Minin nimi 18:13 - LAWA A BOO SONBORE

¹³ Izirayeli minin lɛn bɛ́ die ǹ gána lɛ a màn tumaa a lɛ binaa mɛn koe masɛ la, n din wɔ n ka bɛ dɔ nɛ. Bɛ̀ min woo min tá yoreene n kion, á boe la a bii.

LAWA A BOO SONBORE 2011

¹³ Izirayeli minin lɛn bɛ́ die ǹ gána lɛ a màn tumaa a lɛ binaa mɛn koe masɛ la, n din wɔ n ka bɛ dɔ nɛ. Bɛ̀ min woo min tá yoreene n kion, á boe la a bii.

Minin nimi 18:13 ပူးပေါင်းရင်းမြစ်များ

Kiin2 4:42

Ǹ kɔn pinaa, giĩ goon bɔ Baalisalisaa kiwi, á daa *ɔrzi buuru mìi fuə kɔ Lawa a boo gii-dali Yiliizee la. A da buuru mɛn lɛ kɔ la, maǹ nə́ da ka ɔrzi dii ni. Á *belee burun dɔ kɔ la boroo ne. Yiliizee nə́ n toa a dí-nyali ganaa mà a gii minin lɛn manɛ ǹ sɔ̃.

KZS2 31:5

Ǹ bɛ́ ǹ nə́ bɛa da ǹ boo kɛ ma lɔn gɔrɔ, Izirayeli minin lɛn nə́ daa ka tán kɔsiɛ̃ mànan lɛ binaa ne mɔnaa nɛ: *Belee ne, duvɛ̃ nɛ, nyɔɔ nɛ, zoo nyɔɔ nɛ ka ǹ wuru màn tɔrɔ kɔsɔn nɛ. Ǹ nə́ daa dɔn ka ǹ kaa-piɛ màn tumaa a fùbaa ǹ wɔ nɛ.

Bɔ bɛ̀rɛbaa nɛ 22:29

Ka zɛnaa bɛa yɔrɔ kɛ lɛ la ka kaa diin ni, kaa sèren ne. Ǹ nɛ bibinaa lɛ gɔ̀lɔ̀n lɛa, ka ǹ toɛ kunun ǹ dan nɛ lɛawaa sɔbaa ǹ yɛ kio. A lɛawaa kiwisibaa ǹ wɔ pinaa, ka dɛ *wúlu màn lɛa, ka kɔ masɛ la.

Bɔ bɛ̀rɛbaa nɛ 23:19

«Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

Bɔ bɛ̀rɛbaa nɛ 34:26

Ka toa, ka da ka kaa tán màn tumaa a nɛ bibinaa nɛ, masɛ a Kion kɛ nɛ, a giala, masɛ din Dɛnaa n kaa Lawa lɛa.» Ka baran bòe nɛ siĩ da ǹ dan nyɔ li ka kɔrɛ wa.

Zeremii 24:2

Káka goon a gɔ́rɔ nɛ n siĩn sɔnbɔraanɛ ka gɔ́rɔ nɛ lɛ bibinaa bɛ́ lɔn. Goon kɛ a gɔ́rɔ nɛ ziziɛ̃maa nɛ. Á ziziɛ̃ á la yii ni, min na a boe la a bii dinin wa.

Ezekieli 44:30

Màn tumaa a lɛ bibinaa sonbore ne, màn mɛn tumaa a sonbore bɛ́ n boe ka gɔn mànan tumaa nɛ Lawa wɔ lɛa, bɛn man doe wúlu-bɔlen lɛn ganaa. Ka die ka kaa *wùsu sonbore kɔ wúlu-bɔlen lɛn la, màn mɛn bɛ́ toɛ ma barka da kaa kion ganaa.

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.

Lawa a wúlu-bɔlen 22:7

Bɛ̀ wasa mɛ lɔn gɔrɔ, ǹ dɛnaa na á *yoreen kɔ. Á boe la kəni, a wúlu màn sonboren lɛn bii, a giala, a wɔ gii ni.

Lawa a wúlu-bɔlen 23:17

Ta ka n giã-n bǎã mɛn nɛ, ka soo ka buuru mìi paa nɛ walan, ka da ǹ nyaa masɛ nɛ ǹ sii zɛnaa. Ka yɔ bù kaa *wùsu sonbore kilo sɔɔ li, ka bɛa buuru lɛ da nɛ. Ka bɛ́ re kaa wuru gɔ́ɔ̃ mànan mɛnɛn kuri bibinaa nɛ, bɛn lɛn man masɛ Dɛnaa Lawa wɔn lɛa.

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Timəə dí-pɛn 18:4

Kaa *belee lɛ bibinaa nɛ, kaa duvɛ̃ dii laanka kaa nyɔɔ wɔ nɛ, ka kaa tɔɔ bisinin bibinaa wɔ nɛ, ka bɛn dɔn kɔ ǹ la.

Timəə dí-pɛn 26:2

lɛ nɛ kaa Lawa, Dɛnaa Lawa ń die koe ka la, ka bɛ́ re màn mɛn tumaa a wuru boe a tán la, ka a tumaa a lɛ bibinaa kɔn kaa kɛsɛ nɛ, ka da nɛ bǎã kɛ nɛ kaa Lawa, Dɛnaa Lawa lɛ ń die boe, bɛ̀ a n din nyaa a nɛ.