Minin nimi 14:22 - LAWA A BOO SONBORE

^22-23 Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

LAWA A BOO SONBORE 2011

^22-23 Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Minin nimi 14:22 ပူးပေါင်းရင်းမြစ်များ

Siin Giala 31:41

Ma lɛ̀ fuə n ke n kion. Má dí nya n nɛ lɛ̀ fulusii gɔ́ɔ̃ nɛ, n nɛlɔ min paa kɛn lɛa. Ma dí nya n nɛ lɛ̀ sɔrɔ gɔ́ɔ̃ nɛ, màn mɛn bɛ́ toɛ, ma tɔɔn yɛ. Sɛnɛ, ń maa saraa bɔyaa gunyin fù.

Siin Giala 31:7

Kaa díi ma bebele, á maa saraa bɔyaa gunyin fù. Sɛnɛ, Lawa na a lɛ kɔ mà a mɛnaa ma la wa.

Zɔbu 19:3

Á ke, ká dɔ gunyin fù gɔrɔ sɔ koe ma ganaa. Ka n nyɛɛ ma yii-n miɛ̃, a sìi diɛ ka-a wa?

Loen 106:14

Don lɛ gɔ́ɔ̃ nɛ, màn mɛn bɛ́ á goã ǹ nyaabiɛ, ǹ yii bɔ bɛ li babaraanɛ. Ǹ nə́ n da Lawa gɔ́ɔ̃ li, bɛa bǎã kɛ lɛ nɛ.

Loen 106:26

Bɛ lɛ taman yii, Lawa nə́ n gɔn saa lon, á n liɛ, mà asɛ n die ǹ dii don gɔ́ɔ̃ nɛ, ǹ gã.

Loen 78:41

Maǹ nə́ goã n diɛ Lawa gɔ́ɔ̃ li miɛ̃, ǹ nə́ goã Izirayeli a Lawa sonbore kɛ foo ziziɛ̃ ǹ sii zɛnɛɛ.

Bɔ bɛ̀rɛbaa nɛ 14:11

Ǹ nə́ pɛ Muizu ni: «Yalan man nə́ nyaabaa Ezipti gána nɛ, ń nə́ die wɔ kiɛ gɛ̀ kooro li don bii? Wàa mɛn sii ni ń zɛnaa wɔ-n kɛnɛn? N bɛ́ ń wɔ kũ ń soo wɔ nɛ, ń wɔ bɔ Ezipti gána nɛ.

Bɔ bɛ̀rɛbaa nɛ 15:24

Zaman lɛ zuũzuũ si Muizu ganaa walan. Ǹ nə́ pɛ mà ǹsɛn man die wàa mii kəni?

Bɔ bɛ̀rɛbaa nɛ 16:2

Don lɛ gɔ́ɔ̃ nɛ, Izirayeli nɛnyaanan zaman lɛ tumaa zùũzùũ si, Muizu laanka Aarɔn ganaa.

Bɔ bɛ̀rɛbaa nɛ 17:2

Zaman lɛ zia da Muizu ganaa, ǹ nə́ pɛ nɛ: «Mu kɔ wɔ la wɔ mi.» Muizu pɛ ǹ nɛ: «Wàa na á baa ka tá zia diɛ ma ganaa? Wàa na á baa ka tá n diɛ Dɛnaa gɔ́ɔ̃ li?»

Bɔ bɛ̀rɛbaa nɛ 17:3

Mu boro zaman lɛ kũ walan, ǹ nə́ zùũzùũ si Muizu ganaa. Ǹ nə́ pɛ: «Wàa na á baa ń soo wɔ nɛ, n wɔ bɔ Ezipti gána nɛ? A n lɔn, ń tá toɛ wɔ n giɛ̃ muboro gɔn, wɔ laanka wɔa nɛnyaanan nɛ ka wɔa tɔɔn nɛ?»

Bɔ bɛ̀rɛbaa nɛ 17:7

Á bɛa bǎã kɛ lɛ bíi mà Maasaa ka Meribaa, bɛn giala mà "Damagɔ́ɔ̃ li" laanka "Zia da ma-a". Izirayeli nɛnyaanan zia kɛ lɛ a lɛa, ka ǹ da Lawa gɔ́ɔ̃ li kɛ nɛ, bɛ̀ ǹ bɛ́ ǹ nə́ pɛ mà Dɛnaa lɛ tá ǹsɛn bii hinlaa a banban.

