Minin nimi 18:20 - LAWA A BOO SONBORE

²⁰ Dɛnaa Lawa wusoo á pɛ Aarɔn nɛ: «Masɛ bɛ́ re gána mɛn koe Izirayeli minin la ǹ gii kɔn, màn kɔn ba re n wɔ biɛ bɛ gɔ́ɔ̃-n wa. Màn kɔn ba re doe n ganaa n kuru lɛa, Izirayeli minin lɛn bii wa. Masɛ din lɛ nə n kuru lɛa, n màn lɛa, Izirayeli minin lɛn bii.»

LAWA A BOO SONBORE 2011

²⁰ Dɛnaa Lawa wusoo á pɛ Aarɔn nɛ: «Masɛ bɛ́ re gána mɛn koe Izirayeli minin la ǹ gii kɔn, màn kɔn ba re n wɔ biɛ bɛ gɔ́ɔ̃-n wa. Màn kɔn ba re doe n ganaa n kuru lɛa, Izirayeli minin lɛn bii wa. Masɛ din lɛ nə n kuru lɛa, n màn lɛa, Izirayeli minin lɛn bii.»

Minin nimi 18:20 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Loen 142:5

Ga ma gusin, n tá re yii: min kɔn din ba ma la wa. Baa si a duru ǹ bǎã kɔn ba ma la wa. Min kɔn din banban, bɛ nə́ n gɔ́ɔ̃ bii ka maa sii-n wa.

Loen 16:5

Dɛnaa Lawa, n din nə ma laadoo màn tumaa lɛa. Maa biɛ̃ ǹ nə n din gɔn.

Loen 73:26

Ma pàã nya, ma foo dɔ́ ziziɛ̃. Sɛnɛ, n din Lawa n maa dɔmalɛ wole lɛa, n din nə maa wɔ lɛa yǎa duduu.

Busii pɛ 3:24

Bɛ lɛ nɛ ma á pii: «Dɛnaa Lawa n maa naforo lɛa» bɛ lɛn toɛ ma foo á doa nɛ a ganaa.

Ezekieli 44:28

Wúlu-bɔlen lɛn wɔ gii-n ka maa dí-nyalibaa kɛ nɛ. Bɛ lɛ nɛ, ǹ baran bǎã kɔ ǹ la Izirayeli gána kɛ-n wa. Ma dinmaa Lawa nə ǹ wɔ gii lɛa.

Minin nimi 18:7

Sɛnɛ, n din Aarɔn laanka n tanlɛ nɛ, kasɛn die ka Lawa a wúlu-bɔlebaa ǹ dí nya wúlu bɔ ǹ bǎã kɛ laanka bǎã sonbore sonbore kɛ nɛ, kion bii kuru kɔn-a ǹ mɔnaa kɛ kio. Ma din ni ka goe ka bɛa dí lɛ nɛ. Bɛ̀ min kooro nə́ n mɔrɔ, ǹ dɛnaa nyin nə n boe.»

Minin nimi 26:62

Ǹ Levii tɔrɔn mɛnɛn nimi giĩn lɛa, a kũ mui goon nɛn ganaa a wo lon, ǹ nə́ dɔ min duu fuəwensɔɔ (23 000). Sonbore, ǹ goã ǹ nə́ Levii tɔrɔn lɛn sɛn nimi kun ka Izirayeli minin gialakunun lɛn nə wa, a giala Levii a tanlɛn lɛn gii goã kunun ǹ ni wa.

Timəə dí-pɛn 10:9

Bɛ lɛ na á toa, Levii tɔrɔn lɛn nə bǎã yɛ ǹ wɔ lɛa ǹ dɔɔ̃nɔn bii wa. Ǹ wɔ gii na á goã ka Dɛnaa Lawa a dí kɛ nɛ, ka kaa Lawa, Dɛnaa Lawa din bɛ́ á pɛ ǹ nɛ lɔn.

Timəə dí-pɛn 12:12

Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 14:27

Sɛnɛ, *Levii tɔrɔn mɛnɛn bɛ́ kaa kiwin ni, ka nyan toa ka yiri bɔ ka bɛn nɛ wa. A giala, ǹ bǎã yɛ ǹ wɔ gii lɛa ka bii wa.

Timəə dí-pɛn 14:29

Levii tɔrɔn kɛn, bǎã ná a banban ǹ wɔ lɛa ka bii wa, bɛn tá re die bɛa màn-bii lɛ kɔn siɛ, kɔnlɛ ka gùlin ni, nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n kaa kiwin ni. Ǹ tumaa á die màn bii ǹ kã. Bɛ̀ á n baa miɛ̃, kaa Lawa, Dɛnaa Lawa á die barka diɛ ka ganaa, ka a nya ǹ dí tumaa gɔ́ɔ̃ nɛ.

Zozoe 13:14

A na a bǎã kɔ Levii tɔrɔ minin kɛn dininsɔɔ̃nɔn la kíɛ̃ lɛa wa. A giala, Dɛnaa Lawa, Izirayeli minin Lawa a wúlu mànan kɛn ǹ nə́ goã ǹ tiɛ̃, ǹ wɔ gii na á goã ka bɛ nɛ, ka a din bɛ́ á goã á pɛ ǹ nɛ lɔn.

Zozoe 13:33

Sɛnɛ, Muizu bǎã kɔ *Levii tɔrɔn kɛn la kíɛ̃ lɛa wa. Dɛnaa, Izirayeli minin Lawa lɛ na á goã ǹ wɔ gii lɛa, ka a din bɛ́ á goã á pɛ ǹ nɛ lɔn.

Zozoe 14:3

A giala, Muizu goã á bǎã kɔ tɔrɔ paa ka talɛɛ kɛ la ǹ kíɛ̃ lɛa Zurdɛ̃ tà kio lɛ̀giala-n. Sɛnɛ, *Levii tɔrɔn kɛn, a goã á bǎã kɔ bɛn la ǹ bii ǹ kíɛ̃ lɛa wa.

Zozoe 18:7

Sɛnɛ, *Levii tɔrɔn mɛnɛn bɛ́ ka bii, bǎã banban bɛn wɔ lɛa wa. A giala, ǹ wɔ gii n ka Dɛnaa Lawa a wúlu bɔ kɛ nɛ. Gaadi tɔrɔn kɛn sɛn, Urubɛn tɔrɔn nɛ ka Manaasee tɔrɔn kɛn talɛɛ nɛ, bɛn nə́ bǎã yɛ Zurdɛ̃ tà kio lɛ̀giala-n. Dɛnaa Lawa a dí-nyali Muizu na á bɛa bǎã lɛ kɔ ǹ la.»

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.