Minin nimi 16:5 - LAWA A BOO SONBORE

⁵ Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

LAWA A BOO SONBORE 2011

⁵ Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

Minin nimi 16:5 ပူးပေါင်းရင်းမြစ်များ

Loen 105:26

Lawa ná a dí-nyali Muizu dia, ka Aarɔn kɛ nɛ, a din bɔ.

Loen 115:10

Lawa a wúlu-bɔlen lɛn, ka n foo doa Dɛnaa Lawa ganaa. A din nə n doe ka lɛ, á n ka tamaɛ.

Loen 65:4

ka ǹ sãn nɛ ǹ ganaa. Wɔa sãn lɛn man guĩ gugurun lɛa wɔ ganaa, sɛnɛ, nsɛ á boe la n nə ǹ papaã.

Bɔ bɛ̀rɛbaa nɛ 28:1

«Lawa mà Muizu ganaa: N gologiĩ Aarɔn laanka a nɛgiĩn bɔ Izirayeli minin bii, n nə ǹ koa n din li, màn mɛn bɛ́ toɛ, ǹ masɛ a dí nya. Aarɔn din laanka a nɛgiĩn kɛn nɛ: Nadaabu ni ka Abiu ni, Eleyazaara nɛ ka Itamaara nɛ.

Bɔ bɛ̀rɛbaa nɛ 28:41

Bɛa mɔnaan kɛn lɛn wɔ n gologiĩ Aarɔn laanka a nɛgiĩn ganaa, n nyɔɔ kaa ǹ mìi ni, n nə ǹ koa ǹ dí lɛ la, n nə ǹ koa masɛ Lawa wɔn lɛa, ǹ tá re masɛ a dí nyɛɛ.

Bɔ bɛ̀rɛbaa nɛ 28:43

Aarɔn laanka a nɛgiĩn tá re bɛn we, bɛ̀ ǹ tá re we kɔn yɛ ka Lawa nɛ ǹ Kion kɛ nɛ ǹ mɛn waáraa, hinlaa bɛ̀ ǹ tá re n mɔrɛ *wúlu bɔ ǹ bǎã kɛ ganaa, ǹ wúlu bɔ kion sonbore kɛ nɛ. Maǹ die zɛnɛɛ miɛ̃, màn mɛn bɛ́ toɛ, ǹ baran sã, ǹ gã kooro wa. Kɛ n sii zɛnaa ǹ gɔn lɛa Aarɔn mìi ni, ka a kio nɛnyaanan nɛ, a ba n bɔyɛɛ doɛ̃ wa.»

Zeremii 30:21

Dɛnaa Lawa a da ǹ boo á ke: Ǹ dinin min goon nə die ǹ kiã biɛ. Min mɛn bɛ́ re ǹ nyɛɛnaan boe, ǹ dɛnaa n die yii ǹ dinin bii. Ma á re toɛ a n mɔrɔ ma ganaa. Die yii n we dinin a n mɔrɔ masɛ gana a din li?

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 50:44

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎã nɛ. Man die min tumaa goɛ bǎã goon ne ma wo ǹ ne. Bɛ kio, ma á re giĩ goon boe ma koa Baabilonii gána mìi la. Die n ka ma bɛ́ lɔn? Die n boe la a maa sii zɛnaa a nɔ̀n da ma la? Kiã mɛn nə boe la a n gòãn dii ma ganaa?

Ezekieli 40:46

Kion nɛ lɛ a ke a yɔrɔ n dia-n gɔsɛ a lɛ̀gɔn la, Lawa a wúlu-bɔlen wɔ n ka bɛ nɛ, ǹ mɛnɛn bɛ́ *wúlu bɔ ǹ bǎã kɛa dí nyɛɛ. *Levii tɔrɔn bii, Sadɔki tɔrɔn kɛn dininsɔɔ̃nɔn man boe la, ǹ golee Dɛnaa Lawa yɔrɔ-a ǹ dí nya nɛ.

Ezekieli 43:19

Levii tɔrɔ wúlu-bɔlen kɛn Sadɔki tɔrɔn lɛa, ǹ mɛnɛn lɛn bɛ́ n mɔrɛ Dɛnaa Lawa ganaa bɛ̀ ǹ dí nya nɛ, n die n dii gɔ̀lɔ̀ goon kɔ bɛn la, ǹ dɛ sii baraa sawaa ǹ wúlu màn lɛa. Ma din Dɛnaa Lawa a da ǹ boo ne.

