǹ minin lɛa zaman lɛ nyɛɛnɛ.

Samayeli1 2:28

N din digolon kɛn lɛn manɛ, má ǹ bɔ Izirayeli tɔrɔn tumaa bii, má ǹ baa maa wúlu-bɔlen lɛa, màn mɛn bɛ́ toɛ ǹ wo *wúlu bɔ ǹ bǎã nɛ, ǹ da yon gìĩ kɔɔ̃n tã, ǹ dí nya ǹ mɔnaa wɔ masɛ yɔrɔ-a. Izirayeli nɛnyaanan bɛ́ wúlu màn mɛn din tumaa tiɛ̃, ma bɛ kɔ n digolo lɛ laanka a tɔrɔn la.