Minin nimi 16:13 - LAWA A BOO SONBORE

¹³ Gána mɛn nə́ ke bɔ̀nyaa laanka zoo nyɔɔ n baa sii a nɛ, Muizu wɔ waa á wɔ bɔ walan, á daa wɔ dɛ diə gole kɛ nɛ. Bɛ tɔn dɔ a yii li wa? A n zoɛ̃ li dɔn, a wɔsɛn nyɛɛnaandɛnaa baa ka pàã nɛ?

LAWA A BOO SONBORE 2011

¹³ Gána mɛn nə́ ke bɔ̀nyaa laanka zoo nyɔɔ n baa sii a nɛ, Muizu wɔ waa á wɔ bɔ walan, á daa wɔ dɛ diə gole kɛ nɛ. Bɛ tɔn dɔ a yii li wa? A n zoɛ̃ li dɔn, a wɔsɛn nyɛɛnaandɛnaa baa ka pàã nɛ?

Minin nimi 16:13 ပူးပေါင်းရင်းမြစ်များ

Bɔ bɛ̀rɛbaa nɛ 1:11

Bɛ lɛ taman yii, Ezipti minin lɛn nə́ kənən koa ǹ mìi la, maǹ nə ǹ kaa pàã dí nyɛɛ ganaa. Ǹ nə́ màn-bii koa ǹ kiwin dɔ Ezipti gána a kii *Faarahɔn nɛ, Pitomu laanka Ramusɛsi kiwin kɛn manɛ.

Bɔ bɛ̀rɛbaa nɛ 1:22

Bɛ lɛ nɛ, Faarahɔn pɛ a gána a zaman tumaa nɛ: «Ka Ebrəən lɛn nɛnyaan tiɛɛ̃n giĩdɛnaa tumaa zũ tà mu li, ka toa ǹ nɛlɔdɛnan yii goã koo.»

Bɔ bɛ̀rɛbaa nɛ 16:3

Izirayeli nɛnyaanan lɛn nə́ pɛ ǹ nɛ: «Á ke le! Wɔ bɛ́ siĩ soɛ̃, wɔ n màn dɔ bii wɔ n kiɛ̃ Ezipti gána nɛ ǹ mɛn waáraa, toa bɛ̀ Dɛnaa na á wɔ dɛ bɛa biikoo kɛ li. Á ke, ka soo ka zaman kɛ tumaa nɛ, ka daa wɔ-n don gɔ́ɔ̃ nɛ, wɔ n die giɛ̃ ka bòo ne!»

Bɔ bɛ̀rɛbaa nɛ 17:3

Mu boro zaman lɛ kũ walan, ǹ nə́ zùũzùũ si Muizu ganaa. Ǹ nə́ pɛ: «Wàa na á baa ń soo wɔ nɛ, n wɔ bɔ Ezipti gána nɛ? A n lɔn, ń tá toɛ wɔ n giɛ̃ muboro gɔn, wɔ laanka wɔa nɛnyaanan nɛ ka wɔa tɔɔn nɛ?»

Bɔ bɛ̀rɛbaa nɛ 2:14

Giĩ lɛ mà a ganaa: «Die na á n koa kii laanka kiri-wɔle lɛa wɔsɛn mìi la? Ma n giɛ li n masɛ dɔ dɛ, ka n bɛ́ ń Ezipti min kɛ dɛ lɔn?» Nyɛ́ɛ Muizu kũ, á pɛ kɛnɛn: «Haya, maa sii lɛ bɔ kanaa kəni!»

Bɔ bɛ̀rɛbaa nɛ 2:23

A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.

Ezekieli 34:18

Buu sonbore ke ka á soɛ̃, bɛ na a doe ka yii li wa? Buu mɛn bɛ́ á goã, wàa na á baa, ka á tɔtɔrɛ bɛ la? Ka bɛ́ mu sonbore yii ka á mii, bɛ na a doe ka yii li wa? Wàa na á baa, ka tá a gialakun kɛ yii lɔlɛkɔn ka ka gòãn nɛ?

Minin nimi 11:20

Sɛnɛ, ka n die soɛ̃ mui goon tumu gɔ́ɔ̃ nɛ, yǎa a n toe ka nɛ, a tìĩ boe ka nyin ni. A giala, Dɛnaa Lawa lɛ n kun ka nɛ, ka ná a puusə kɔ, ka wuu pɛ a yɔrɔ-a ká pɛ: Wàa na á baa wɔsɛn nə́ soo wɔ n bɔ Ezipti gána-n dinin?»

Minin nimi 11:4

Ka ǹ kɔn dɔ nɛ, bɔlɔ sɛ muĩ Izirayeli minin tɛnɛn kũ. Izirayeli minin lɛn dininmaan ná a giala kɔ doo ǹ nə́ wuu pɛ, ǹ nə́ n toa mà die n die siĩ koe ǹsɛn la, ǹsɛn nə sɔ̃?

Minin nimi 11:5

Mà kɛ nə n ǹsɛn yiri diɛ zɔ̀ kɛ nɛ, ǹsɛn nə́ goã soɛ̃ màn nanaa lɛa Ezipti gána nɛ, ka kɔnkɔnbərə kɛ nɛ, mɛlɔn kɛ nɛ, pɔrɔn kɛ nɛ, gɛ̀ba kɛ nɛ, ka layi kɛ nɛ.

Minin nimi 13:27

Maǹ nə́ goã ǹ nə́ boo lɛ yɔrɔ pɛ Muizu-n kɛnɛn: «N wɔsɛn dia gána mɛn lɛ nɛ, wɔ woo. Taãn mà a n pɛ, bɔ̀nyaa laanka zoo nyɔɔ n baa sii a nɛ. A da nɛn nə́ ke.

Minin nimi 14:2

Ǹ nə́ n bɔlɔ lɔlɔkɔn Muizu laanka Aarɔn ganaa, ǹ nə́ pɛ ǹ nɛ kɛnɛn: «Haayii! Ká toa bɛ̀ wɔsɛn dinin man wɔ́ gã Ezipti gána lɛ nɛ, hinlaa diə gole kɛ nɛ.

Minin nimi 14:3

Wàa na á baa Dɛnaa Lawa á woe ka wɔsɛn nɛ bɛa gána kɛ miã nɛ, zia bɛ́ re wɔ bii bǎã mɛn nɛ? Maǹ die wɔa lɔn laanka wɔa nɛnyaanan kuĩ. A ba soɛ wɔ ganaa, wɔ n bɔyaa wɔ wo Ezipti gána-n wa?»

Minin nimi 16:12

Bɛ kio, Muizu min dia woe lɛ diɛ Datan laanka Abiramu la, Eliabu a nɛgiĩn lɛn. Sɛnɛ, ǹ nə́ pɛ: «Wɔsɛn ba li wɔ daa wa.

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Nya ǹ dín 7:35

Muizu mɛn bɛ́ Izirayeli nɛnyaanan nə́ n piã nɛ, Lawa na á ná a lon a dia dí-a wole da daãn nɛ, a din lɛ bíi, mà a ǹ kii baa ka ǹ si sii la wole ne, ǹ nɔ̀n da min mɛn la lɛn mà «Die na á koa kii laanka kiri-wɔle lɛa?»