Bɔ bɛ̀rɛbaa nɛ 32:1

Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Bɔ bɛ̀rɛbaa nɛ 5:21

Ǹ nə́ pɛ ǹ nɛ kɛnɛn: «Dɛnaa din ga kɛ ganaa, a kiri kuru ka la. Ka dinin lɛa nɛ, wɔsɛn tìĩ bɔ Faarahɔn laanka a dí-nyalin nyin ni. Ka n ka gɔya wɔ ǹ gɔn, mà ǹ wɔ dɛ nɛ.»

Izayii 42:20

Nsɛ, Izirayeli a zaman, n sii gigiã yɛ, sɛnɛ n nə n yiri koa màn kɔn li wa. N nə́ n toon bũ, sɛnɛ n boo kɔn ma wa.

Malakii 3:15

Wɔ́ dɔ̃ kanna kəni, din gole-kɔlen lɛn man ke ǹ foo n kɔɔ̃nɛ. Sii baraa-zɛnaalin lɛn man ke màndɛnan lɛa. Ta ǹ nə́ ga Lawa lɛ li, maǹ nə n boe a-n biikoo yii li.»

Minin nimi 11:1

Ǹ kɔn pinaa, zaman lɛ zùũzùũ si. Bɛ kɔɔ̃n kɔ Dɛnaa Lawa ganaa wa. A bɛ́ á ǹ lɛ ma, a foo yoo taãn-taãnɛ. Dɛnaa Lawa tɔ́n bɔ̀n da zaman lɛ ganaa ka tɛ nɛ. Bɛa tɛ lɛ giã ǹ bǎã lɛ lɛkoro kũ.

Minin nimi 11:4

Ka ǹ kɔn dɔ nɛ, bɔlɔ sɛ muĩ Izirayeli minin tɛnɛn kũ. Izirayeli minin lɛn dininmaan ná a giala kɔ doo ǹ nə́ wuu pɛ, ǹ nə́ n toa mà die n die siĩ koe ǹsɛn la, ǹsɛn nə sɔ̃?

Minin nimi 12:1

Muizu na á goã á Etiopii gána nɛ saa lɔ lɛa. Miriyamu laanka Aarɔn tɔ́n Muizu tɔ pɛ bɛa sii lɛ gɔ́ɔ̃ nɛ,

Minin nimi 14:11

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Minin nimi 14:2

Ǹ nə́ n bɔlɔ lɔlɔkɔn Muizu laanka Aarɔn ganaa, ǹ nə́ pɛ ǹ nɛ kɛnɛn: «Haayii! Ká toa bɛ̀ wɔsɛn dinin man wɔ́ gã Ezipti gána lɛ nɛ, hinlaa diə gole kɛ nɛ.

Minin nimi 32:12

Zefunee a nɛgiĩ Kalɛbu ke Kenii tɔrɔ lɛa, bɛ laanka Nunu a nɛgiĩ Zozoe dinsɔɔ̃ n die we gána lɛ nɛ, a giala ǹ nə́ kɔ masɛ lɛ ka ǹ yɔrɔ nɛ.»

Matiə 4:7

Yezu tɔ́n pɛ nɛ: – Lawa a boo lɛ pɛ dɔn: «N baran n da n Dɛnaa Lawa gɔ́ɔ̃ li wa.»

Korɛnti1 10:5

A laanka bɛ nɛ, ǹ gigiã goã ǹ bii, ǹ nə́ ǹ ba Lawa foo sii minin lɛa wa. Bɛ lɛ na á toa, ǹ nə́ goã boe bɛ̀ ǹ kaa don gɔ́ɔ̃ nɛ ǹ gã.

Korɛnti1 10:9

Wɔ nyan toa wɔ n da Dɛnaa gɔ́ɔ̃ li, ka ǹ dɔn min tɛnɛn bɛ́ ǹ nə́ zɛnaa lɔn wa. Bɛ lɛ nɛ, miɛ̃ nə́ ǹ tumaa yaga ǹ nə́ gã.

Timəə dí-pɛn 9:7

Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Ebrəə 3:9

Lawa pɛ: Ma dí mɛn din tumaa nya lɛ̀ pusi gɔ́ɔ̃ nɛ, a laanɛ ǹ nə́ bɛ tumaa yɛ, ka digolon nə́ n da ma gɔ́ɔ̃ li, ǹ nə́ ga ma lɛ li.