Minin nimi 18:19 - LAWA A BOO SONBORE

¹⁹ Izirayeli minin lɛn bɛ́ mànan mɛnɛn tumaa boe die koe masɛ Dɛnaa Lawa la, masɛ gɔ ǹ wɔn lɛa, man bɛ koe n din la, ka n nɛgiĩn laanka n nɛlɔn nɛ, a zɛnaa ń landa lɛa tán miɛ̃ duduu. Kɛ n lɛ kɔ kɔn la lɛa, n din laanka n tɔrɔn wɔ lɛa, a ná a ba ziziɛ̃ masɛ yii-n duduu wa.»

LAWA A BOO SONBORE 2011

¹⁹ Izirayeli minin lɛn bɛ́ mànan mɛnɛn tumaa boe die koe masɛ Dɛnaa Lawa la, masɛ gɔ ǹ wɔn lɛa, man bɛ koe n din la, ka n nɛgiĩn laanka n nɛlɔn nɛ, a zɛnaa ń landa lɛa tán miɛ̃ duduu. Kɛ n lɛ kɔ kɔn la lɛa, n din laanka n tɔrɔn wɔ lɛa, a ná a ba ziziɛ̃ masɛ yii-n duduu wa.»

Minin nimi 18:19 ပူးပေါင်းရင်းမြစ်များ

Kiin2 12:16

Ǹ goã paa lɛ koe min mɛnɛn lɛn la mà ǹ dí-nyalin saraa nɛ, min goã nɔ̀n diɛ bɛn la ka paa lɛ a sii-n wa, a giala ǹ nə́ goã ǹ dí nyɛɛ ka peperebaa nɛ.

KZS2 13:5

Dɛnaa Lawa, Izirayeli a Lawa na á Izirayeli a kiibaa kɔ Davida la ká a kion minin ni yǎa duduu. A lɛ kɔ kɔn la mɛn wɔ nɛ, màn kɔn ba boe la a bɛ ziziɛ̃ wa. Ka n kaa bɛ doɛ̃ wa?

KZS2 31:4

Kii pɛ zaman tumaa nɛ, Zeruzalɛmu minin tumaa nɛ, mà màn mɛn bɛ́ Lawa a wúlu-bɔlen laanka Levii tɔrɔn gii lɛa mà ǹ bɛ kɔ ǹ la. Ka bɛa yɔrɔ lɛ nɛ, ǹ tá re koe Dɛnaa Lawa a dí-pɛn kɛn lɛ ka bɔlɔgoondɛnaabaa nɛ.

Bɔ bɛ̀rɛbaa nɛ 29:27

N tìãbii mɛn kɔ masɛ la, ka nyàa mɛn bɛ́ ń bɔ Aarɔn laanka a nɛgiĩn koa ǹ sère lɛ ganaa, bɛn lɛn man masɛ wɔn lɛa.

Ezekieli 43:24

n da bɛn kɔ masɛ Dɛnaa Lawa la. Ǹ wúlu-bɔlen lɛn die ǹ yìsi kaa bɛn ganaa, ǹ tɔn nə ǹ tã lenlen, Dɛnaa Lawa wɔ lɛa.

Lawa a wúlu-bɔlen 2:13

Ǹ bɛ́ re die ka wúlu màn mɛn tumaa nɛ Lawa gɔ ǹ wɔ lɛa, ǹ doamaa nɛ, ǹ yìsi kaa a tumaa ganaa. Ǹ nyan toa ǹ yiri bɔ ka yìsi lɛ a kaamaa-n wa. A giala, yìsi lɛ n nyɛɛ, mà Lawa lɛ kɔ kɔn la mɛn wɔ ǹ nɛ, mà bɛ na a tan yǎa duduu. Bɛ lɛ nɛ, ǹ Lawa gɔ ǹ màn lɛ tumaa, ǹ da nɛ, yìsi ná a ganaa.

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 7:14

Ka n bɛa buuru tɔrɔn lɛn gogoonmaa boe Dɛnaa Lawa wɔ lɛa. Wúlu-bɔle mɛn barka da Lawa nɛ ǹ wúlu màn lɛ a mà pɛsɛ̃ wúlu bɔ ǹ bǎã lɛ wàãn ganaa, buuru lɛ n doe bɛ ganaa.

Minin nimi 18:11

Màn mɛn bɛ́ re doe n ganaa doo, bɛ á ke: Màn mɛn tumaa bɛ́ n boe Izirayeli minin Lawa gɔ ǹ mànan nɛ, ka ǹ mɛn dɔ bɛ́ n boe màn kɛ din tumaa nɛ, ǹ ná a kɔ Lawa la ǹ sii zɛnɛɛ. Masɛ nə ǹ koe n din la, n nɛgiĩn ni, ka n nɛlɔn nɛ, a zɛnaa ń landa lɛa tán duduu. Bɛ̀ min woo min tá *yoreene n kion, á boe la a bii.

Minin nimi 18:8

Dɛnaa Lawa pɛ Aarɔn nɛ: «Á ke, Izirayeli minin bɛ́ mànan mɛnɛn tumaa boe, ǹ nə́ koe masɛ la, ma bɛ yii a sii wɔ n gɔn. Ma n má ǹ kɔ n din la, ka n tɔrɔn nɛ, kaa bɔ a koa lɛ barka nɛ, a zɛnaa n landa lɛa tán duduu.

Minin nimi 31:29

Bɛ̀ ń Dɛnaa Lawa wɔ lɛ bɔ miɛ̃, n kɔ Lawa a wúlu-bɔle Eleyazaara la.

Minin nimi 31:41

Màn mɛn nə n bɔ Dɛnaa Lawa wɔ lɛa, Muizu bɛ kɔ Lawa a wúlu-bɔle Eleyazaara la, ka Dɛnaa Lawa goã á pɛ-n lɔn.

Timəə dí-pɛn 12:26

Sɛnɛ, ka tɔɔn mɛnɛn kaa ǹ gɔrɔn Lawa wɔn lɛa, ka lɛ kɔ Lawa la ǹ wúlu mànan kɛn nɛ, Dɛnaa Lawa bǎã mɛn lɛ bɔ, ka wo ka bɛn nɛ walan.

Timəə dí-pɛn 12:6

Ka á re die ka kaa *wúlu màn tiɛ̃n nɛ walan, kaa barka da ǹ wúlu mànan nɛ, kaa mànan fùfùbaa ǹ wɔn nɛ, kaa Lawa gɔ ǹ mànan nɛ, kaa lɛ kɔ Lawa la ǹ wɔn nɛ, foo kɔɔ̃nbaa ǹ wɔn nɛ, kaa tɔɔ dadaran laanka a bisinin nɛ bibinaan nɛ.