Minin nimi 15:30 - LAWA A BOO SONBORE

³⁰ Sɛnɛ, bɛ̀ min mɛn sii baraa lɛ zɛnaa woone, kɛnaa hinlaa gùli ni, ǹ dɛnaa na á sɔ kɔ Dɛnaa Lawa ganaa. Ka bɛa min lɛ bɔ ka bɔ kun ka a tɔrɔ minin ni.

LAWA A BOO SONBORE 2011

³⁰ Sɛnɛ, bɛ̀ min mɛn sii baraa lɛ zɛnaa woone, kɛnaa hinlaa gùli ni, ǹ dɛnaa na á sɔ kɔ Dɛnaa Lawa ganaa. Ka bɛa min lɛ bɔ ka bɔ kun ka a tɔrɔ minin ni.

Minin nimi 15:30 ပူးပေါင်းရင်းမြစ်များ

Siin Giala 17:14

Sɛnɛ, giĩ *soroma, mɛn bɛ́ a soromabaa nə n bɔ á n bɔ a ganaa wa, ka doamaa nɛ, ka bɛ loo ka bɔ masɛ a minin bii. A giala, bɛa dɛnaa na á masɛ a lɛ kɔ kɔn la lɛ ziziɛ̃.»

Zɔbu 38:15

Sɛnɛ bɛ̀ lɛ̀ waa, min baraan laadoo na á ziziɛ̃. Ǹ sii kakaarɛ zɛnaa lɛ na á sàabaa.

Loen 19:13

Die na a din a sã doɛ̃? N die n maa sãn toa ma nɛ.

Loen 69:9

N din a lɛa nɛ dɔn, ma á tii lɛa ma dɔɔ̃nɔn gɔn, ma á min kɔsɔ lɛa ma din dannɛn gɔn.

Loen 74:18

Dɛnaa Lawa, n yiri koa kɛ nɛ, mà zɔ́ɔn nə́ sɔ kɔ n ganaa. Tɔrɔ gàãnaa kɔn yaa wɔ n ganaa.

Loen 74:22

Lawa! Yoo, n nə n din a zia gii da. N yiri koa gàãnaan kɛn nɛ. N yiri koa ǹ baraabaraa a sɔ kɔ n ganaa kɛ nɛ.

Loen 79:12

Dɛnaa, tɔrɔn mɛnɛn bɛ́ wɔ miãkɛnɛn lɛa, bɛn nə́ sɔ kɔ n ganaa. Bɛa sɔ kɛ lɛ a dòo a laman sɔbaa bɔ ǹ ganaa.

Loen 89:51

Dɛnaa, n yiri kɔ n bɛ̀rɛgiĩn kɛn nɛ, ǹ nə́ sɔ kiɛ ǹ la, n yiri kɔ n din a zaman kɛ tumaa nɛ, ń ma koa a mìi la.

Bɔ bɛ̀rɛbaa nɛ 21:14

Sɛnɛ, bɛ̀ min foo busu ǹ miã li, á ga li, á dɛ ka yiri ni, ta bɛa gɛ̀-dɛle kɛ lɛ na á n duru *wúlu bɔ ǹ bǎã nɛ, ǹ bɔ walan ǹ dɛ, a gã.

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Ezekieli 20:27

Bɛ lɛ taman yii, minbuiin a nɛ, boo da Izirayeli tɔrɔn lɛn manɛ n kɛ pɛ ǹ nɛ: «Masɛ Dɛnaa Lawa gole n kɛ pii: Ka digolon lɛn man nə́ goã bɔlɔ tii ǹ sii zɛnɛɛ, ǹ nə́ we ma lon miɛ̃ duduu.

Lawa a wúlu-bɔlen 20:10

Bɛ̀ giĩ mɛn naarɛbaa zɛnaa kun ka ǹ miã kɔsɔ a lɔ nɛ, giĩ mɛn naarɛbaa lɛ zɛnaa, a zɛnaa kun ka lɔ mɛn dɔ nɛ, ka ǹ paanan dɛ ǹ gã.

Lawa a wúlu-bɔlen 20:3

Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃.

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.

Minin nimi 15:29

Bɛ̀ min mɛn sii baraa zɛnaa, a ná a bie á zɛnaa woon wa, ta kɛnaa n ka ǹ dɛnaa nɛ, Izirayeli min lɛa, hinlaa ǹ dɛnaa n gùli lɛa Izirayeli minin lɛn li, dí-pɛ tɔrɔ goon toto n die goɛ̃ ka lon bɛa dɛnaa lɛ wɔ lɛa.

Minin nimi 9:13

Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.

Matiə 12:32

Bɛ̀ min mɛn nə́ Min a Nɛgiĩ tɔ ziziɛ̃, bɛa dɛnaa a sii baraa á re n toɛ nɛ. Sɛnɛ, bɛ̀ min mɛn nə́ Yiri Fu tɔ ziziɛ̃, bɛa dɛnaa a sii baraa a re n toɛ-n sisia wa, a re n toɛ-n biɛ̃ dɔn wa.

Timəə dí-pɛn 1:43

Má bɛ lɛ yɔrɔ pɛ ka nɛ. Sɛnɛ, ka n too kɔ ma lon wa. Ká n piã ka Dɛnaa Lawa a da ǹ boo ne. Kaa din gole kɔ lɛ gɔ́ɔ̃ nɛ, ká woo kele yii lɛ nɛ.

Timəə dí-pɛn 32:27

Sɛnɛ, man má goã nyɛ́ɛ biɛ, máa ǹ zɔ́ɔn kɛn baran n gɔn kũ bɛ ganaa, ǹ sɔ kɔ ma-a wa, máa ǹ ziadɛnan lɛn baran n dinin bebele ǹ pɛ mà ǹsɛn man nə́ gɔ̀lɔ̀ baa ka n dinin pàã nɛ, mà Dɛnaa Lawa bie á kɛ tumaa zɛnaa wa.

Ebrəə 10:26

Wɔa sonbore doɛ̃ taãn-taãn kio, bɛ̀ wɔ á tɔn nə n tiɛ̃ sii baraa zɛnɛɛ, sii baraa toa ǹ wúlu kɔ́n banban doo wa.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Samayeli1 2:25

Bɛ̀ min sii la ǹ miã kɔsɔ la, Lawa n die bɛ yɔrɔ boe. Sɛnɛ bɛ̀ min sii la Dɛnaa Lawa la, die n die yii, a bɛ yɔrɔ bɔ? Sɛnɛ ǹ nə n too kɔ ǹ di lɛ a boo ganaa wa, a giala, Dɛnaa Lawa na á goã giɛ li mà a ǹ nyin bɔ.

Samayeli1 3:14

Bɛ lɛ na á toa, man liɛ kɛ we Elii a kion li: Wúlu màn hinlaa Lawa gɔ ǹ màn kɔn ba re boe la duduu, a Elii a kion lɛ a sã tuturu wa.»