Minin nimi 17:5 - LAWA A BOO SONBORE

⁵ Bɛa zɛnaa miɛ̃ kɛ lɛ n Izirayeli minin lɛn yiri diɛ a nɛ, mà bɛ̀ á n bɔ Aarɔn a tanlɛ nɛ, min kɔsɔ doamaa bie a da yon gìĩ kɔɔ̃n tã Dɛnaa Lawa yɔrɔ-a wa. Ń giɛ, sii mɛn nə Koree laanka a kiodɛnan yɛ, bɛ baran ǹ dɛnaa yɛ wa. Sii lɛ tumaa nə́ n zɛnaa, ka Dɛnaa Lawa goã, á Muizu baa zɛlɛ lɛa á pɛn lɔn.

LAWA A BOO SONBORE 2011

⁵ Bɛa zɛnaa miɛ̃ kɛ lɛ n Izirayeli minin lɛn yiri diɛ a nɛ, mà bɛ̀ á n bɔ Aarɔn a tanlɛ nɛ, min kɔsɔ doamaa bie a da yon gìĩ kɔɔ̃n tã Dɛnaa Lawa yɔrɔ-a wa. Ń giɛ, sii mɛn nə Koree laanka a kiodɛnan yɛ, bɛ baran ǹ dɛnaa yɛ wa. Sii lɛ tumaa nə́ n zɛnaa, ka Dɛnaa Lawa goã, á Muizu baa zɛlɛ lɛa á pɛn lɔn.

Minin nimi 17:5 ပူးပေါင်းရင်းမြစ်များ

KZS2 26:16

Sɛnɛ, a pàã taman yii, a nə́ n din gole kɔ, bɛ́ tɔn daa ka a mɛnaa nɛ. Á bɔlɔgoonbaãdɛnaa baa Dɛnaa Lawa, a Lawa nɛ. Ǹ kɔn pinaa, á wɔ Lawa a kion mà asɛ n màn gìĩ kɔɔ̃n tiɛ̃ màn gìĩ kɔɔ̃n tã ǹ bǎã kɛ nɛ.

Ɛsidrasi 2:62

Bɛa minin kɛn lɛn tɔrɔ basa bɛ́ kiɛ̃ nɛ sɛ́wɔ mɛn nɛ, ǹ nə́ ga li sɛnɛ, ǹ yɛ wa. Ǹ nə́ tɔ́n ga ǹ ganaa min gɔgɔrɛn lɛa, ǹ nə́ ǹ gòɛ̃ bɔ ǹ nə́ bɔ Lawa a wúlu bɔ sii ni.

Loen 105:26

Lawa ná a dí-nyali Muizu dia, ka Aarɔn kɛ nɛ, a din bɔ.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 5:24

Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

Ezekieli 16:41

Ǹ tá re n kionən tiɛ̃. N doamaa bɛ́ ka dɔlɔ mɛn nɛ, ǹ tá re bɛ boe n ganaa lɔ damata yii ni. Ma á re n kurii n kɔrɔbaa kɛ lɛ ganaa, n nə́ n ba re boe la n min din saraa doo wa.

Ezekieli 23:27

Bɛa biikoo li, ma á re n kurii n gɛsɛbaa ǹ siin kɛn lɛn zɛnaa ganaa, ka n kɔrɔbaa kɛ nɛ, ń bɔ nɛ Ezipti gána nɛ. N ba re n yii din siɛ n ga ǹ ganaa doo wa, n yiri din ba re die ka Ezipti gána kɛ-n doo wa.

Ozee 14:5

Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

Minin nimi 1:51

Bɛ̀ bɛa mɔnaa zìã lɛ tá re n siɛ ǹ mɛn waáraa, Levii tɔrɔn lɛn nə bɔbɔkɔnlɛ. Bɛ̀ mɔnaa zìã lɛ tá n doɛ giã ǹ bǎã kɔsɔ-n doo, Levii tɔrɔn lɛn die ǹ wɔkɔnlɛ. Bɛ̀ min kɔsɔ tɔrɔ nə́ n mɔrɔ mɔnaa zìã lɛ ganaa, ǹ dɛnaa nyin nə n boe.

Minin nimi 11:1

Ǹ kɔn pinaa, zaman lɛ zùũzùũ si. Bɛ kɔɔ̃n kɔ Dɛnaa Lawa ganaa wa. A bɛ́ á ǹ lɛ ma, a foo yoo taãn-taãnɛ. Dɛnaa Lawa tɔ́n bɔ̀n da zaman lɛ ganaa ka tɛ nɛ. Bɛa tɛ lɛ giã ǹ bǎã lɛ lɛkoro kũ.

Minin nimi 16:11

Bɛa yɔrɔ kɛ lɛ la, n laanka n kiodɛnan lɛn tumaa n ká kaa kun, ká yoo Dɛnaa Lawa gialaa. Bɛ bie wa, Aarɔn lɛ n die lɛa kəni, ka tɔn zùũzùũ si a ganaa?»

Minin nimi 16:5

Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

Minin nimi 17:10

«Ka n wɔlɔ lui zaman lɛ ganaa, masɛ n die ǹ bɔ̀n biɛ bǎã goon.» Muizu laanka Aarɔn na, ǹ nə́ kaa tán ǹ lɛ la.

Minin nimi 17:6

Bɛa lɛawaa, zaman lɛ tumaa zùũzùũ si Muizu laanka Aarɔn ganaa, ǹ nə́ pɛ: «Ka dinin man ka Dɛnaa Lawa a zaman lɛ dɛ.»

Minin nimi 17:8

Muizu laanka Aarɔn tɔ́n kiɛ̃ ǹ nə́ woo kɔn yɛ ka Lawa nɛ ǹ kion lɛ yɔrɔ-a.

Korɛnti1 10:10

Wɔ nyan gungunun si dɔn, ka ǹ dɔn min tɛnɛn bɛ́ ǹ nə́ gungunun si lɔn wa. Bɛ lɛ a lɛa nɛ, lon a dia dí-a wole mɛn bɛ́ gɛ̀ dii, bɛ nə́ ǹ tumaa dɛ ǹ nə́ gã.

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»