Minin nimi 14:2 - LAWA A BOO SONBORE

² Ǹ nə́ n bɔlɔ lɔlɔkɔn Muizu laanka Aarɔn ganaa, ǹ nə́ pɛ ǹ nɛ kɛnɛn: «Haayii! Ká toa bɛ̀ wɔsɛn dinin man wɔ́ gã Ezipti gána lɛ nɛ, hinlaa diə gole kɛ nɛ.

LAWA A BOO SONBORE 2011

² Ǹ nə́ n bɔlɔ lɔlɔkɔn Muizu laanka Aarɔn ganaa, ǹ nə́ pɛ ǹ nɛ kɛnɛn: «Haayii! Ká toa bɛ̀ wɔsɛn dinin man wɔ́ gã Ezipti gána lɛ nɛ, hinlaa diə gole kɛ nɛ.

Minin nimi 14:2 ပူးပေါင်းရင်းမြစ်များ

Kiin1 19:4

Yilii dinmaa lɛ sɛ pinin goon tɔ wɔ diə gole ne. Á giã tán da goon giulun, á nɔ̀n da gɛ̀ li bɛ̀ á n pii: «Sii lɛ ma gɔ̀nɔn bɔ kanna. Dɛnaa Lawa, masɛ nyín si ma la, a giala, ma ba soɛ ma digolon man wa.»

Zɔbu 3:11

Wàa na á baa, ma gã ma dan gɔ́ɔ̃-n wa? Wàa na á baa, ma gã maa yɛ pinaa wa?

Loen 106:24

Bɛ lɛ tumaa kio doo, ǹ nə́ n piã ka gána sonbore kɛ nɛ, Lawa kɔ ǹ la, ǹ golee a boo li wa.

Loen 106:25

Ǹ nə́ zuuzuũ si ǹ mɔnaa kionən ne, ǹ nə n too kɔ Dɛnaa Lawa lon wa.

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Bɔ bɛ̀rɛbaa nɛ 14:11

Ǹ nə́ pɛ Muizu ni: «Yalan man nə́ nyaabaa Ezipti gána nɛ, ń nə́ die wɔ kiɛ gɛ̀ kooro li don bii? Wàa mɛn sii ni ń zɛnaa wɔ-n kɛnɛn? N bɛ́ ń wɔ kũ ń soo wɔ nɛ, ń wɔ bɔ Ezipti gána nɛ.

Bɔ bɛ̀rɛbaa nɛ 15:24

Zaman lɛ zuũzuũ si Muizu ganaa walan. Ǹ nə́ pɛ mà ǹsɛn man die wàa mii kəni?

Bɔ bɛ̀rɛbaa nɛ 17:3

Mu boro zaman lɛ kũ walan, ǹ nə́ zùũzùũ si Muizu ganaa. Ǹ nə́ pɛ: «Wàa na á baa ń soo wɔ nɛ, n wɔ bɔ Ezipti gána nɛ? A n lɔn, ń tá toɛ wɔ n giɛ̃ muboro gɔn, wɔ laanka wɔa nɛnyaanan nɛ ka wɔa tɔɔn nɛ?»

Zonaasi 4:3

Dɛnaa Lawa, masɛ nə n nyankoe máa n ma nyin bɔ gɔrɔ. A giala, gɛ̀ á soɛ masɛ ganaa tá kanaa nɛ.»

Zonaasi 4:8

Á ga gɛ̀ li bɛ̀ a n pii mà gɛ̀ á soɛ asɛ ganaa tá kanaa nɛ.

Minin nimi 11:1

Ǹ kɔn pinaa, zaman lɛ zùũzùũ si. Bɛ kɔɔ̃n kɔ Dɛnaa Lawa ganaa wa. A bɛ́ á ǹ lɛ ma, a foo yoo taãn-taãnɛ. Dɛnaa Lawa tɔ́n bɔ̀n da zaman lɛ ganaa ka tɛ nɛ. Bɛa tɛ lɛ giã ǹ bǎã lɛ lɛkoro kũ.

Minin nimi 11:15

Bɛ̀ n tá re masɛ kuĩ kɛnɛn, á soɛ n masɛ dɛ. Ń ta re bǐɛ̃ din koe masɛ-a bɛa yɔrɔ lɛ la, maa koe kɛ na á ba ma yii gɔ́ɔ̃ ǹ sii biɛ wa.

Minin nimi 11:5

Mà kɛ nə n ǹsɛn yiri diɛ zɔ̀ kɛ nɛ, ǹsɛn nə́ goã soɛ̃ màn nanaa lɛa Ezipti gána nɛ, ka kɔnkɔnbərə kɛ nɛ, mɛlɔn kɛ nɛ, pɔrɔn kɛ nɛ, gɛ̀ba kɛ nɛ, ka layi kɛ nɛ.

