Minin nimi 16:28 - LAWA A BOO SONBORE

²⁸ Muizu tɔ́n pɛ: «Ka tá re doɛ̃ kɛ li kəni, mà Dɛnaa Lawa na a masɛ dia bɛa siin kɛn lɛn tumaa zɛnɛɛ, masɛ bie ǹ zɛnɛɛ ma din li wa.

LAWA A BOO SONBORE 2011

²⁸ Muizu tɔ́n pɛ: «Ka tá re doɛ̃ kɛ li kəni, mà Dɛnaa Lawa na a masɛ dia bɛa siin kɛn lɛn tumaa zɛnɛɛ, masɛ bie ǹ zɛnɛɛ ma din li wa.

Minin nimi 16:28 ပူးပေါင်းရင်းမြစ်များ

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Bɔ bɛ̀rɛbaa nɛ 4:12

Kanna kəni, woo, ma din tá kun n lɛ nɛ, n doamaa bɛ́ nɛ n boo mɛn da, ma á re n darɛɛ bɛ ganaa.»

Bɔ bɛ̀rɛbaa nɛ 4:15

Boon lɛn pɛ nɛ, n nə ǹ wɔ a lɛ-n. Ma dinmaa tá kun n lɛ nɛ, kun ka a dɔ wɔ nɛ. Ka doamaa bɛ́ ka màn mɛn zɛnaa, ma á re bɛ nyɛɛ ka nɛ.

Bɔ bɛ̀rɛbaa nɛ 7:9

«Bɛ̀ Faarahɔn boo da ka nɛ, ka sii nyaa ǹ sii goon zɛnaa, n pɛ Aarɔn nɛ: N bàlà lɛ saa, n zũ tán Faarahɔn yɔrɔ-a, a n bɔyaa a miɛ̃ baa.»

Zeremii 23:16

Dɛnaa Lawa Pàãyiidɛnaa pɛ: Ka nyan nə n too kɔ Lawa a boo gii-dalin kɛn lon wa. Maǹ ka yiri siɛ̃. Ǹ bɛ́ boo mɛn diɛ, ǹ dinin taasiɛn manɛ. Masɛ a boon bie wa.

Ezekieli 13:17

Nsɛ minbuiin a nɛ, n too kɔ: «N tɔrɔn lɔn mɛnɛn bɛ́ n dinin biɛ Lawa a boo gii-dalin lɛa, n yiin waa ǹ li dɛ! Maǹ boo diɛ á kɔnpii ka ǹ dinin taasiɛ nɛ. Maa boo gii kɛ da ǹ nɛ

Zakarii 2:9

Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

Zakarii 4:9

«Zorobabeli Lawa a kion lɛ gòã daa. A din dɔ n die nyɔmiɛ̃.» Bɛ̀ bɛ nə́ n zɛnaa ǹ mɛn waáraa, ka á re doɛ̃ ka bɛ nɛ mà Dɛnaa Lawa Pàãyiidɛnaa na á ma dia ka li.

Minin nimi 24:13

ta Balaaki na a kion sana tumaa laanka a kion wɔrɔ tumaa koe masɛ la, ma ba boe la ma bɔ ma din ni, ma sii bǐɛ̃ hinlaa sii baraa kɔn zɛnaa, ma Dɛnaa Lawa bɔlɔ tii-n wa. Dɛnaa Lawa bɛ́ re boo mɛn diɛ, man bɛ lɛ pii.

Zaã a sɛ́wɔ 11:42

Ma á doɛ̃ parsiini máa n tá ma lɛ sii biikoo tumaa waáraa. Sɛnɛ, zaman mɛn bɛ́ ma lɛnpɛnɛ, man má kɛ pɛ bɛn taman yii, màn mɛn bɛ́ toɛ, ǹ waa la mà n din ni n ma dia.»

Zaã a sɛ́wɔ 14:11

Ka waa masɛ la, masɛ n kun ka maa Díi ni, maa Díi dɔ n kun ka masɛ nɛ. Bɛ̀ ka a wɛɛ masɛ a boo la wa, zɛnaa ǹ siin kɛn lɛn sɛn taman yii, ka waa la mà Lawa á kun ka masɛ nɛ.

Zaã a sɛ́wɔ 5:30

«Maa boe la ma sii kɔ́n zɛnaa ma din ganaa wa. Lawa bɛ́ màn mɛn pii ma nɛ, man kiri kuri á kɔnpii ka bɛ lɛ nɛ. Maa kiri wɔ ǹ gɔn lɛ á pepere, a giala, ma bie giɛ ma din foo sii li wa, min mɛn bɛ́ á ma dia, man giɛ bɛ lɛ foo sii li.

Zaã a sɛ́wɔ 5:36

«Sɛnɛ, masɛ a siérebaa ǹ sii kɔsɔ tan, bɛ n golee á la ZAÃ a siérebaa ǹ boo kɛ nɛ: Maa Díi nya ǹ dín mɛnɛn kɔ masɛ la má ǹ nya, bɛa dín kɛn lɛn masɛ tá ǹ nyɛɛ, bɛn lɛn man siére biɛ masɛ wɔ gɔn la, ǹ nə́ nyɛɛ mà masɛ a Díi na á ma dia.

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Timəə dí-pɛn 18:22

Boo gii-dali lɛ boo mɛn da ka Dɛnaa Lawa tɔ nɛ, bɛ̀ a sii nə n zɛnaa wa, ka dɔ̃ mà Dɛnaa Lawa bie á bɛa boo lɛ da wa. Boo gii-dali lɛ na á n saa din gole kɔ li á da. Ka nyan nyɛ́ɛ baa-n wa.