Ezekieli 45:4

Bɛa bǎã kɛ lɛ, ǹ nə́ kuru gána lɛ nɛ ǹ nə́ koa, bɛ n die doe wúlu-bɔlen kɛn ganaa, ǹ mɛnɛn bɛ́ Lawa a kion lɛ a dí nyɛɛ, ǹ nə́ n mɔrɛ Dɛnaa Lawa ganaa, ǹ nə́ dí nyɛɛ nɛ. Bɛ̀ á n baa miɛ̃, ǹ dɔn tá boe la ǹ bǎã yɛ ǹ nə ǹ kionən dɔdɔ a nɛ, bǎã dɔ yɛ Lawa wɔ lɛa, ǹ kion sonbore kɛ dɔ a nɛ.

Lawa a wúlu-bɔlen 10:3

Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Minin nimi 16:3

Ǹ nə́ kaa kun ǹ nə́ yoo Muizu laanka Aarɔn gialaa, ǹ nə́ pɛ ǹ nɛ: «Kɛa boe? A giala, zaman lɛ tumaa n Dɛnaa Lawa wɔ lɛa, Dɛnaa Lawa tá kun ka wɔ tumaa nɛ. Wàa na á baa kasɛn tá ka dinin soɛ koe Dɛnaa Lawa a zaman gialakun kɛ nɛ?»

Minin nimi 16:6

Koree laanka a kiodɛnan lɛn, ka die ka sii lɛ a kɛ zɛnaa: ka da yon gìĩ kɔɔ̃n kaa ǹ mànan goa,

Minin nimi 17:5

Bɛa zɛnaa miɛ̃ kɛ lɛ n Izirayeli minin lɛn yiri diɛ a nɛ, mà bɛ̀ á n bɔ Aarɔn a tanlɛ nɛ, min kɔsɔ doamaa bie a da yon gìĩ kɔɔ̃n tã Dɛnaa Lawa yɔrɔ-a wa. Ń giɛ, sii mɛn nə Koree laanka a kiodɛnan yɛ, bɛ baran ǹ dɛnaa yɛ wa. Sii lɛ tumaa nə́ n zɛnaa, ka Dɛnaa Lawa goã, á Muizu baa zɛlɛ lɛa á pɛn lɔn.

Minin nimi 17:8

Muizu laanka Aarɔn tɔ́n kiɛ̃ ǹ nə́ woo kɔn yɛ ka Lawa nɛ ǹ kion lɛ yɔrɔ-a.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Nya ǹ dín 1:24

Ǹ nə́ tɔ́n Lawa nyankɔ: «Dɛnaa, nsɛ mɛn bɛ́ min tumaa foo doɛ̃, n din bɛ́ ń min mɛn bɔ min paa kɛ bii, bɛ nyaa wɔsɛn manɛ,

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 15:7

Liere lɛ bɛ́ á sasa kɔ, Piɛrɛ nə́ n lɛ bũ á pɛ: «Ma dɔɔ̃nɔn lɛn, táa ka á doɛ̃ mà Lawa na á masɛ bɔ ka bii a giala koe li, màn mɛn bɛ́ toɛ, ma boo tii kɔɔ̃n pɛ tɔrɔ kɔsɔn manɛ, ǹ lɛ kɔ a ganaa ǹ golee Yezu li.

Nya ǹ dín 22:14

Á pɛ ma nɛ: «Wɔ digolon Lawa lɛ na á n bɔ, mà n na asɛ foo sii dɔ̃, n yii Min Pepere kɛ yɛ, n na a boo-diɛ ma.

Efɛɛzi minin 2:13

Sɛnɛ kanna, Yezu Krita wɔbaa gɔ́ɔ̃ nɛ, ka bɛ́ ká goã sɔsɔɔ a ganaa, ka n ká wusoo ka n mɔrɔ a ganaa, Krita din a gɛ̀ pàã ganaa.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Samayeli1 2:28

N din digolon kɛn lɛn manɛ, má ǹ bɔ Izirayeli tɔrɔn tumaa bii, má ǹ baa maa wúlu-bɔlen lɛa, màn mɛn bɛ́ toɛ ǹ wo *wúlu bɔ ǹ bǎã nɛ, ǹ da yon gìĩ kɔɔ̃n tã, ǹ dí nya ǹ mɔnaa wɔ masɛ yɔrɔ-a. Izirayeli nɛnyaanan bɛ́ wúlu màn mɛn din tumaa tiɛ̃, ma bɛ kɔ n digolo lɛ laanka a tɔrɔn la.