Minin nimi 18:1 - LAWA A BOO SONBORE

¹ Dɛnaa Lawa boo da Aarɔn nɛ, á pɛ: «N din ni, n tanlɛ minin ni, ka n din dɔɔ̃n Levii a tanlɛ minin kɛn nɛ, bɛ̀ sã mɛn yɛ Lawa a kion kɛa sii wɔ paǹ li, bɛ n die ka dinin mìi gɔ́ɔ̃ ǹ sii biɛ. Sɛnɛ, n din laanka n tanlɛ minin kɛn nɛ, bɛ̀ sã mɛn yɛ kaa wúlu bɔ ǹ dí ni, bɛ n die ka dininsɔɔ̃nɔn mìi gɔ́ɔ̃ ǹ sii biɛ.

LAWA A BOO SONBORE 2011

¹ Dɛnaa Lawa boo da Aarɔn nɛ, á pɛ: «N din ni, n tanlɛ minin ni, ka n din dɔɔ̃n Levii a tanlɛ minin kɛn nɛ, bɛ̀ sã mɛn yɛ Lawa a kion kɛa sii wɔ paǹ li, bɛ n die ka dinin mìi gɔ́ɔ̃ ǹ sii biɛ. Sɛnɛ, n din laanka n tanlɛ minin kɛn nɛ, bɛ̀ sã mɛn yɛ kaa wúlu bɔ ǹ dí ni, bɛ n die ka dininsɔɔ̃nɔn mìi gɔ́ɔ̃ ǹ sii biɛ.

Minin nimi 18:1 ပူးပေါင်းရင်းမြစ်များ

Bɔ bɛ̀rɛbaa nɛ 28:38

A n goɛ̃ Aarɔn nyanlɛ ganaa, màn mɛn bɛ́ toɛ, Izirayeli nɛnyaanan bɛ́ mànan mɛnɛn tumaa koe Lawa la, ǹ nə́ *gɔ̀ boe ǹ ganaa, Lawa lɛ kɔ bɛa mànan kɛn lɛn ganaa, haalɛ ta maǹ nə́ sã ǹ da Lawa yɔrɔ-a biikoo lɛ li. A n goɛ̃ a nyanlɛ-a biikoo tumaa li, màn mɛn bɛ́ toɛ, bɛa Lawa gɔ ǹ mànan kɛn lɛn nə kɔɔ̃n kɔ Dɛnaa ganaa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Ezekieli 4:4

Waa n gɔsɛ a wàã la, n toa bɛa wàã lɛ la, n nə n toɛ̃ ka Izirayeli minin lɛn sii baraa a guĩ ni. N bɛ́ re wɛɛ bɛa wàã lɛ la n lɛawaa lɛ mɛn dɔ, n die n nə n toɛ̃ ka ǹ sii baraan guĩ ni, bɛa lɛawaan lɛn gɔ́ɔ̃ nɛ.

Lawa a wúlu-bɔlen 10:17

Butumu kɛ lɛ bɛ́ na á n kɔ Lawa wɔ lɛa, wàa na á baa ka a siĩ sɔ̃ Lawa a bǎã sonbore kɛ-n wa? A giala, Lawa wɔ nɛ. Dɛnaa Lawa din na á kɔ ka la, mà ka zaman lɛ a sii baraa sawaa ǹ wúlu bɔ nɛ, Dɛnaa Lawa yɔrɔ-a, ka ǹ sii baraa saa ka bɔ ǹ mìi ni.

Lawa a wúlu-bɔlen 22:16

Bɛ̀ ǹ nə́ wúlu màn sonboren lɛn bii, a da yaa gɔ̀ nə́ ǹ dininmaan ganaa, maǹ die zɛ̀rɛ siɛ ǹ kɔ Izirayeli minin lɛn la, yǎa bɛn nə màn boe, ǹ nə n zɛ̀rɛ sii Lawa la nɛ. A giala, masɛ Dɛnaa Lawa din ni má wúlu-bɔlen lɛn bɔ, má ǹ koa maa dí mìi la.