Minin nimi 14:1

Izirayeli zaman lɛ tumaa nə́ n lɛ wurəə, ǹ nə́ n lɛ dɛ tèlò tumu gɔ́ɔ̃ nɛ.

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Minin nimi 16:13

Gána mɛn nə́ ke bɔ̀nyaa laanka zoo nyɔɔ n baa sii a nɛ, Muizu wɔ waa á wɔ bɔ walan, á daa wɔ dɛ diə gole kɛ nɛ. Bɛ tɔn dɔ a yii li wa? A n zoɛ̃ li dɔn, a wɔsɛn nyɛɛnaandɛnaa baa ka pàã nɛ?

Minin nimi 17:6

Bɛa lɛawaa, zaman lɛ tumaa zùũzùũ si Muizu laanka Aarɔn ganaa, ǹ nə́ pɛ: «Ka dinin man ka Dɛnaa Lawa a zaman lɛ dɛ.»

Minin nimi 20:2

Zaman lɛ daa á fɔ̃ mu li, ǹ nə́ tɔ́n kaa kun ǹ nə́ yoo Muizu laanka Aarɔn gialaa.

Minin nimi 20:3

Zaman lɛ ga Muizu lɛ li, ǹ nə́ pɛ: «Haayii! Wɔsɛn dɔɔ̃nɔn kɛn lɛn bɛ́ giɛ̃ Dɛnaa Lawa yɔrɔ-a, toa bɛ̀ wɔsɛn dɔn man wɔ́ gã bɛa biikoo lɛ din li.

Minin nimi 20:4

Wàa na á baa, ká daa ka Dɛnaa Lawa a zaman lɛ nɛ, diə gole kɛ nɛ, mà wɔ gã a nɛ, kɔnlɛ ka wɔa tɔɔn nɛ?

Minin nimi 21:5

Ǹ ná a giala kɔ, ǹ nə́ boo diɛ Lawa laanka Muizu ganaa kɛnɛn: «Wàa na á baa ka wɔsɛn waa ká soo wɔ nɛ Ezipti gána nɛ, ka n die wɔ dii diə gole kɛ nɛ? A giala, buuru ba bǎã kɛ lɛ-n wa, mu dɔ ba a-n wa. Bɛa màn-bii naarɛ kɛ wɔsɛn gɔ̀nɔn bɔ.»

Korɛnti1 10:10

Wɔ nyan gungunun si dɔn, ka ǹ dɔn min tɛnɛn bɛ́ ǹ nə́ gungunun si lɔn wa. Bɛ lɛ a lɛa nɛ, lon a dia dí-a wole mɛn bɛ́ gɛ̀ dii, bɛ nə́ ǹ tumaa dɛ ǹ nə́ gã.

Timəə dí-pɛn 1:27

Ká zùzùũ si kaa mɔnaa kionən ne ká pɛ kɛnɛn: «Wɔ sii bɛ́ a ba kɔɔ̃n Dɛnaa Lawa ganaa wa, bɛ lɛ nɛ á wɔ waa, á wɔ bɔ Ezipti gána nɛ. A n giɛ li, a wɔ kɔ Amɔɔrɔ tɔrɔn kɛn la, bɛn nə wɔ dɛ lenlen.

Timəə dí-pɛn 9:23

Ka bɛ́ Kadɛsi-Barneya, Dɛnaa Lawa bɛ́ á ka dia á pɛ ka nɛ mà asɛ bɛ́ gána mɛn lɛ koe ka la, mà ka woo, ka si ka baa kaa wɔ lɛa, ká n piã ka kaa Lawa, Dɛnaa Lawa lɛ a boo ne, ka waa la wa, ka n too kɔ a lon wa.

Ebrəə 3:16

Dien man nə́ Lawa lɛ lɛ ma, ǹ nə́ n piã-n dɔn? Muizu min mɛnɛn tumaa nyɛɛnaan bɔ, á soo ǹ ne Ezipti gána nɛ, bɛn lɛn manɛ.

Zude 1:16

Biikoo tumaa waáraa, ǹ dinin lɛn man zùũzùũ sii, ǹ nə́ min kɔsɔn zɛ̀rɛ biɛ. Maǹ koe ǹ dinin dùũ sii babaraan kɛn dininsɔɔ̃nɔn lɛ. Maǹ nə ǹ dinin gole kɔ ǹ boon diɛ. Maǹ min kɔsɔn bebele ǹ dinin là a lɛa.