Minin nimi 14:6 - LAWA A BOO SONBORE

⁶ Min mɛnɛn nə goã ǹ nə́ woo ga gána lɛ ganaa, bɛn min paa, Nunu a nɛgiĩ Zozoe laanka Zefunee a nɛgiĩ Kalɛbu ni, foo ziziɛ̃ taman yii, ǹsɛn nə́ ǹ dɔnkɛn tɔtoɛ̃,

LAWA A BOO SONBORE 2011

⁶ Min mɛnɛn nə goã ǹ nə́ woo ga gána lɛ ganaa, bɛn min paa, Nunu a nɛgiĩ Zozoe laanka Zefunee a nɛgiĩ Kalɛbu ni, foo ziziɛ̃ taman yii, ǹsɛn nə́ ǹ dɔnkɛn tɔtoɛ̃,

Minin nimi 14:6 ပူးပေါင်းရင်းမြစ်များ

Siin Giala 37:29

Urubɛn bɛ́ á n bɔyaa, á daa nyankɔrɔ lɛ lɛ-a, a Zozɛfu yɛ a gɔ́ɔ̃-n doo wa. A foo busiimaa, a ná a din a mɔnaan kũ á ǹ toɛ̃.

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Siin Giala 44:13

Sii lɛ bɛ́ á ǹ tumaa kã, ǹ nə́ ǹ mɔnaan tɔtoɛ̃, didie ná a guĩ saa, á da a dundun la, ǹ nə́ n bɔyaa ǹ nə́ daa kiwi gɔ́ɔ̃ nɛ.

Samayeli2 3:31

Davida pɛ Zoabu laanka Zoabu a tá-kun wolen lɛn tumaa nɛ: «Ka kaa mɔnaan tɔtoɛ̃, ka gɛ̀ koa ǹ mɔnaan wɔ, ka mɛ Abnɛɛrɛ gere nyɛɛnɛ, ka a gɛ̀ wuu pɛ.» Kii Davida din na á goã tɔ we gere lɛ kio.

Kiin2 18:37

Ilkia a nɛgiĩ, Eliakimu lɛ kii a sumu mìilandɛnaa lɛa, bɛ nɛ ka sɛ́wɔ-kiɛ̃li Sebunaa nɛ, ka Azaafu a nɛgiĩ Zoa kɛ nɛ sɛ́wɔn tamaɛ, bɛn nə́ n bɔyaa ǹ nə́ daa Ezekiasi li, ǹ mɔnaan nə́ tɔtoɛ̃ nɛ. Sɔraasin mìilandɛnaa lɛ goã á boon mɛnɛn da, ǹ nə́ bɛn gũ ǹ nə́ ǹ pɛ Ezekiasi ni.

KZS1 7:27

Nunu laanka Zozoe ne.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Minin nimi 13:30

Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

Minin nimi 13:6

Yefunee a nɛgiĩ Kalɛbu n Zudaa tɔrɔn wɔ lɛa,

Minin nimi 13:8

Nunu a nɛgiĩ Hozee n Efrayimu tɔrɔn wɔ lɛa,

Minin nimi 14:24

Sɛnɛ, taasiɛ kɔsɔ goã maa dí-nyali Kalɛbu sɛ yiri ni, á goã bɔlɔgoondɛnaa lɛa masɛ wɔ paǹ li. A wo ga gána mɛn lɛ-a, masɛ á die we-n walan, ma bɛa bǎã lɛ kɔ a tɔrɔn la.

Minin nimi 14:30

Masɛ nə n lɛ kɔ, má ma á gána mɛn lɛ koe ka la, ka giã a nɛ, bɛ̀ á n bɔ Zefunee a nɛgiĩ Kalɛbu ni, ka Nunu a nɛgiĩ Zozoe ne, bɛ̀ ka wɔ bɛ nɛ, masɛ bie wa.

Minin nimi 14:38

Min mɛnɛn nə goã ǹ nə́ woo ga gána lɛ ganaa, Nunu a nɛgiĩ Zozoe laanka Zefunee a nɛgiĩ Kalɛbu dinsɔɔ̃ yii na á goã koo ǹ bii.

Minin nimi 14:5

Muizu laanka Aarɔn tɔ́n na, ǹ nə́ kaa tán ǹ lɛ la, Izirayeli zaman sɔkɔn lɛ tumaa yɔrɔ-a.

Minin nimi 14:7

ǹ nə́ pɛ Izirayeli zaman lɛ tumaa nɛ: «Wɔsɛn nə gána mɛn lɛ kɔkɔn wɔ́ ga a ganaa, gána siĩn ni a tɔ-a.

Matiə 26:65

Lawa a wúlu-bɔlen kiã nɔmaa a ná a din a mɔnaan kũ á ǹ toɛ̃, á pɛ: «Á Lawa tɔ ziziɛ̃! Wɔsɛn laadoo ba siére kɔsɔ-a doo wa! Ka bɛ́ ka a Lawa tɔ ziziɛ̃ ǹ boo lɛ ma.

Marki 14:63

Lawa a wúlu-bɔlen kiã foo yoo, á nɔmaa a ná a din a mɔnaan kũ á ǹ toɛ̃, á pɛ: «Wɔsɛn laadoo ba siére kɔsɔ din ganaa doo wa!

Nya ǹ dín 14:14

Dia dí-a wole Pooli laanka Barnabaasi bɛ́ ǹ nə́ bɛa boo kɛ ma, ǹ foo ziziɛ̃ parsiini. Ǹ nə́ ǹ mɔnaan toɛ̃, ǹ nə́ n gòã saa ǹ nə́ woo zaman lɛ li, ǹ nə́ paraa:

Zozoe 14:6

Bɛa biikoo li, Zudaa tɔrɔ minin kɔnɔn nə́ daa dɔ Zozoe li Gilgaali. Kenizi tɔrɔ Zefunee a nɛgiĩ Kalɛbu tɔ́n pɛ nɛ: Dɛnaa Lawa boo mɛn da a boo gii-dali Muizu ni masɛ laanka n din Zozoe wɔ paǹ li Kadɛsi-Barneya kiwi, táa n yiri tá a nɛ?

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Sii yɔrɔ-bɔlen 11:35

Zɛftee bɛ́ á yɛ lɔn gɔrɔ, foo ziziɛ̃ gɔn, á ná a mɔnaa kũ á toɛ̃ á pɛ: «E, maa nɛlɔ, ma n die masɛ diɛ foo ziziɛ̃ li. Masɛ a koe bɔmaa wolen lɛn goon nə ka n din ni. Ma lɛ na á má da sii ni Dɛnaa Lawa yɔrɔ-a, ma a boe la ma wusoo ka ma kio-n doɛ̃ wa.»