Minin nimi 15:21 - LAWA A BOO SONBORE

²¹ Bɛa yɔrɔ lɛ la, ka bɛ́ re mɔ̀mɔ mìi bibinaa mɛn diɛ, ka die ka bɛ lɛ kɔ masɛ la. Bɛa sii zɛnaa ǹ gɔn kɛ lɛ n die goɛ̃ miɛ̃ biikoo tumaa li.

LAWA A BOO SONBORE 2011

²¹ Bɛa yɔrɔ lɛ la, ka bɛ́ re mɔ̀mɔ mìi bibinaa mɛn diɛ, ka die ka bɛ lɛ kɔ masɛ la. Bɛa sii zɛnaa ǹ gɔn kɛ lɛ n die goɛ̃ miɛ̃ biikoo tumaa li.

Minin nimi 15:21 ပူးပေါင်းရင်းမြစ်များ

Nehemii 10:38

Wɔ́ lɛ kɔ, wáa wɔ á die woe Lawa a wúlu-bɔlen kɛn li, wɔa Lawa a kion lɛ a kionən ne ka wɔa buuru wùsu-yia sonbore ne. Wɔ bɛ́ da tɔrɔ tumaa a nɛ mɛn boe, wɔ́ lɛ kɔ wáa wɔ́ á die woe ka bɛ dɔ a sonbore ne, wɔ bɛ́ duvɛ̃ dii laanka nyɔɔ mɛn boe ka bɛn dɔn sonbore ne. Wɔ́ lɛ dɔ kɔ, wáa wɔ á die wɔa tán màn a fùbaa ǹ wɔ koe Levii tɔrɔn kɛn la. Wɔ bɛ́ dí nyɛɛ kiwi dadaran mɛnɛn tumaa nɛ, Levii tɔrɔn lɛn dinin doamaanɛ, ǹ da màn a fùbaa ǹ wɔ lɛ si walan.

Bɔ bɛ̀rɛbaa nɛ 23:19

«Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

Bɔ bɛ̀rɛbaa nɛ 29:28

Bɛ a re sàabiɛ doo wa. Izirayeli nɛnyaanan doamaa nɛ, ǹ bɛa paǹan kɛn lɛn bɔ. Ǹ nə́ ǹ bɔ bii kɔɔ̃n kɔ kɔn ka Lawa nɛ ǹ wúlu mànan lɛa, ǹ nə́ ǹ bɔ ǹ nə́ ǹ kɔ Aarɔn laanka a nɛgiĩn la. Màn boe ne ǹ tá re koe Dɛnaa la.

Ezekieli 44:30

Màn tumaa a lɛ bibinaa sonbore ne, màn mɛn tumaa a sonbore bɛ́ n boe ka gɔn mànan tumaa nɛ Lawa wɔ lɛa, bɛn man doe wúlu-bɔlen lɛn ganaa. Ka die ka kaa *wùsu sonbore kɔ wúlu-bɔlen lɛn la, màn mɛn bɛ́ toɛ ma barka da kaa kion ganaa.

Lawa a wúlu-bɔlen 23:14

Kaa wuru màn dii lɛ a buuru ni, a tiɛ̃ nɛ ka a burun ni, ka nyan bɛ kɔn wɔ ka lɛ-n, bɛ̀ a kɔ masɛ la ǹ lɛawaa taãn kɛ ná a dɔ wa. Kɛ n landa lɛa, ka doamaa nɛ ka kɔ lɛ biikoo tumaa li, ta ka n giã-n bǎã mɛn nɛ.

Minin nimi 15:20

Wùsu-yia mɛn bɛ́ a yia ná a tɔn belebɔ wa, ka die ka mɔ̀mɔ mìi goon da ka bɛ nɛ Lawa gɔ ǹ wɔ lɛa. Ka die ka bɛa mɔ̀mɔ mìi goon lɛ kɔ masɛ la, ka ka bɛ́ tán-kɔsiɛ màn nàn koe ma la lɔn, a duwəə kio.

Minin nimi 15:22

«Bɛ̀ á daa yǎa ka n ka sã Lawa a dí-pɛn kɛn ganaa, má ǹ kɔ Muizu la, ka dinin wɔ lɛa ka kaa nɛnyaanan nɛ, a na a bie zɛnaa woon lɛa wa, a kũ a giala kɔ waáraa ganaa a da miɛ̃,

Minin nimi 18:26

«A pɛ Levii a tanlɛ minin lɛn manɛ: Ma bɛ́ gɔn màn a fùbaa ǹ wɔ mɛn lɛ koe ka la kaa wɔ gii lɛa, bɛ̀ Izirayeli minin lɛn nə́ daa bɛ kɔ ka la, ka dɔn nə wusoo ka bɛa gɔn màn a fùbaa ǹ wɔ kɛ lɛ a fù baa ǹ wɔ bɔ ka kɔ masɛ la.