Minin nimi 18:21 - LAWA A BOO SONBORE

²¹ Dɛnaa Lawa woo nyɛɛn ka boo ne: «Levii a tanlɛ bɛ́ dí mɛn nyɛɛ kɔn yɛ ka Lawa nɛ ǹ kion kɛ nɛ, bɛa saraa á ke: màn a fùbaa ǹ wɔ mɛn tumaa bɛ́ n sii Izirayeli gána nɛ, ma bɛ yii kɔ ǹ la.

LAWA A BOO SONBORE 2011

²¹ Dɛnaa Lawa woo nyɛɛn ka boo ne: «Levii a tanlɛ bɛ́ dí mɛn nyɛɛ kɔn yɛ ka Lawa nɛ ǹ kion kɛ nɛ, bɛa saraa á ke: màn a fùbaa ǹ wɔ mɛn tumaa bɛ́ n sii Izirayeli gána nɛ, ma bɛ yii kɔ ǹ la.

Minin nimi 18:21 ပူးပေါင်းရင်းမြစ်များ

Siin Giala 14:20

Asɛ mɛn bɛ́ á n zɔ́ɔn wɔ n gɔn, a tɔ die a bɔ.» Abramu mànan lɛn tumaa a fùbaa ǹ wɔ bɔ, á kɔ la.

Siin Giala 47:24

Sɛnɛ, ka bɛ́ re màn mɛn yii belee kurii waáraa, ka á re talɛ sooro. Ka á re a talɛɛ goon koe Faarahɔn la, ka dɔn nə nɔmɔ a talɛɛ sii kɛ ganaa. Ka á re bɛ lɛ kɔ́n boe a tɔrɔ lɛa, ka da kaa wurun ni, ka ka dinin too ka a gialakun ni, kun ka kaa nɛnyaanan nɛ, ka kaa kion min tumaa nɛ.»

Siin Giala 47:26

Zozɛfu landa bɔ, ǹ nə́ tɔn màn mɛn zɛnɛɛ haalɛ ka pelo yii ni, ǹ bɔ don a tala kɔn sooro ke, bɛa goon nə Faarahɔn wɔ lɛa. Wúlu-bɔlen dininsɔɔ̃nɔn tán na a goã Faarahɔn wɔ lɛa wa.

KZS2 31:12

ǹ nə́ daa ka mangɔ mànan kɛn nɛ ka bɔlɔgoondɛnaabaa nɛ, mànan fùbaa ǹ wɔn nɛ kɔnlɛ ka màn kɔsɔn kɛn nɛ Dɛnaa Lawa wɔ lɛa. Levii tɔrɔ Konania n bɛa mànan lɛn tumaa mìi la, ǹ dɔɔ̃n Simeyii nə n ti a ganaa.

Nehemii 10:29

Zaman gialakun lɛ nɛ, Lawa a wúlu-bɔlen ne, Levii tɔrɔn nɛ, kiɛnlɛ-lɛduə̃lin ni, loe-lɔlin ni, Lawa a kion dí-nyalin ni, ka min mɛnɛn tumaa nə n na ǹ nə́ n bɔ gána lɛ a tɔrɔ kɔsɔn kɛn ganaa, ǹ nə́ kɔ Lawa a dí-pɛ lɛ lɛ, bɛn lɔn nɛ, ǹ nɛgiĩn ni, ǹ nɛlɔn nɛ, ka min mɛnɛn tumaa bɛ́ boe la ǹ tá sii a woo ǹ bǎã doɛ̃,

Nehemii 10:37

Lawa a wúlu-bɔlen mɛnɛn bɛ́ dí nyɛɛ wɔa Lawa a kion kɛ nɛ, wɔ́ lɛ kɔ wáa wɔ á die woe ka wɔa nɛgiĩ bibinaan laanka wɔa tɔɔn nɛ bibinaan nɛ bɛn li, wɔa Lawa a kion kɛ nɛ, ka a bɛ́ kiɛ̃-n dí-pɛn sɛ́wɔ kɛ-n lɔn. Wɔa tɔɔ dadaran nɛ bibinaan laanka wɔa tɔɔ bisinin wɔn nɛ.

Nehemii 10:38

Wɔ́ lɛ kɔ, wáa wɔ á die woe Lawa a wúlu-bɔlen kɛn li, wɔa Lawa a kion lɛ a kionən ne ka wɔa buuru wùsu-yia sonbore ne. Wɔ bɛ́ da tɔrɔ tumaa a nɛ mɛn boe, wɔ́ lɛ kɔ wáa wɔ́ á die woe ka bɛ dɔ a sonbore ne, wɔ bɛ́ duvɛ̃ dii laanka nyɔɔ mɛn boe ka bɛn dɔn sonbore ne. Wɔ́ lɛ dɔ kɔ, wáa wɔ á die wɔa tán màn a fùbaa ǹ wɔ koe Levii tɔrɔn kɛn la. Wɔ bɛ́ dí nyɛɛ kiwi dadaran mɛnɛn tumaa nɛ, Levii tɔrɔn lɛn dinin doamaanɛ, ǹ da màn a fùbaa ǹ wɔ lɛ si walan.

