Minin nimi 18:24 - LAWA A BOO SONBORE

²⁴ Sɛnɛ, Izirayeli minin lɛn bɛ́ màn a fùbaa ǹ wɔ mɛn boe koe masɛ la, man bɛ koe Levii a tanlɛ minin lɛn dɔn la ǹ wɔ gii lɛa. Bɛ lɛ n ke ma á pii, bǎã ba re doe ǹ ganaa Izirayeli tɔrɔ gialakunun lɛn bii wa.»

LAWA A BOO SONBORE 2011

²⁴ Sɛnɛ, Izirayeli minin lɛn bɛ́ màn a fùbaa ǹ wɔ mɛn boe koe masɛ la, man bɛ koe Levii a tanlɛ minin lɛn dɔn la ǹ wɔ gii lɛa. Bɛ lɛ n ke ma á pii, bǎã ba re doe ǹ ganaa Izirayeli tɔrɔ gialakunun lɛn bii wa.»

Minin nimi 18:24 ပူးပေါင်းရင်းမြစ်များ

Nehemii 10:38

Wɔ́ lɛ kɔ, wáa wɔ á die woe Lawa a wúlu-bɔlen kɛn li, wɔa Lawa a kion lɛ a kionən ne ka wɔa buuru wùsu-yia sonbore ne. Wɔ bɛ́ da tɔrɔ tumaa a nɛ mɛn boe, wɔ́ lɛ kɔ wáa wɔ́ á die woe ka bɛ dɔ a sonbore ne, wɔ bɛ́ duvɛ̃ dii laanka nyɔɔ mɛn boe ka bɛn dɔn sonbore ne. Wɔ́ lɛ dɔ kɔ, wáa wɔ á die wɔa tán màn a fùbaa ǹ wɔ koe Levii tɔrɔn kɛn la. Wɔ bɛ́ dí nyɛɛ kiwi dadaran mɛnɛn tumaa nɛ, Levii tɔrɔn lɛn dinin doamaanɛ, ǹ da màn a fùbaa ǹ wɔ lɛ si walan.

Nehemii 13:12

Zudaa minin tumaa tɔ́n daa ka belee a fùbaa ǹ wɔ nɛ, ka duvɛ̃ dii wɔ nɛ, ka nyɔɔ wɔ nɛ, ń giɛ ǹ tá ǹ kiɛ màn koa ǹ bǎãn nɛ.

Lawa a wúlu-bɔlen 27:30

Tán-kɔsiɛ màn tumaa ka da nɛn nɛ, ǹ fùbaa ǹ wɔ n Dɛnaa Lawa wɔ gii lɛa. Bɛ lɛ doamaa nɛ a dɔ a ganaa.

Minin nimi 18:25

Bɛ kio, Dɛnaa Lawa boo da Muizu ni, á pɛ:

Minin nimi 18:26

«A pɛ Levii a tanlɛ minin lɛn manɛ: Ma bɛ́ gɔn màn a fùbaa ǹ wɔ mɛn lɛ koe ka la kaa wɔ gii lɛa, bɛ̀ Izirayeli minin lɛn nə́ daa bɛ kɔ ka la, ka dɔn nə wusoo ka bɛa gɔn màn a fùbaa ǹ wɔ kɛ lɛ a fù baa ǹ wɔ bɔ ka kɔ masɛ la.

Minin nimi 26:62

Ǹ Levii tɔrɔn mɛnɛn nimi giĩn lɛa, a kũ mui goon nɛn ganaa a wo lon, ǹ nə́ dɔ min duu fuəwensɔɔ (23 000). Sonbore, ǹ goã ǹ nə́ Levii tɔrɔn lɛn sɛn nimi kun ka Izirayeli minin gialakunun lɛn nə wa, a giala Levii a tanlɛn lɛn gii goã kunun ǹ ni wa.

Timəə dí-pɛn 10:9

Bɛ lɛ na á toa, Levii tɔrɔn lɛn nə bǎã yɛ ǹ wɔ lɛa ǹ dɔɔ̃nɔn bii wa. Ǹ wɔ gii na á goã ka Dɛnaa Lawa a dí kɛ nɛ, ka kaa Lawa, Dɛnaa Lawa din bɛ́ á pɛ ǹ nɛ lɔn.

Timəə dí-pɛn 26:12

Lɛ̀ sɔɔ woo lɛ̀ sɔɔ, ka màn mɛn yɛ kaa tán-kɔsiɛ gɔ́ɔ̃ nɛ, ka a fùbaa ǹ wɔ tumaa bɔ. Bɛ̀ ká bɔ, ka kɔ Levii tɔrɔn kɛn la, gùlin ni, nɛ toenən ne ka lɔ giɔɔrɔn nɛ, màn mɛn bɛ́ toɛ, ǹ dɔn nə màn bii ǹ dinin bǎã nɛ ǹ kã.

Zozoe 13:14

A na a bǎã kɔ Levii tɔrɔ minin kɛn dininsɔɔ̃nɔn la kíɛ̃ lɛa wa. A giala, Dɛnaa Lawa, Izirayeli minin Lawa a wúlu mànan kɛn ǹ nə́ goã ǹ tiɛ̃, ǹ wɔ gii na á goã ka bɛ nɛ, ka a din bɛ́ á goã á pɛ ǹ nɛ lɔn.