Minin nimi 16:22 - LAWA A BOO SONBORE

²² Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

LAWA A BOO SONBORE 2011

²² Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Minin nimi 16:22 ပူးပေါင်းရင်းမြစ်များ

Siin Giala 18:32

Bɛ tumaa kio, Abrahamu mà Dɛnaa ganaa: «N foo baran yoo ma li wa. Toa ma maa boo giala-nyɔmɔɔ da n nɛ. Kɔntan, a fù á boe la a yɛ a nɛ!» Dɛnaa pɛ doo: «Bɛ̀ fù yɛ a nɛ, ma á kiwi lɛ toɛ walan.»

Samayeli2 24:1

Ǹ kɔn pinaa doo, Dɛnaa Lawa foo wusoo á yoo Izirayeli minin lɛn li. Á Davida nyɛnaa á da ǹ ganaa, á pɛ nɛ: «woo, n Izirayeli minin lɛn laanka Zudaa minin lɛn nimi.»

Samayeli2 24:17

Davida bɛ́ á lon a dia dí-a wole lɛ yɛ minin dii zaman lɛ bii, á boo da ka Dɛnaa Lawa nɛ, á pɛ: «Á ke, masɛ din ni má sii baraa zɛnaa, ma din zɛ̀rɛ nɛ. Yii ti-an kɛn dɔn man nə́ wàa zɛnaa kəni? Ma nə n nyankoe, dɔlɔ lɛ bɔ ma din laanka ma di kion minin ganaa.»

Zɔbu 12:10

Màn tumaa a yiikoonaabaa na a din gɔn. Minbuiin tumaa nyin biɛ na a din gɔn.

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Zeremii 32:27

– Masɛ Dɛnaa Lawa n màn yiikoonaa tumaa a Dɛnaa lɛa. Sii á boe la a kaka kɔ masɛ ganaa?

Zeremii 38:16

Sɛnɛ, kii Sedekiasi lɛ kɔ wɔ ka durii ni Zeremii-n kɛnɛn: «Ká Dɛnaa Lawa Yiikoonaa tɔ nɛ, asɛ mɛn yiikoonaabaa kɔ wɔ la, ma a re n nyin boe wa. Min mɛnɛn dɔn bɛ́ zoɛ̃ n gɛ̀ li, ma a re n we bɛn gɔn wa.»

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Lawa a wúlu-bɔlen 10:6

Muizu tɔ́n pɛ a nɛgiĩ min paa kɔsɔn kɛn manɛ, Eleyazaara laanka Itamaara nɛ: Ka baran n mìi ka toa lɔloɛ-n kɔn wa, ka baran kaa mɔnaan tɔtoɛ̃, ka pɛ mà ka n kaa foo ziziɛ̃ nyɛɛ wa. Bɛ̀ ka bɛ zɛnaa, ka á re giɛ̃. Ka á re toɛ dɔn, Lawa foo yoo zaman lɛ tumaa li. Dɛnaa Lawa min mɛnɛn lɛn dɛ ka tɛ nɛ, ka toa ka dɔɔ̃n Izirayeli minin gialakunun tumaa bɛn gɛ̀ wuu pɛ.

Lawa a wúlu-bɔlen 4:3

Min mɛn bɛ́, ǹ nə́ bɔ ǹ nə́ koa wúlu-bɔlen kiã lɛa, bɛ̀ bɛ́ sii baraa zɛnaa, a na á zɛ̀rɛ saa á zaman lɛ tumaa gɔ nɛ. A sii baraa mɛn zɛnaa, a doamaa nɛ a dii gɔ̀lɔ̀ bɔ, wɔ̀lɔ̀ ná a ba a ganaa wa, a kɔ Dɛnaa Lawa la sii baraa lɛ a sawaa ǹ *wúlu màn lɛa.

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Minin nimi 14:5

Muizu laanka Aarɔn tɔ́n na, ǹ nə́ kaa tán ǹ lɛ la, Izirayeli zaman sɔkɔn lɛ tumaa yɔrɔ-a.

Minin nimi 16:23

Dɛnaa Lawa wusoo á boo da Muizu ni á pɛ:

Minin nimi 16:4

Muizu bɛ́ á bɛa boon kɛn lɛn ma, á na, á kaa tán a lɛ la.

Minin nimi 27:16

«N din Dɛnaa Lawa mɛn bɛ́, da ǹ màn tumaa a fɔfoã nə́ n gɔn, ga min li, n da zaman lɛ mìi la,

Rɔmu minin 5:18

Bɛ lɛ n ke, min goon a bɔlɔ-tii toa, kiri á re doe min tumaa ganaa. Bɛa yɔrɔ lɛ la, min goon toto dɔ a bɔlɔ-sii na á daa ka min tumaa zɛ̀rɛ a nya nɛ, á nyin nyabaã kɔ.

Korɛnti1 13:7

Kɔn-narɛɛ n toɛ min nə ǹ miã a sã tumaa toa nɛ. A n toɛ min golee ǹ miã li ka sii tumaa nɛ. A din nə toɛ dɔn min foo-doa yɛ sii tumaa gɔ́ɔ̃ nɛ, a sii tumaa si a ganaa.

Ebrəə 12:9

Gɔ̀nɔn siĩ a díin nə́ yɛ wɔ lon, ǹ nə́ wɔ dɛ ǹ nə́ wɔ doroo, wɔ ǹ lɛ dɔ si. Sanparɛ ka Lawa mɛn bɛ́ lon a Díi lɛa, wɔ a re n doree bɛ nɛ, wɔ yiikoonaabaa taãn-taãn yɛ wa?

Zozoe 22:18

Kasɛn dɔn bɛ́ yui n niɛ n boe Dɛnaa Lawa ganaa pelo, ka nə́ n piɛ̃, biɛ̃ biɛ̃, a foo n die yui wɔsɛn Izirayeli zaman kɛ tumaa li.