Nehemii 12:44

Bɛa pinaa kɛ lɛ nɛ, mànan kaa ǹ kionən kɛn, ǹ nə́ mànan boe kiɛ ǹ nɛ, màn lɛ bibinaan nɛ, ka gɔn màn a fùbaa ǹ wɔ nɛ, ǹ nə́ giĩn kaa bɛn gama walan ganaa. Dí-pɛ bɛ́ mà ǹ mànan mɛnɛn bɔ, Lawa a wúlu-bɔlen laanka Levii tɔrɔn wɔ gii lɛa, man nə́ giĩn lɛn koa, màn mɛn bɛ́ toɛ bɛa mànan kɛn lɛn boe kiwi dadaran lɛkoro lɛ-a donən ne, ǹ nə ǹ si ǹ nə ǹ kaa mànan kaa ǹ kionən lɛn nɛ. Sonbore, Lawa a wúlu-bɔlen lɛn laanka Levii tɔrɔn lɛn dí kaa Zudaa minin lɛn foo la.

Nehemii 12:47

Zorobabeli laanka Nehemii a biikoo li, màn mɛn bɛ́ doe loe-lɔlin lɛn laanka kiɛnlɛ-lɛduə̃lin lɛn ganaa ǹ wɔ gii lɛa, Izirayeli tumaa goã bɛ koe baraabaraa. Maǹ nə́ goã Levii tɔrɔn dɔn wɔ boe bɛ̀ ǹ kaa a gɔrɔn. Levii tɔrɔn dɔn man nə́ goã Aarɔn tɔrɔn wɔ boe, bɛ̀ ǹ kaa a gɔrɔn.

Nehemii 13:12

Zudaa minin tumaa tɔ́n daa ka belee a fùbaa ǹ wɔ nɛ, ka duvɛ̃ dii wɔ nɛ, ka nyɔɔ wɔ nɛ, ń giɛ ǹ tá ǹ kiɛ màn koa ǹ bǎãn nɛ.

Nehemii 13:5

Á goã á kion gɔ́ɔ̃ goon yɔrɔ bɔ Tobiya wɔ lɛa. Bɛa kion gɔ́ɔ̃ kɛ lɛ, man nə́ goã mànan kɛn kiɛ a-n lɛlɛ: Lawa gɔ ǹ mànan nɛ, da yon gìĩ kɔɔ̃n nɛ, Lawa a dí nya ǹ mànan nɛ, *belee a fùbaa ǹ wɔ nɛ, duvɛ̃ dii wɔ laanka nyɔɔ wɔ nɛ, màn mɛn doamaa bɛ́ nɛ a n bɔ *Levii tɔrɔn wɔ lɛa, ka loe-lɔlin laanka kiɛnlɛ-lɛduə̃lin ni, bɛ nɛ, ka ǹ bɛ́ màn mɛn boe ǹ nə́ koe Lawa a wúlu-bɔlen la.

Malakii 2:4

Ka á re doɛ̃ ka bɛ-n mà masɛ Dɛnaa Lawa Pàãyiidɛnaa n má gɔn waa ǹ boon kɛn da, ma á lɛ kɔ kɔn la kɛ tamɛɛ nɛ ma bii ni ka *Levii tɔrɔn nɛ.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Minin nimi 18:6

Ka ga dɛ! Man má ka dɔɔ̃n Levii a tanlɛ minin lɛn yii gɔgɔɔ̃ Izirayeli min gialakunun lɛn bii. Levii a tanlɛ minin lɛn man masɛ din wɔn lɛa, má ǹ kɔ ka la máa ǹ dí nya kɔn yɛ ka Lawa nɛ ǹ kion kɛ nɛ.

Minin nimi 3:6

«*Levii tɔrɔn lɛn bii ǹ nə n wɔlɔ kunu kɔ, n nə ǹ kɔ Lawa a wúlu-bɔle Aarɔn la, màn mɛn bɛ́ toɛ ǹ nə ǹ dɔ lɛ.

Minin nimi 31:28

Sɔraasin mɛnɛn nə zia lɛ baa, màn mɛn bɛ́ bɛn wɔ gii lɛa, n màn bɔ a nɛ n kɔ Dɛnaa Lawa la. Min biɛsooro (500) bii, n min goon bɔ. Diin wɔ paǹ li, dundunun ni, sèren laanka bòen ne, tɔɔ biɛsooro bii, n tɔɔ goon bɔ.

Galaasi minin 6:6

Ǹ bɛ́ min mɛn darɛɛ Boo Tii Kɔɔ̃n kɛ ganaa, màn mɛn tumaa bɛ́ a gɔn, a doamaa nɛ, a gii kɔn ka a daraali kɛ nɛ.

Timəə dí-pɛn 18:8

Màn-bii sii wɔ paǹ li, a gii doamaa nɛ a goã goon ka miãn wɔ bɛ́ lɔn. A màn mɛn sã ǹ dikion, bɛ gòɛ̃ ná a ba a-n wa.

Ebrəə 7:5

Wɔ á doɛ̃ wáa Levii tɔrɔ minin kɛn man wúlu-bɔlen lɛa. Wɔ á doɛ̃ wáa Lawa a dí-pɛn man nə́ zii kɔ bɛn la, mà ǹ màn tumaa a talɛɛ fùbaa ǹ wɔ si Izirayeli tɔrɔ minin la. Bɛa tɔrɔ minin kɛn lɛn manə ǹ dinin dɔɔ̃nɔn lɛa, ǹ dɔn nə́ Abrahamu a nɛnyaanan lɛa.