Lawa a wúlu-bɔlen 22:9

Man gɔn waa ka nɛ ka boon mɛnɛn nɛ, ka kɔ bɛn lɛ, màn mɛn bɛ́ toɛ, ka baran sii baraa saa ka da ka dinin mìi ni, màn-bii sii wɔ paǹ li wa. Bɛ̀ ka masɛ a boo tii bɛa sii lɛ gɔ́ɔ̃ nɛ, ka á re giɛ̃. Masɛ Dɛnaa Lawa din ni má ka bɔ, má ka koa maa dí mìi la.

Minin nimi 14:34

Ka n ka woo ga gána lɛ-a, ka lɛawaa pusi. Lɛawaa goon nə die lɛ̀ goon bǎã siɛ: ka n die n toɛ̃ ka kaa sãn lɛn guĩ ni lɛ̀ pusi gɔ́ɔ̃ nɛ. Màn mɛn tá gòãn dii masɛ ganaa nɛ, ka á re bɛ doɛ̃.

Minin nimi 16:10

Lawa toa ka tá n mɔrɛ a ganaa, nsɛ Koree kɛ lɛ laanka n dɔɔ̃n Levii a tanlɛ minin lɛn nɛ. Ka n wusii doo wúlu bɔ ǹ dí liɛ?

Minin nimi 17:13

Aarɔn golee zaman lɛ a geren laanka a yiikoonaan bii, koe lɛ woo.

Minin nimi 17:3

Min mɛnɛn lɛn nə gã ǹ sii baraa taman yii, ka bɛn da yon gìĩ kɔɔ̃n kaa ǹ mànan lɛn goa, ka ǹ məə ǹ baalaa kɔ, ka ǹ kaa *wúlu bɔ ǹ bǎã kɛ gɔ̀nɔn-a. A giala, maǹ nə́ daa ǹ nɛ masɛ yɔrɔ-a, ǹ nə́ masɛ wɔn baa. Ǹ tá re yiri gisĩ sii ni ǹ mànan biɛ Izirayeli minin lɛn gɔn.»

Minin nimi 17:7

A zaman lɛ toa ǹ nə́ n kaa kun ǹ nə́ yui Muizu laanka Aarɔn gialaa, Muizu laanka Aarɔn nə́ n yɔrɔ bɔyaa ǹ nə́ dia kɔn yɛ ka Lawa nɛ ǹ kion kɛ la, bɛ̀ tɛmaa bara á ke á n kuməə a ganaa, Dɛnaa Lawa a gugurubaa daa n din nyaa.

Minin nimi 18:11

Màn mɛn bɛ́ re doe n ganaa doo, bɛ á ke: Màn mɛn tumaa bɛ́ n boe Izirayeli minin Lawa gɔ ǹ mànan nɛ, ka ǹ mɛn dɔ bɛ́ n boe màn kɛ din tumaa nɛ, ǹ ná a kɔ Lawa la ǹ sii zɛnɛɛ. Masɛ nə ǹ koe n din la, n nɛgiĩn ni, ka n nɛlɔn nɛ, a zɛnaa ń landa lɛa tán duduu. Bɛ̀ min woo min tá *yoreene n kion, á boe la a bii.

Minin nimi 3:6

«*Levii tɔrɔn lɛn bii ǹ nə n wɔlɔ kunu kɔ, n nə ǹ kɔ Lawa a wúlu-bɔle Aarɔn la, màn mɛn bɛ́ toɛ ǹ nə ǹ dɔ lɛ.

Timəə dí-pɛn 10:8

A saa bɛa waáraa lɛ ganaa a da kaa pelo lɛ, Dɛnaa Lawa na á *Levii tɔrɔn kɛn bɔ á ǹ koa ǹ gɔrɔn, mà ǹ na asɛ a *lɛ kɔ kɔn la ǹ goo kɛ gũ, bɛ̀ ǹ golee asɛ yɔrɔ-a, ǹ na asɛ a dí nya, bɛ̀ ǹ barka da minin ganaa ka asɛ tɔ nɛ.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Sii yɔrɔ-bɔlen 17:12

Miikaa Levii tɔrɔ lɛ koa a wúlu-bɔle lɛa. Tɔntɔraa lɛ giã Miikaa a kion.