Minin nimi 14:24 - LAWA A BOO SONBORE

²⁴ Sɛnɛ, taasiɛ kɔsɔ goã maa dí-nyali Kalɛbu sɛ yiri ni, á goã bɔlɔgoondɛnaa lɛa masɛ wɔ paǹ li. A wo ga gána mɛn lɛ-a, masɛ á die we-n walan, ma bɛa bǎã lɛ kɔ a tɔrɔn la.

LAWA A BOO SONBORE 2011

²⁴ Sɛnɛ, taasiɛ kɔsɔ goã maa dí-nyali Kalɛbu sɛ yiri ni, á goã bɔlɔgoondɛnaa lɛa masɛ wɔ paǹ li. A wo ga gána mɛn lɛ-a, masɛ á die we-n walan, ma bɛa bǎã lɛ kɔ a tɔrɔn la.

Minin nimi 14:24 ပူးပေါင်းရင်းမြစ်များ

KZS2 25:2

Sii mɛn bɛ́ siĩn Dɛnaa Lawa yii li, Amasiya bɛ zɛnaa sɛnɛ, a nə n foo tumaa kɔ Dɛnaa Lawa la wa.

Loen 119:145

Dɛnaa Lawa, man lɛ diɛ n la ka ma foo tumaa nɛ. N nyəə ma la, ma á re koe n foo sii boon kɛn lɛ.

Loen 119:80

N dɔ ma lɛ, ma kɔ n foo sii boon kɛn lɛ, ka ma foo tumaa nɛ, màn mɛn bɛ́ toɛ, sìi baran ma kũ wa.

Suusun 23:26

Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.

Minin nimi 13:30

Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

Minin nimi 14:30

Masɛ nə n lɛ kɔ, má ma á gána mɛn lɛ koe ka la, ka giã a nɛ, bɛ̀ á n bɔ Zefunee a nɛgiĩ Kalɛbu ni, ka Nunu a nɛgiĩ Zozoe ne, bɛ̀ ka wɔ bɛ nɛ, masɛ bie wa.

Minin nimi 26:65

A giala, Dɛnaa Lawa na á goã á pɛ ǹsɛn wɔ paǹ li, mà maǹ die giɛ̃ diə gole kɛ nɛ, a giala yii li. Á ke Sonbore, ǹ min goon nə goã wa, bɛ̀ á n bɔ Yefune a nɛgiĩ Kalɛbu laanka Nunu a nɛgiĩ Zozoe ne.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Efɛɛzi minin 6:6

Ka baran zɛnaa miɛ̃, bɛ̀ ǹ tá ka genli biikoo mɛn dinsɔɔ̃ li, ń giɛ ka á kiɛ ǹ foo la wa. Sɛnɛ, ka Lawa foo sii zɛnaa ka ka foo tumaa nɛ, ka Krita a bɛ̀rɛn bɛ́ lɔn.

Timəə dí-pɛn 1:36

yǎa Yefunee a nɛgiĩ Kalɛbu ke. Bɛ yii á re yii. A tɔ wɔ á bɔ gána mɛn lɛ nɛ, ma á re koe a din laanka a nɛnyaanan la. A giala, á kɔ masɛ Dɛnaa Lawa lɛ, ka a parsiini.»

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Kolɔɔsi minin 3:23

Ta dí lɛ n lɔn, ka nya ka foo sonbore ne, ka n pɛ mà ka ǹ nyɛɛ Dɛnaa nɛ, ka bie nyɛɛ minin man wa.